صباح الخير يعيوني
بالبدايه اعرف اني مقصره وياكم لكن صدقوني الظرف يحكمني والله رغم الي امر بي متركتكم اكول حتى اذا بارت قصير انزللهم افضل من الانقطاع ولو شايفيني شلون انقللكم البارت جان عذرتوني
وان شاء الله الايام القادمه راح اعوضكم
عامر/اهلاً بالعبقرينووو
ابتسمت بوجهه .....كتله اهلاً
فرحت لان اجه يمنه عامر ....كولش يومس احسن ما ابقه وحدي يم محب الي الطريق ويا يصير سنه
كال شخباركم مشتاقين يابه ...ورجع دار على محب
شنوو قصتك انت راح اسافر واني مشايفكم
بقيت مبتسمه وهو يحجي ابد ابتسامتي مفارقت وجهي من صعد عامر لان هو بطبيعته يصنف جابهه على مواقف صارت ويا ومحب ساكت بحيث كام يوجه الكلام الي
صارت نظره لا اراديه باوعت على محب شفته يباوع عليه ويخزر بيه مهتميتله لان هو اصلاً كل ميباوع عليه يباوع بهاي النظره
محب/تره سطرتني عامر لتخليني هسه انزلك هنا
اكلك تره اني لو ما هديه فلا ابقه يمك عل اقل هديه تسولف تضحك وله انت مينطلع ولا ينكعد وياك حقنه الله وكيلك متكليلي هديه شلون جارعته
ابتسمت وكلت بكلبي والله مجبوره
يلله متنطيني اسوق مو علساس تريد تنام
محب/لا بطلت مااريد انام راحت النومه
ليش نام وخل نخلص منك لان وجودك يوتر
اني ابتسمت وباوعت عل مرايه خزرني اقوى
وكمت كل مااباوع الكا يخزر بيه سكتت
درت وجهي عل شارع ونمت لان جنت كلش نعسانه
فتحت عيني ....احس رگبتي متشنجه وبردانه حيل عدلت روحي صوكعدت باوعت عامر هو يسوق ومحب نايم بالكرسي الامامي
شنو بعد شكد ونوصل
عامر/يا اهلاً صح النوم ماشاء الله عليج عندج طاقة نوم فضيعه انتي ومحب نايمين واني كمت اغفي وياكم
هديه/اول مره انام بالطريق اني بس لان نعسانه
مااحس اله تحرك محب وكعد عدل روحه ...
يايابه تكسر جسمي ....ودار عليه
شنو شوكت كعدتي
مصار هواي
هاا خوش
اكلك شنو مناكل
والله ياريت تره هلكت من الجوع
جانت الساعه بال١١الصبح
خابر على بيت خالته واتفقو يوكفون يم مطعم وهمه جانو كدامهم يمشون وكفو ونزلنه رأساً عيني صارت على رفل ومحب تراقبهم
هم ابتسمت ووجهت نظرهه على محب كبل درت على محب ردت اشوف شيسوي معار اهميه الهه لكيته يباوع عليه وتقرب يمي اكثر جان يعدل بقمصلته لونهه اسود واصلاً كل لبسه اسود
