تعذبت مرتين

البارت الثاني

الكاتبه لولو😘😊
البارت الثاني
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،
الاهي اذا كانه هذا اختبار اصبر فلا اجيده انا 😣😣
___________________
مريم/ سلمت عليهن ودخلتهن بلستقبال اجت امي وسلمت عليهم

طلعن كرايبنه وجايات ايخطبن اختي ريماا ويعرفن كلشي عنه امي كلتلهن اهلن وسهلن انشير اخوانه وردلكم كالن نشالله وترخصن طلعن وطلعت وراهن امي سدت الباب ودخلت اني خلصت الغده اني وريماا واجوي اخواني تغدوو

ام مريم/ اكلكم يمه
كرار ،احمد / كولي

ام مريم/ اليوم اجن خطابه كرايبي عله اختكم مريم شرئيكم اسئلون عله الولد

كرار/ اسمعيني رديلهم الموافقه خلي نخلص منه شسوي ضاله يابه احنه بيت العار خلي تزوج ونفك من البنات

احمد/ اي صحيح حجيه انطيه

مريم/ يحجون هيج ويصيحون خلصو حجي وطلعو اباوع لختي وكعت دمعته حقهه اخوان ميعترفون بخواتهم اووف

شلت اصحون غسلتهن ورحت يم امي وريما

مريم/ حبيبي ريماا ايجوز هذا الولد خوش ولد اقبلي وخلصي من هلحيات

ام مريم/ اي والله ياا يمه اني مادايمه واذا ضليتي الله اليعلم شيصير

ريماا/ ماشي يمه

مريم/ اوفف ياا ريماا راح تزوج شخص لا شايفته ولا حاجيه وياه وحته صوره اله مشايفه الله ايساعده

يوم اثاني ردينه الموافقه وصارت مشيه وتعرفون عادات المجتمع العراقي

مرت الايام وبيت جدوو اهل مامه كالو احنه نتكلف بكلشي وحته عزمنه اقربائنه الي بلعماره والي بلبصره

صدك فرحه اول مره بحياتنه نفرح شوي مرت الايام وصل وقت الخطبه كعدت ريما اصبح اجنه اخوات الولد راحن وياه للصالون اني مارحت لئن محد وي مامه

بيت جدوو عدنه من البارحه همه وبعض المعازيم الي بلعماره امه الي بلبصره خابرهم جدوو طالعين من وكت وعله جيه

بديت ارتب وكذا واخذت ملابس سبحت حته استقبل اناس لبست فستان

وشوي شوي بدت اناس تجي ارجال استقبلوهم بابه بيوم الخطبه
لابس اشماغ وشكله يختلف ولا كنما بابه نفسيته الي يضرب ويسكر

جدو جايب طباخ طبخلنه وصبينه للخطار بس انتبهت مره بس تبتسم ابوجهي واني ابتسمله صح ماعرفه بس تبقه خطار ابيتنه ولازم انكون مبتسمين ابوجهم

تغد واني بلمطبخ علواكف اكلت لكمتين طلعو اصحون مغسلناهن لئن الوقت اتاخر وريما راح تجي من اصالون منلحك صفطتهن بغرفه تاركيه اصغيره وسديت الباب غسلت نغسي وصعدت حته اشوف الملابس اجابتهن بيبي الي

طلعتهن مينشافن ملابس عرايه قصير وبدون ردن بيبي يمي كاعده

مريم/ يااا بيبي هذا شلون البسه
بيبي/ ولج جا شبيه ايخبلل لبسيه يله

مريم/ وشلون اطلع اذا شافوني اخواني ايكتلوني

بيبي/ ميدخلون
مريم/ هففف اوك راح البسه فتحت بابه الكنتور حته البس

بيبي/ شبيج مستحيه
مريم/ اي ليش لا

بيبي/ تضل ابمستحاج واني اطلع

مريم/ ضحكت عله سوالفه طلعت كملت تبديل اباوع بلمرايه مصلخه دخلت بنت خالتي

رنا/ وج شهلجمال
مريم/ فدوه رناوي حلوو

رناا/ ايجنن ونبي
مريم/ لعد ماشي البسه

رناا/ تعالي خلي اخلي ميك اب الج
مريم/ لا ماريد

رناا/ موو بكيفج يله اكعدي
مريم/ هفف كعدت مكيجتني صرت صدوك حلوه وعيوني اصفر صرت اجنن جاره العين بلكحل

باوعت بلمرايه
مريم/ هايي شنوو اخبلل

رنا/ شعبالج هناا غير صالونه رناا
مريم/ وكفو هههه

نزلنه اني ورنا اول مصارت عيني بعينه المره الي تباوعلي

تباوع وجنه ممصدكه

نزلت صاحتني بيبي هيه كاعده يم المره الي تباوعلي

بيبي/ مريومه بيبي
مريم/ هاا بيبي اجيت يمهه

بيبي/ سلمي عله عمتج
مريم/ سلمت عله المره

بيبي/ هي البنت اثاني خيه
...../ هاا مزوجه

بيبي/ لا خيه مامزوجه
..../ اكلج خيه بيني وبينج اذا اخطبه الامير ابن حماي ايقبلون

مريم/ اني كلش خجلت منهن بس رنا نقذتني صاحتني وكمت هههه

رحت لامي

مريم/ يله مامه روحي غيري ملابسج وتعاي

ام مريم/ ماا ماشي رايحه

مريم/ اوك راحت امي واني كاعده يم بنات خالاتي احنه صح عدنه عمام وعمات بس ماعدنه ختلاط وزعلانين من ابوي من زمان ومحد يحجي ويانه

__________________
{ اصبر }
_________________
هلو شخباركم نشالله تمام
هذا البارت الثاني ونشاللله يعجبكم
♡♡♡♡♡♡

احبكم
الكاتبه لولو😘😊