دايڤرجنت

٢٧

..
كثيرا م يسرقنا الزمن .. تمر الدقائق والساعات .. بل تمر سنينآ ولا نعرف كيف بدأت ومتى انتهت .. فقط تمر هي بسرعة الضوء كانها تقول ان الدنيا فانيه..💜
____________________________

بعد مرور فتره ليست بالهينه من الزمن مرت الايام الدراسية كضوء البرق .. انقضت بحلوها ومرها.. انقضت بساعات مللها وانشغالها .. دراسه.. سرحان.. تركيز.. تشتت .. فقط انتهت✋
ابطالناا قررو يرجعو السودان بعد فتره دراسيه قاسيه.. كانت اجازه بسيطه بس كانت بالنسبه ليهم كافيه جدا انو يشوفو بلدهم وناسهم البفتقدوهم.. اتوجهو الساعه 08:00 Am لمطار العاصمه عشان يستقلو طيارتهم.. كانوو كلهم قاعدين وساكتين واي زول سرحان في همو.. مجد كان مركز مع تلفونو والدقايق الرفع فيها راسو .. شاف طيف زول كانو بعرفو .. حاول يشوفو تاني بين الزحام بس م قدر .. قام من محلو واتجه على المكان الشاف فيهوو .. شاف عزيز.. مجد بكلم نفسو _ عزيز .. معقوله انا شفت عزيز.. بس بس كيف ده!! قاطع تفكيرو فارس _ شنو ي مجد جيت هنا بالسرعه دي مالك وكانك شفت شبح ..
_ اااا لالا مافي حاجه بس زي الشفت واحد من معارفي
_ امممم طيب يلا الطياره مواعيدها جات
مشو مع بعض وركبو طيارتهم . مجد بحاول يتناسى الشافو بس كان صعب عليهو .. م كلم فارس عشان م عاوز يجدد حزن زول✋💔.. اتحركت الطياره المتوجهه على دبي .. مجد وفارس غرقو في نوم عميق .. ام جمانه ف كانت ماسكه مصحف وبترتل بصوت منخفض .. فتون كانت بتقرا في روايه رومنسيه وكل دقيقه تبتسم وعيونها بتلمع .. عدت المسافه المحدده على الجو ونزلو عشان يركبو الطياره الحتوصلهم للسودان❤ قعدو في المطار مسافه م طويله.. واعلنت المايكروفونات عن انو طيارة السودان حتنطلق وده النداء الاخير .. اتوجهو كلهم ليهاا المره دي اختلفت المقاعد فارس وجمانه كانو جمب بعض وتالتهم مجد .. مقاصداهم فتون .. اتحركت الطياره وانشغل فارس بي عيون جمان وضحكاها وكلامها وبرائتها.. كانت بتتكلم وبتحكي كتير وهو مره يركز في عيونها ومره يركز مع الكلام .. قبل عليهم مجد وابتسم ابتسامه باهته..قلبو اعتصرو في اللحظه دي وحسد فارس انو قلبو معاهو .. افتقد فرح شديد .. طلع تلفونو شبك الواي فاي وعمل ليها مسج " فرح انا جاي على السودان انا لازم اشوفك ياخ انا بالجد مشتاق ليك ومشتاق لي كل شي فيك انا م بقدر اعيش اكتر من كده بدونك ياخي لمن وشي بقى باهت وتعابيرو زاتهاا اتمحت .. انا عايز اشوفك اتصرفي بس✋" قعد اقل من دقيقتين وهو على امل انو تجيهو رساله منها.. وفعلا وصلتو رساله محتواها  " وانا وربي اشتقت ليك وشديد كمان.. واحلى خبر سمعتو انا ككمان جيت السودان قبل امبارح واكيد لازم اشوفك❤" دقات قلبو زادت وهو بقرا في الرساله حس بي نفسو طاير من الفرحه اخيرا حيشوفها ❤😢. نزلت الطياره غي مطار الخرطوم .. نزلو الركاب ومن ضمنهم ابطالنا .. سلمو على بعض وودعو بعض واي زول اتجه على المكان المفروض يمشيه .. فارس قرر يوصل جمانه ويركبها الباص حتى يمشي بيتهم .. وفعلا عمل الفي راسو ومشى معاها.. وقفو كتير وفتشو كل الباصات الموجوده بس مالقو ولا مقعد بالغلط فاضي.. وباقي الباصات حيطلعو المساء.
فارس _ طيب اسمعي رايك شنو تمشي معاي بيتنا اقعدي مسافة اليوم ده وبعدين نجي راجعين سوا
جمانه _ نعععم! مستحيل طبعا مستحيل ارجع معاك..
_ ليه بس .. والله م حآكلك بس ده الخيار المتوفر..
_ لا ي فارس اعفيني بس م بقدر اهلك حيقولو عني شنو✋
_ ياخ لو على اهلي بتتحلى والله هم ناس طيبين ومستحيل يختو فيها شي
_ انا م حامشي معاك حاقعد هنا لحدي المساء
_ يبقى حاقعد معاك
_فاارس
_ي اقعد معاك ي تمشي معاي بيتنا بس ماتناقشيني كتير ✋ .. وبعد حب وتحنيس ومعافره رضت جمانه انو تمشي مع فارس بيتو .. بعد عنها شويه واتصلت لي امو يوريها .. امو وافقت بعد اصرار برضو وبكده هو حاسي انو الدنيا م سايعاه.. اتحركو على بيت فارس ومن هناك هو عرفها على اهلو الطيبين الاستقبلوها بصدر رحب .. هي اطمنت وحست انها في بيتهم ❤
ام فارس جات داخله عليها _ جمانه . تعالي عشان تتغدي
جمانه بابتسامه _ حاضر ي امي هسي بجيكم😊
_ طيب منتظرنك .. وطلعت .. مشت جمانه وراها بعد م طبقت مصلايتها ولبست توب من ام فارس .. طلعت وقعدت في الصينيه وعيونها بتفتش في فارس ..
ام فارس _ خالد امشي نادي فارس للغداء
خالد _ حاضر .. وانطلق بيجري على غرفة فارس ورجع بعد دقايق وهو جاريهو من اصبعو الصغير
خالد _ ماما فارس جاا (كان لابس ترينيغ رمادي للركبه وفنيله صفراء )
جمانه ابتسمت لمن شافت المنظر كان بالجد بيدل على حب خالد لي فارس .. جا فارس وقعد معاهم وعيونو م زحاها من جمانه وبسببو م قدرت تاكل كويس واتخنقت وبدت تقح نط فارس من الصينيه _ جمانه مالك انتي كويسه .. وهي لسه مستمره في القح.. جرى جاب ليها كوب مويه ومداهو ليها _ باسم الله كدي اشربي ده .. ابوهو كان مراقب وماعاجبو الوضع نهاائي .. بعد اتغدو وخلصو اخد فارس على الصالون وقعدو عشان يتكلم معاهو..
_ في شنو ي فارس البت دي حكايتها شنو
_ مافي حكايه ي ابوي زي م حكيت ليك انو م لقينا ليها بص بس وو.. قاطعوو
_ لا م الحكايه دي . دي عارفها انا
_ اها مافي شي تاني بس ده الحاصل
_ ماشفت نفسك مخلوع وخايف عليها كيف .. ده شنو الموقف العملتو في الغداء ده
_ بس جبت ليها مويه عشان م تتخنق😅
_ لكن تجيب ليها مويه بي الطريقه دي ماف شي اسمو ادب وزوق م تقوم براحه تمشي تجيبها في داعي تنط السرير وتضرب الصينيه كده
_ معليش والله ي ابوي م كان قصدي
_ م تكون بتحبها ي ولد
هنا فارس نبض قلبو زاد بسرعه خياليه واطرافو بقت بارده.
_ دقيقه اجيب ليك الشاي ي ابوي
_ اقعد هنا انا م قلت ليك عايز شاي . جاوبني سريع
فارس بلع ريقو واستجمع شجاعتو _ اي . اي بحبها
_ شوف ي فارس انا بثق فيك ولو شفتك بتعمل في غلط بكذب عيوني .. م تضيع ثقتي دي ..
_ حاشاني والله ي ابوي وهي زاته بت مؤدبه
_ طيب امشي جيب لي الشاي
طلع فارس من الصالون واتنفس الصعداء .. مسك قلبو بي يدو لحدي م هدأ شويه وضحك ضحكة سعاده ومشى على المطبخ ..
من طرف جمانه كانت بترتب مع ام فارس المطبخ وهي بتسالها عن اهلها وعايزه تعرف عنها معلومات اكتر .. خلصت جولة الاستخبارات من ام فارس .. جمانه _ امي ارتاحي انا بسوي الشاي
_ لالا كيف ي بتي انتي ضيفه عندنا
_ لا والله معقوله في بت قاعده في البيت وانتي تشتغلي .. اتفضلي اقعدي انا بسوي الشاي والله .. اقتنعت ام فارس وطلعت تقعد في الحوش . دخل فارس المطبخ عشان يشيل الشاي لي ابوهو . شاف جمانه واقفه والتوب كان نازل على كتفها وشعرها باين .. كانت اول مره يشوف شعرها .. بقى واقف متكل في الباب ومبتسم .. اتلفتت هي عشان تاخد الشاي لي برا .. جمانه _ باسم الله .. ورفعت التوب غطت شعرها .  انت واقف هنا من متين ..
فارس _ من قبيل😹
جمانه حمرت ليهو وادتو الشاي _ وديهو برا
_ من عيوني ي مرتي
قالت وهي بتحاول تداري خجلها_ هاها ظريف امشي يلا
_ طيب امشي اجهزي عشان نمشي موقف الباصات.
_ طيب 😊👋
. مواعيد البص جات واتحركو فارس وجمانه على الموقف ودعها وشالت قلبو معاها ومشت❤
_________
بعد هروبي منه لم اكن اعلم الى اين سوف اذهب ارجلي تحملني الى المجهول انه خوف تحكم فيني ..اللهم ساعدني اني اتوسل اليك انقذني من ابتلاء حل بي لا ملجاء لي سواك ..جريت و ركبت عربيتي بأقصى سرعه وصلت البيت و لقيت امي و ابوي منتظرين و خايفين اخدت كم خطوة قدامهم و وشي كان كلو دموع ..منظري كان مؤلم
امي:فتون كنتي وين ي بت و مالك عامله كدا..اتكلمي انطقي
"نظرت في عينها و لم اقصد سوا اظهار الانكسار و الخوف على سأجد حضنا او خوفا يمكن معناه في الاحتواء"
هربت لي غرفتي ملجي الوحيد المتبقي بكيت و بكيت دم بكيت انكسار و ضعف بكيت ثقه انهارت بكيت حبا دام هباء في قلبي و لم يجد له رفيق ..اسمع صراخ في الخارج اسمع صراخ في داخلي ..قررت نومة عميقه لا استيقاظ منها ..
بعد يومين
امها..احنا حنعمل شنو بتنا طلعت بليل و رجعت الصباح و حالتها مذريه و حابسه نفسها جوا و ما فاهمين شي .. الله يستر ..الله يستر . زول يفتح الباب دا
و عليكم السلام اسفه بس ما عرفتك يا ولدي
- انا كنان زميل فتون في الجامعه جيت اطمن عليها لانها كانت تعبانه
-اهاا اتفضل .احتمال تقدر تطلعها من الهي فيه ..و احنا معاها بتتأذا لمن كنا ما معاها كان بحصل ليها شنو
-طيب ممكن اشوفها
-اتفضل في غرفتها هي
" كانت امها لطيفه جدا ادخلتني كنت اصعد الدرج خطوه خطوه ..فتون لقد جئت لاعتذر عن ما حدث ارجو ان تغفري لي ذنب اتمنا ان يغفر من الله عز و جل.."
كنان..دخلت غرفتها لمن تكن موصده مثلما قالت امها دخلت بكل هدوء وجتها تجلس عند الزاويه تضم ارجلها كانت خصل شعرها مبعثرة على الارض..اكانت هكذا لايام!!و كله بسببي
خرج صوتي باسمها فتلاه نظرتي لعيون طفل رأه والداه يقتلان..طفل مكسور خارج الحيله 😢