عباس: يلا نرفع الزحمه من رخصتكم يا الغوالي لا والله متكوم عمي انت هم تعبان اني هسه اروح يلا مع السلامه
ابو محمد: لعد ما اكوم اني بابا بنيتي عشق وصلي ابن عمج للباب
عشق وية نفسي: يبووو دا اسايرة علمود يصير زين وياية هسه ابوية يريد يزلكني بي خلي يوصل وحدة للباب شنو معنده رجلين ويريدني اوصله
عشق: تدلل يابة تفضل خوية عباس
عباس: طلعت وصلت للباب عشق
عشق: نعم تفضل خوية
عباس: ديري بالج تره ولد هل منطقه مو راحه وانتي بنت بعدج زغير اني مثل اخوج ونصحج والله شاهد اعتبرج مثل اختي
عشق: شكرا الك بس لا تخاف اني بميت رجال وشحده يتقربلي
عباس: هههه حلوة هاي مال ميت رجال
عشق: مبين ما مقتنع بحجي بس طيني فتره واثبتلك كلامي بمرور الوقت تتأكد
عباس يلا عشق تصبحين على خير
عشق You are from the people of good
عباس: هههههه وطلعت فتحت السيارة ونطلقت للبيت احنه قريبين بس مسافه بعد بيتنه على بيت عمي ابو محمد
عشق: طبيت للبيت واضحك وبداخلي اكول هههه استاذ عباس طلع ميعرف انكليزي اني اعلمك
ساعدت امي بتحضير العشة وكعدنه تعشينه وغسلت لماعين وبعدها سويتلهم جاي وكعدنه نسولف ونضحك لحد مصارت 10 بابا راح نام وماما هم فاتت وياة ونامت محمد راح الغرفته واني لميت لستكاين وغسلتهن وصعدت لغرفتي شفت سارة مخابرة علية هواي دكيت عليه متجاوب بعدها عفت الموبايل ونمت
محسيت اله الصبح
امي كعدتني وكالت يلا نروح لبيت عمج ابو عباس
عشق: ما اروح خليني انام روحو بس انتو
ام محمد: لج كومي عمج ابو عباس مشتاقلج لج كومي مو جنتي تحبي من جنتي زغيرة لو غيرتي رأيج
عشق: اوك راح اروح بس علمود عمي
ام محمد يله يمه انتظرج جوة
عشق حاضر كمت حضرت ملابسي وسبحت ولبست حجابي وعباتي ونزلت
ام محمد: يله يمه خلي نتوكل نروح اخوج منتظرنه بلسيارة
عشق: حاضر يمه
عشق: محمد اخذني للسوك قبل لا اروح لبيت عمي فدوة
محمد هستوج ذكرتي السوك
عشق خوية محمد فدوة اروحلك والله مجان عندي وقت اروح وتدري البارحه عباس كلنه بليل تعالو يمنه والصبح من صبحت راستن طلعنه لبيت عمي واني اريد ملابس اشتري وانتو متقبلون على هذني ملابسي واني معندي غير هل موديلات فدوة وديني لا هسه عباس يحطني باله ويكتلني بكدام الوادم كله
محمد: بستهزاء: لا تخافين اني اكل العباس انتظر عشق كم يوم وتشتري ملابس لا دكه عود هههههه
عشق: اي فدوة اروحلك كله خلي يعذرني ما اريد اتفشل وية كدام عمامي
وصلنه وطبينه لبيت عمي سلمت عليهم وبوست عمي كلش جنت مشتاقتله حته كمت ابجي كتله هيج عمو تستقبلني من اجي من بغداد وثاني مرة بعد ما اشوفك
ابو عباس: بعد بيتي يا عشوشه مشتاقلج عمو تدرين بس انتي من بنات عمامج شلونج عشوشه بنيتي
عشق: الحمدالله عمو انت شلونك سكر شلونه وياك
ابو عباس بخير عمو
سلمت على مرت عمي وعادي ستقبلتني وبوستني بس كل شويه كارصتني وتكلي هذا جسمي حلو بس الله اعلم اصطناعي خاف بنات بغداد دوم كله جذب بجذب
عشق: ههههه لا عمه اني بنت البصرة وكله صدوك بصدوك
ام عباس: اي عيني مبين من صدوك مالتج كله وو وو
عشق: هههه لعد شعبالج احنه امهاتت ال وووو هههههه
بعدها اخذتني نرمين كالت تعالي اراويج غرفتي رحت ويه نرمين
اخذتني لغرفته بوستني وكالتي لج وين صرت اخر مره شفتج بيه من جنت عنونه هههه لج حليانه وعوفج من امي هسه صح هيج تحجي هواي ونرات تضوج الواحد بس كلبه طيب هسه تحبيه
عشق: اي مبين ههههه
طبعا نرمين اخته العباس
نرمين: هههه لج والله كلبه طيب
نوال: هلا بنت العم تعالي اطيني امحه
عشق هلا بلغاليه شلونج حبيبتي
نوال: عوفج مني كليلي ما وكعتيلج احد بشباكج من اهل بغداد كالو حاطتلج خمسه جوه هاي الايد وخمسه جوه الايد الثانيه
عشق نوال شنو هل حجي شكلولج عني كح.....
نوال: لا حشاج عيني محجيت شي بس حجيت الي دا اشوف من الي سمعته مبين صح من لبسج والله اعلم
عشق نوال كافي حجي زايد ترة اني صح عشت حياتي بغداد بس ولا يوم نسيت تربيت ابوية واحترمي نفسج احسلج وثاني شي ملابسي مبيهن شي بس ما توالم عيشتي هنا كلت بعد كم يوم واطلع للسوك واشتري ملابس والبس حالي حالكم عذرينه ست نوال اذا ازعجناج عفته وطلعت بلحديقه اخذت عباتي من امي وطلعت بلحديقه اشتم هوا الان كلش اختنكت ونسيت جهازي بلبيت
نرمين: عشق على كيفج ويه عشق ميصير طلعين بلحديقه عشق منا ناس
عشق سمعت نرمين صيح ورايه بس مسمعت منه اي شي الان كلش ختنكت ردت بس اطلع اتنفس اذا ما اطلع اموت ونسيت اكلكم اني كلش حساسه من اقل شي اتحسس وبسرعه ابجي زين مبجيت
طلعت للحديقه طبعا محتشمه لبست عباتي واني من الاول لابسه حجاب
وضليت ادردم واحجي على نوال
ما احس غير احد يلزمني من ايدي حيل
