تعذبت مرتين

البارت السابع عشر

الكاتبه لولو😘😊
البارت السابع عشر
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،، ،،،،،،،،،
تعال اسمع ونين الگلب     لاون
اجفوفي للمصايب حيل    لاون
يهل المـــبعد علــــــــيه     لاوين
ارحم بحالي وريض شويه
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،، ،،،،،،،،،
مريم/ شتريت المانع. ومافكرت بلعواقب شحيصير بلمستقبل ☹ رجعنه من اسوق

كبل رحت للغرفه ذبيت ملابسي وكعدت اباوع بلموبايل سمعت امي اتون بسرعه ذبيت الموبايل وطلعت اشوف شكوو

دخلت جان. اشوف امي. واكفه علسنه وايده علصدره الايمن ركضت يمه

مريم/.مامه شبيج
الام/.لا مبيه شي بس واجع شوي ويروح

مريم/ يوو مامه غير تكولين ناخذج للطبيب

الام/ لا حبيبتي معتداده دريمن هيج هسه اخذ مسكن وصير زينه

مريم/ هفف بس ميصير تاخذين ادويه ومسكنات ومنعرف شبيج

الام/ لا مبيه شي
مريم/ ماكدر الح عليه كتله اوك دخلت كعدته بلستقبال واني كملت الغده ابداله

مرن 7 ايام عد اهلي وكمت يوميه اشرب الحبوب اساعه ب9 بليل بدون علم احد

واجه يوم 7  واتصل امير كال باجر اجي اخذج اووف شكد. مشتاقه اصوته رغم هوه ابد متصل علي ولا عاملني زين بس مثل ميكول الحب يعمي

صرت احبه بحيث اغلاطه ماحس بيهن ومافكر بيهن بس لازم مو دايمن الحب ايكون اقوه من اشخص بذاته وبلمستقبل نندم علحب وعيشته لازم نفكر ونعقل ونعرف اشخص كلش زين قبل ليكون ارتباط بين الشخصين ليش نرتبط ويطلع هذا اشخص سيئ ويجي الوم علينه انو ماعرفنه نختار وماعرفنه نسئل علشخص زين اعرف ماسئلنه لئن ماعدنه شخص ايدارينه عدل بذيج اساعه وهذا حال الذليل الي معنده احزام ضهر وشخص ابضهره ايسنده

مرر اليوم واجه اليوم الي لازم اروح بيه ودعت امي واجه امير من الباب سلم. عله اهلي وطلعنه

حرك اسياره
امير/ شلونج

مريم/ الحمد الله وانته شلونك
امير/ تمام

وبدت المسيره من بغداد للبصره متت تعب ياله وصلنه وهم اطريق ملل مو اكثر الاحيان نحجي عله كد سؤال وجواب

وصلنه نزلت دخلت للبيت بيه مبين اتراب العميازه بس ممتحرك شي منه ابد 😕

رحت ذبيت الملابس امير ماكو طلع رحت توضيت وصليت لميت السجاده و بديت انضف البيت احنه اتغدينه علطريق بلمطعم

بديت غسلت البيت كله وعطرته بحيث احس ضهر نكسر علما خلصت رحت سبحت وطلعت لبست اتراك اباوع اساعه ب4 اووف بديت من2 يعني صالي ساعتين