عشق نزلت كلش ضلمه الكهرباء جانت مطفيه واني اخاف من ضلمه على كيف كمت اتلمس بلحيطان ونزل لحد ما وصلت على طبله منتبهت وضلمه وجان اوكع التحفيه وسوت ضجيج بلبيت ونكسرت حسيت الكل كعد بس الحمدالله محد كعد دا الم بيه وجرحت اصبعي كمت ابجي من الوجع ركضت للمطبخ اغسل ايدي غسل وشفت لثلاجه ركضت اله دا اريد اكل وما احس غير احد لزم جتفي عيطت وما احس غير سد حلكي وكلي ااااشش اني عباس
عباس: اني نايم ما احس غير صوت شي انكسر وبعدها صوت بجي كمزت لزمت سلاحي عبالي حرامي بلبيت ولازم وحدة من لبنات ويريد ايذيه اني نومي كلش خفيف
واني دا اوصل للمطبخ اشوف مكسورة المزهرية ودم على الكاع واحس اكو حركه بلمطبخ من لزمته وحطيه على راسه مسدس من عيطت عرفته عشق راستن سديت حلكه وكتله اااش اني عباس
عشق: من سمعت صوت عباس خفت ودفعت وركضت وكمت اركض وبهل اثناء دست على المزهرية المكسورة وفاتت كزيزة برجلي وكمت ابجي
عباس: ركضت وراه ردت انبه على المزهرية بس ملحكت بيها
عشق: وبعدها اجتي الكهرباء ونتبهت على روحي بدون شال وفوكاه بفستاني لقصير وجسمي نصه مبين وعباوعت على عباس جان داير وجه بس شفته بلشورت
عباس: فجاة اجتي الكهرباء وعساه لا اجتي واهنا الصدمه شفت بكبالي ملاك مو انسان وانتبهت مفرعه راستن درت وجهي وبعدها ذكرت نفسي هم بس بلشورت حاولت استرها العشق شفت الجرجف مال طبله رجعت ليورة بس بدون ما اباوع عليه
عشق... شفت عباس دا يرجع ليورة بتجاهي خفت كمت اكمز واريد اصعد فوك بس رجلي جان كلش متأذايه مكدرت اكوم كمت ابجي وكتله حباب لا تتقرب مني لا تضربني والله مسويت شي بس جعت وردت اكل وجان وكعت المزهرية.... قاطعني عباس هو ودا يغطيني
عباس.... ااااش اااش ما اذيج اريد استرج خاف احد يطلع ويشوفج بهل حاله
عشق بخجل: ع ع ع عباس اني اسفه
عباس... او الاصح اني الاسف مجان اضربج هل ضرب
عشق.... كمت ابجي ومحسيت غير لا نفسي غير حضنته وابجي وضليت ابجي والى ان نمت وما ادري بروحي
عباس.... انصدمت من شفته حضنتني وكامت تبجي حسيت كلبي يريد يطلع من مكانه وانقهرت عليه هواي الى ان صوت البجي انكطع اباوعله لكيته نامت كمت وديته للغرفه ونيمته وغطيه ورحت لغرفتي ركض ذبيت لسلاح وبدلت واخذت لسويج وجبت دكتور ورجعت للبيت كشف على رجله وجان تكعد مخترعه
عشق... ها ها شكو
عباس.... هذا دكتور يريد يشوف رجلج لا تخافين
عشق... مبيه شي ميحتاج دكتور حباب دكتور ميحتاج ما راح تخيطة مو
الدكتور... بنتي لا تخافين متحتاج شي بس اطلع الكزازة واعقملج الجرح والفه باندج وبس
عشق... لا توجع كزازة خليه عادي ما يأثر
دكتور... بنتي ميصير لا سامح الله تتسمم رجلج هدور ونكصه
عشق... لا دكتور عفيه كمت ابجي
عباس... كافي عشق مصار شي اني يمج لا تخافين
عشق... هو انت اصلا تخوفني
عباس... ههههه كافي لعد راح اطلع وخلي دكتور يشوف شغله
عشق... لا لا حباب ظل يمي عباس حباب اخاف والله
عباس... اشرت للدكتور علمود يبداء واني الهي عشق
عباس... عشق تدرين اني كلش دا اتعذب من اضربج ولزمت راسه انتي بمثابه خواتي واني اخاف عليج مثل رمش عيني
عشق... وية نفس يا الله لعد عباس شكد حنين بس هو هم متحجر لقلب يعني اذا معتبرني مثل اخته وهيج ياذيني اذا يعتبرني حبيبته شيسوي يمنك يموتني
دكتور... يله خلصنه
عشق... شنو خلصت ليش هو انت شلته
عباس... هههههه اي شاله يا الثولة لهيتج علمود يسويلج جرحج
عشق... وهل كلام الي كتلي عليه صحيح لو خطأ
عباس... هسه ارجعلج خلي اوصل لدكتور
عشق... انتظرك
عباس... وديت لدكتور ورجعت للبيت
لكيت... لباب مال غرفه عشق مفتوحه ردت اسدة صاحتني
عشق... تعال عباس دا انتظرك مو كتلي انتظريني
.
عباس... اي عشق انتي مو بس حاسبج مثل خواتي حاسبج اكثر من هل شي واعز من كل هذا انتي بنت الغالي وتاج راسي عمي ابو محمد حبيبي وانتي بنت عمي واختي هم ومن حقي اخاف على شرفي
عشق... لعد باجر اخذني للسوك
عباس... شسوين بلسوك وانتي بهل حاله وين تكدرين تمشين
عشق.... لا عادي ادبر روحي المهم اريد اشتري ملابس مستورة علمود ما انكتل منك وهم احافض على شرف عيلتنه
( بس شنو احجي هل حجي من ورة خشمي ما مقتنعة اغير ملابسي)
عباس.... اني راح اجيبلج باجر ملابس انتي نامي هسه ورتاحي وباجر الصبح تلكيهن يمج
عشق.... حاضر تصبح على خير ابن عمي
عباس وانتي من اهل الخير بنت الغالي
