كومي نامي هديه
باوعت علي ....بخيبة امل ......مشفت بحياتي ابد هيج بشر استفزازي ولمت نفسي شنو جنت متوقعه من هيج انسان بلا ضمير ......عافني وراح للمطبخ بقيت اترقب خطواته واشعر بالأسى على نفسي ومصيري الي صار بيد هيج انسان .....وأسأل هم يجي هذا اليوم الي اتحرر من هذا الانسان
رجع وهو شايل بطل المي يشرب بي وكف يمي ....
كومي كتلج
شعليك بيه
مااحس اله دنك وعتني وكومني
من اكلج شغله سمعي كلام لتعاندين
مشيت وعفته رحت للغرفه لفيت راسي كمت ابجي وشيفيد البجي بس عيني راحت وماكو شي شويه وحسيت بي دخل للغرفه اخذ غطه وطلع
كعدت ثاني يوم ....على صوت التلفزيون عالي حيل ودايره عل اخبار انطرشت حيل رجعت غطيت راسي
شويه وانفتح باب الغرفه ...فتح الكنتور ومثل الي يطلع اصوات بالكنتور اني مغلسه شكد كارهته وكارهه حتى اصوات وجوده الدرجة ادعي يروح ميرجع ينكلب بالسياره حاقده عاي لان ذلني حيل ....ضربني هاني كلشي سوه بيه حسيت داخلي حاقد علي
مااحس اله رفع الغطه مني
غمضت رأساً ورجعت فتحتههلان اكيد راح يعرف كاعده من حركة رمشي
عبالي متي....ولو ادري العار ميموت
كومي شعندج نايمه هاي اخر يوم اسمح بي تبقين الهذا الوقت مايمه بعد الساعه ٦الصبح الكاج كاعده
باوعت علي هسه هذا من ارتكب بي جريمه هم اتحاسب عليهه ....
كومي سويلي زقنبوت صار ساعه كاعد جوعان والمطبخ مهجوم هجم من البارحه شنو هاي القذاره
ان شاء الله
باوع عليه ...شتقصدين
اسوي الي كلت علي غير اكعد من السته واصير نظيفه
واركب غده حتى اذا انت مموجود عندك اوامر ثانيه
تستهزئين انتي
كمت كعدت على حيلي اذا جاوبتك وكتلك حاظر تسويني استهزء حتى تمد ايدك عليه واذا كتلك اني مو خدامه عندك تمد ايدك عليه مدهه عادي بس يجي يوم يا محب واخلص منك والله حتى اذا مو هسه لو سنه اخلص ...اخلص ...ماكو وضع يبقه على حاله
محب/صدك ....بالتوفيق لعد
كومي سويلنه ريوك
وطلع وعافني ضحكت لان استفزازه مو طبيعي
غسلت وسويت ريوك وخليته بلكاع ورحت رجعت للغرفه كعدت عل جربايه كلت بين ميطلع صاح عليه
هددديه
ساعة السوده على هديه كمت جان كاعد عل قنفه الي كبال الباب ظهره عليه
وينج
هياتني
دار عليه ....ورفع حاجبه كوه تريدين تناهنين
صحتلج واكفه وراي شكو
