دايڤرجنت

٢٨

جا مجد من السفر منهك دخل سلم على اختو وابوهو واخد نومه م صحى منها الا بكره الصباح صلى الصبح ورجع نام تاني م صحى الا والظهر بيأذن اتدوش وصلى ومرق من غرفتو اخيرا .. لاقتو رتاج بتحضر في التلفزيون ابتسم ليهو بي نعومه واتخطاها مشى على المطبخ عمل شاي بحليب مظبووط كده واثناء م هو في النار اتذكر تلفونو هرول لغرفتو بسرعه اخدو وكان طافي شحن .. اخد الشاحن ورجع المطبخ وصلو جمب الصفره وفتحو .. لقى كم مكالمه من فرح وسمر اتخطى سمر وركب سماعتر واتصل لي فرح بعد جرس قصير ردت ..
_ هلا بمجودي
_ صباح الخير يقلب مجودي انتي
_ صباح النور بالظهر😹
_ يادوب صحيت والله تعبان وجسمي كلو مكسر 😑
_ ي خسااره كنت عايزه اعزمك بعدين في مكان هادي كده لكن انت تعبان امشي ارتاح
_ منو القال انا تعبان كنت بهظر ساي 😅
_😹😹اووكي نتلاقى الساعه 11 في كافيه( ..)
_ اووكي
بعد خلص الشاي اتصفح في السوشيال ميديا شويه لمن دخل الفيسبوك اكتشف انو الليله عيد ميلادو ..استغرب اختو م قومتو ك العاده ولا هنتو زي كل سنه ولا حتى جابت ليهو هديه .. طلع وهو مزعوج ووقف قدامها
مجد _ رتاج .. الليله مافي شي
رتاج _ شي زي شنو
_ شي ياخ اوفف.. خلاص انسي .. ودخل غرفتو رمى نفسو في السرير وبس منتظر الليل متين يجي .. عدت كم ساعه بين التلفون والتلفزيون وعدى اليوم سريع لمن جات الساعه 10:30 bm وقف قدام الدولاب وطلع شورت جينز للركبه وتي شيرت سماوي وبلوفر ابيض وسبورت ابيض وساعه رولكس بيضاء .. بعد لبس وقف في المرايه رفع شعرو لي فوق ودخل تلفونو في جيبو وطلع لقى رتاج مافي .. اخد مفتاح سيارتها الكان قاعد في الكنبه وطلع .. اتوجه لى الكافي وركن سيارتو .. كان المكان مظلم شويه ومامبين الناس القاعده جوه .. دخل واتفاجأ بي اصوات الصريخ وكل الناس بتقول ليهو كل سنه وانت طيب💜  ابتسم وهو م مصدق نفسو . وقعت عيونو  على فرح وكان شايفها بي قلبو .. شايفها ملاك على هيئة بشر .. كانت لابسه فستان بيج مورد بي الكبدي والاصفر الغاني وكانت محجبه الطرحه ولابسه جزمه فلات بي الكبدي  ❤ كانت سمر موجوده ومعاها رتاج وام مجد وباقي الشله بس هو م كان شايف زول غيرها قدمت ليهو صندوق هدايا صغير وقالت _ كل عام وانت بخير💜
مجد مسك الصندوق_ وانتي بخير يرب
ضربو فارس على ضهرو _ شنو ي صحبي م شايف غيرها ولا شنو😹👋
مجد _ لي حق😍
_😹😹ابرد شويه كدي
وحضنو وهناهو بي عيد ميلادو بعد داك قطعو الكيكه واي زول بقى بتونس مع الجمبو  .. واثناء م مجد بتكلم مع اصحابو.. جات رتاج وبعدتو منهم ومدت ليهو صندوق صغير لمن فتحو لقاهو دبله عاين ليها باستغراب ..
رتاج _ مش قلت بتحبها.. اذا خليها تكون حقتك على طول😌
مجد بتوتر_ م ..م عارف يعني يمكن م توافق
_ م توافق كيف مش هي كمان بتحبك
_ اي بس م عارف ياخ وخلاص
_ يلا ي عوير م تخليها تضيع منك وانا متاكده انها حتوافق .. بعد تشجيع من رتاج مجد اتجه لي فرح بكل شجاعه وركع على ركبتو قدامو وفتح الخاتم كان مبتسم ومتوتر في نفس الوقت وبعاين ليها .. مدت ليهو يدها ولبسها الخاتم .. وقف وهمس ليها _ ان شاءالله دايما معاي ي حقتي❤ .. ابتسمت واحنت رأسها بخجل ..
عدت الساعات وكل الناس مشت ماعادا مجد وفرح .. طلعو يتمشو . كان الجو بينزر بي مطره قويه بس م اهتمو .. مرقو من الكافي بعد الناس كلها مشت وفضلو يتونسو كتير .. قطعو مسافه كبيره وفآجأتهم المطره في نص الطريق ..
مجد مسك فرح من يدها ومشى  على مظله صغيره عشان المطر .. فرح زحت يدها ووقفت في المطر رفعت يدينها وبقت مبتسمه ومغمضه ورافعه راسها فوق .
مجد _ فررح .. ادخلي جوه المطر حتمرضي
فرح _ مجنون انت ..في زول يخلي الجو ده ويبعد منو
_ بس كده حتمرضي
_ انا م بمرض .. يلا خليك واقف هناا م تفوت المطره عليك حتندم .. فضلو واقفين في المطر لحدي م اتبللت ملابسهم والجو بقى برد.. المره دي مجد اخد فرح بالغصب ورجعها العربيه
مجد _ م تتناقشي معاي😑
فرح _ اووف ي مجد
_ مااا تتناقشي معاي خلاص كفايه كده بنقطر مويه نحن😑💔
وصلها البيت وودعها ومشى بيتهم .. استقبلتو رتاج من الباب
_ شنو ي روميو😹كنت وين
جا وحضنها من غير مقدمات _ شكرا ليك ي احلى اخت في الدنيا دي احلى هديه عيد ميلاد بالنسبه لي❤
_ عادي ياخ انا م عملت شي ووو كمان ابعد مني وانتي مبلبل كده حتمرضني😹👋
رفع ليها حاجبو ودخل غرفتو طلع التيشيرت والبلوفر واتمدد في السرير م حس بي نغسو الا وهو نايم..❤
____________