تعذبت مرتين

البارت الواحد والعشرون

الكاتبه لولو😘😊
البارت الواحد والعشرون
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،، ،،،،،،،،،
يظنون أن التجاهل يجذبني إلــيهــم
لكن لا يعلمون أن التجاهل سـبــب
خروج الكثير من حــياتــي .🌹🌹
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،، ،،،،،،،،،
مريم/ خليت راسي عله راسه وحاضنته بس احس رجلي اموتتني بلكوه نمت

كعدت يوم الثاني لكيت امير عله نومته سحبت نفسي

وكمت لبست دشداشه سودا وشوي عريضه مو مخصره لئن هناك ولد داخله طالعه عيب كملت حضرت الحمام لامير وملابسه

وكعدته يدخل يسبح نزلت اسوي ريوك بين ميخلص

كملت كولشي صعدت لكيت امير سابح وبملابسه اداخليه متمدد علجربايه وصافن بلسقف

مريم/يله حبيبي تعل اتريك حته انروح
امير/ اي جاي

مريم/ نزلت وامير اجه وراي كعدنه علريوك تريكنه من خلصنه صعدت لبست عجاب. وعباتي وامير لبس ملابسه

رحنه لبيت عم امير دخلنه سلمنه وكعدنه
لكينه عدهم خطار ذبيت عباتي وساعدت منى خطيه رايحه من الشغل

مرر الوقت واني ابد مشايفه امير صار الغدا هم اهواي ناس صبينه طباخ يطبخ صبينه الغدا وقدمناا من خلصوو غسلناهن احس ضهر انكسر نصين من التعب

ورجلي اثكال منى كالت نصع لغرفته نرتاح شوي صعدت ملابس كله مي انطتني دشادشه لبسته وتمددت شوي وهيه هم بدلت

اتمددنه شوي وسمعنه صياح وابجي بسرعه نزلنه لكينه كرايبهم ايهوسن هفف هسه ياله اجن لعد الفاتحه 3 ايام 😕

رحنه صبينه الماي والجاي وكعدن قدمناه الهن ومرر الوقت لل11 ونص ياله فرغ البيت

جنت كاعده علكرسي كبال منى ونسولف عله الفاتحه واجاني ابن منى

مرتضى/ عمه ايدول عمو امير خلي تتحضر وتجي

مريم / اوك حبيبي كله راح تجي
راح الطفل ورحت بدلت وكملت طلعت لكيت امير واكف يم ولد من شافني

اترخص منهم وراح للسياره رحت وراه صعدنه ورحنه للبيت

دخلنه وسديت الباب وراي امير طفه السياره ودخلنه للبيت ذبيت العلاكه مال ملابسي ورحت عله امير فتحت الشماغ الافه

اتقربت وبسته من اعيونه وايدي احركه عله خده وخرت فتح اعيونه باوعلي وهوه يتنفس سريع وحاره انفاسه

امير/ همس صايره وكيحه
مريم/ الشوك سواني هيج

باوعلي وقربني اله حضني واني بادلته الحضن وخرت من حضنه وصعدت احضر

الحمام حضرت وصحتله اجه سبح واني حضرتلي ملابس حته اسبح طلع ودخلت

سبحت خلصت ولبست ملابسي وطلعت لكيت امير ايكلب بلجهاز
رحت يمه اتمددت عاف اجهاز وخله راسي عله ايده

مريم/ امم حبيبي
امير/ اعيونه

مريم/ تحبني
امير/ ههههه نامي ابنيتي نامي شلون ماحبج اعشقج

مريم/ ههه شكد حلوه كلمت ابنيتي
امير/ امم ابنيتي اتلوكلج

مريم/ اه
امير/ اه ه ه ه

مريم/ ياا متستحي 🥺
امير/ 😂😂😂 لا استحي ليش لا

مريم/ احبك باباتي 😘
امير/ يمه فدوه باباتي ههه يله نامي

حضني اكثر ونمت راسي عله صدره وراسه بركبتي

مرت الايام وامير شوي رجع طبيعي وشوي رجع جسمه سمن مثل قبل وسواد الجوه اعيونه راحت ودوامه منتضم

وبيوم الاربعين اجرو كوستر وكلنه اجمعنه ورحنه صح تعب بس حلوا من رجعنه كبل نمت من العصر الثاني يوم الضهر 😂

رجعت علاقتنه اني وامير اكثر قويه وصدوك صار ابوي مو كلمه مجرد حنان وامان واتحققت امنيتي من جنت اتمنه

امير بس الي ويعيشني ابامان
وره متوفه عم امير بشهرين كت الامير ياخذني لهلي اشوفهم

بلبدايه رفض عله انو افاركه بس بعدين اقتنع وبقيت اليل كله سهرانه وي امير ميخليني انام ايكلي خلي اشبع منج😂

يوم الثاني كعدت اتحضرنه وطلعنه طول الطريق ساعه يتغزل وساعه ايغني 😂

مريم/ اكول اموري
امير/ كولي

مريم/ اني جعت
امير/ ههه اوك هسه ننزل ابمطعم

مريم/ لا جبب هناا ناكل
امير/ اوك

مريم/ مشينه اشوي وشفنه مطعم وكف اسياره ونزل وره شوي اجه وياه لفات اكلنه

وكملنه الطريق واخيرن وصلنه لبيت اهلي نزل امير سلم عليهم وراح مقبلو اهلي بس هوه كلهم عدي شغل

جان موجود احمد وكرار وامي سلمت عليهم وكعدنه نسولف للعصر طلعو بقينه بس اني وامي

انسولف مانحس اله الباب اتكسر وصوت اصياح برا كلب رجف مدري ليش ركضنه اني وامي كلبي ميت خوف

فتحت الباب امي

يتبع ،،،،،،،،،

،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،، ،،،،،،،،،
هلو شخباركم نشالله بخير
اسفه علتاخير بس شوي لبارحه مشغوله
احبكم
الكاتبه لولو😘😊
حسابي Lolo_alsrae