انتقام وقسوة محب
بقلمي ام غايب
انت محب مووووو
اي يا حلوه محب ...محب الدين اخووو علاء الدين اااابن العار كريم
بين على ملامحهه الصدمه والخوف .....واليعرف بروحه مذنب يتملكه الخوف وبساعتهه تملكني الحقد اكثر
وعيوني متشوف غير ضحكة علاء الي انحرمت منهه واذني تسمع كلامه من يكلي تعبت من الذل
اني اخويه يتعب من ذل مرره
اني اخويه يسكن الكبور من وره مره
اشتعل كلبي غل وحقد اكثر
ماعولت اوصل للبيت حاولت تقاوم بس جنت منطيهه الاذان الطرشه مااسمعلهه
اخذت نفس بعد ما كملت تنفيذ عقابي بيهه واني فوكاهه صارت عيني بعينه
هديه /الله ياخذك يا وصخ
كان يا مكان كان هنالك ماضي أليم ....
يتفوق به الظلم والخوف وما باليد حيلة
جنت طفله رغم صغيره بس جنت واعيه
مثلاً اتذكر جانت عندي ام وجان عدنه بيت صغير
فجأه امي نامت ومصحت
ومن كبرت عرفت احنه عدنه ٣ اخوان وره شيرين بس جانو من يوصلون للتسع سنوات يموتون وامي متعرف السبب
وجان عندي اخت اسمهه شيرين اكبر مني بهواي جانت تجينه خطار بس من نامت ماما بقت يمي ببيتنه الصغير ...
جنت اسكن اكثر الوقت بالشارع جانت شيرين اختي متخليني ادخل للبيت خاصه من يجي عمو كريم زوجهه جان يجي ايام وفجأه يختفي من يسألوهه صديقات ماما جاراتنا تكلهم مسافر هو تاجر واتذكر جانو يكلولهه تاجر ومكعدج ببيت امج لعد شكد بخيل
بس هيه صح تخليني بالشارع هواي من يجي عمو كريم ومتخليني انام يمهه بس من يروح تشبكني وتنام
جان قاسي وياهه ودوم يعيرهه بكلمات انتي بت الفراشه مو زين ملفيج تكعد تبجي هيه وانقهر عليهه هواي ومرات يضربهه بدون متحجي هيه لو اذا حجت كلمه
واتذكر مره من المرات اخذتني وياهه البيت رجال يخوف
انطته فالينة عمو كريم وانطته فلوس
اتذكر نصاً كالتله لان لزمتني وكامت تبجي يمه
خطيه اختي يتيمه وماعندي احد بس ولد عمي واخاف ابقيهه يمهم
مفهمت بعدين كلشي جنت صغيره بس اني من النوع النبهه حتى امي جانت تكلي عجيز انتي لو عجوزتنه حجت
فجأه كام يحبني عمو كريم ....وحسيته عبالك مثل ابويه ويخاف عليه واختي يحبهه ومرات حتى تصيح علي ويسكت هو
فجأه اخذنه من بيتنا واخذنه البيت جبير حلو بس هذا البيت جانت بي وحده تصيح على اختي وعلى عمو كريم بس عمو كريم لزمهه مخلخهه تملخ اني خفت وختلت وره شيرين واباوع على بنيه بكدي تبجي وتصرخ
