انتقام وقسوة محب
بقلمي ام غايب
بس لتكول الاحد
اي حبيبي كول
ومتضحك عليه
دحجي لك شعندك
اني احب رهف
منو هاي رهف
بت ابو سرمد ابو المحل اليمنه
وهسه اكيد بعد متحبني لان صرت هيج
ولك وينك وين الحب بعدك بكد جف ايدي
لعد علاء مو جان يحب خاله هديه
وهمه صغار بس اني
باوعت علي ....حسيت بوخه طلعت من اذاني ووجهي
اعرف هذا الشي بس من سمعته استصعبته
حاولت ماابين ولا اهتم للموضوع
كتله حقك وبعدين الانسان الي يحب صدك يتقبل الي يحبه بكل حالاته ووداعتك مااعوفك هيج
محب الدين ليش امي وانت واحد ميحب الثاني
ماكو هيج شي ....سكتت ورجعت كتله
ايهاب
ها محب
شمدريك انت بخالتك وعلاء واحد يحب الثاني
هيه وامي دومهن يتعاركن وامي تكلهه انسي وهيه تكوم تصيح وتبجي خوب من اسماعيل جيرانه خطب خالتي
يوميه صياح وعرك وهديه حتى كالتلهه انتحر اذا اتزوج غير علاء
صاحو علينه نتوجه للطياره
كمت بدون ميكمل كلامه بس ماادري شصار بيه
ابد مو وقته هذا الكلام
..............
هديه /جنت فرحانه راح يرجعون محب وايهاب وجهزت نفسي سبحت ومكيجت وام قاسم العصر رجعت البيتهه كالت مادام راح يجي محب وهيه هم احسهه تعبت خطيه بعيده عن بيتهه
كعدت انتظره ...غسلت ال امير وبوطرته
وكمت الوب اروح واجي منا
متشوقه الجيته وخاصه اخر يوم قبل ليسافر شويه تطورت علاقتنا
اندك جرس الباب فرحت حيل لان تعبت من الانتظار صارت الساعه ب١١بليل وهو ماكو وهو العصر يووصل بس اكيد يودي ايهاب بالبدايه
واتصلت كلت بلكت فتح خطه مغلق
طلعت صحت منووو
اني ام قاسم يمه
فتحت الباب ...هلو خاله شعجب رجعتي
كلت اسلم على ابو امير
مريت من يمكم خوما نايمين ادري بيكم متنامون هالوقت
اصلاً بعده مجاي
يا شعجب مو كلتي العصر يوصل
ماادري والله خاله دخلي
لا يمه اروح خوما محتاجه شي
لا تسلمين خاله
سديت الباب ...ودخلت ضجت من الانتظار والملل يجوز مجاي بس غير تخابرني شبيك متكلي ولا عبالك اكو بشر ينتظرك وماعندي رقم احد بس رقم محب حضرته حاذف كل جهات اتصالي
