#نهـايـةة_قصـةة 📜
رأيكم
#الحـلقةة_2
.
قعدت تساوي في وشاحها وتبتسم وتبعت في رسالة وراء رسالة
فجأة طق روشن السيارة
.
شبحت رتاج لروشن الييارة ونزلاته
سالم حط الرقم في ايدها ومشى بدون اي كلمه
رتاج زاد غرورها وتكبرها كل م يعطيها شاب رقمه وتحس ان هي اجمل وحده في البنات
.
سالم رجع للقهوة فات من جنبه سمير ومركزش
سمير ..شن خيرك تبتسمي
رتاج..لا بس مآب كانت تكلم فيا 😅
وحطت الرقم في غلاف تليفونها
.
خدت السندوتش وبدت تأكل
.
نرجعوا شوية
" اول م درس سمير السيارة كاين سالم مقعمز قدام القهوة يدخن جت عينه ع رتاج وعجباته خش كتب رقمه وجي بسرعه استنى بوها لين نزل وحاول اكتر من مرة يديرلها لقطه بس مركزتش وتشجع وطق الروشن "
.
💗🌸روايـــات نصــيٰـب محــٰـمد💗🌸
.
سالم خش جنب وسيم ويبتسم وواضح عليه انه فرحان
وسيم متضايق.. دوم الفرحه سلومه فرحنا معاك
سالم..طحت في وحده محترمه واضح عليها و طرف ان شاء الله غير تكلمني بس
وسيم يضحك ..غير من هي هذه اللي داعية عليها امها
سالم.. قصدك داعيتلها امها
وسيم..اي اي قالولي حتى اني
سالم..غير ادعيلي تكمل معاي ونكمل نص ديني بس
وسيم ..بالله مقلتليش شن بتسمي صغارك وانت قاعد حتى مكلمتهاش 😂😂😂😂😂
سالم..غير خليني ياراجل وانت عدو الفرحه يا حسود يا حقود
وسيم..خههههخخ متأكد انت سالم
سالم.. خليني نحلم الزح
وسيم.. احلم به
ومشي يكمل في حسابات القهوة
.
روحت رتاج غيرت لبسها ودوشت وخشت بترقد شوية تصلت بمآب
خشت عليها انتظار
مآب.. حبيبي شوية نشوف رتاج خيرها
محمد.. انا شن قلتلك عليها البنت هذه معش تكلميها ولا
مآب.. شوية بس ونتفاهموا
محمد .. تمام وسكر
.💗🌸روايـــات نصــيٰـب محــٰـمد💗🌸
مآب..الو
رتاج.. به لصكرتي وانتي خايفتيلي ع مشاعره
مآب.. خير شن في
رتاج.. وينه مش قلتي بيجي يخطب ولا مزال
مآب.. شن تبي رتاج مش ناقصني دوة فاضية انا
رتاج.. فوتيه تو يجيك خير منه غير انت غبيه بس
مآب.. رتاج مدخلكش فيا انا مش زيك كل دقيقه مع واحد وفي الأخير بيولي عليا
مآب.. هي بتفتح المواعظ توا، اسمعي في واحد طرف اليوم عطاني رقمه زعما نكلمه
مآب.. به ووسيم اللي ميت فيك ومش معبرتيه، ومحمود اللي يستنى في اشارة عشان يتم فيك ، ولا غسان اللي سيبتيه وكسرتيله قلبه ولا اسماعيل اللي قلتيله انت فقير وانا نبي واحد يعيشني ....
وفي نص كلامها
رتاج متنرفزة وتعيط.. ترا صكري عليا فمك انا حرة وانتي مدخلكش فيا انا اللي متصلة بيك
وصكرت عليها
.مآب .. انا خيرني مصاحبة وحده حتفسدني معاها لو طاحت حتطيحني حتى لو مش مدايرة حاجه
.
حدفت رتاج فونها وتفكر شن حتخترع اسمها وكدبتها عليه وهذا كله ان سلومه خو وسيم واقرب شخص ليه.
.
في الليل .
وسيم.. انا طالع حاس روحي متلخبط شوية تو نروح
سالم.. اوك تم
.
خدا مفاتيح السيارة وهاتفه وطلع للبحر اللي دايما لما يكون متضايق يمشيله
.
رتاج اتصلت برقم سالم مرة وسكرت
سالم لما شاف رقم غريب فرح وعرف انه نفسها البنت
عاودلها
رتاج بصوت دلع ..الو
سالم..اهلين
رتاج.. كيف حالك وشن اخبارك
سالم بخير بعد فرحتيني باتصالك والله
رتاج .. حليلي
سالم.........
قعد يحكي معاها وقت طويل
ووسيم يخش عليها انتظار وتسكر عليه اكتر من مرة
تعرفو ع بعض وطول االليل يحكوا ورتاج ارتاحا لسالم رغم نفس طبع وسيم بالضبط
.
""""ممكن لأن وسيم يتيم ومعنداش عيله هكي حبت تباعد عليه وحنعرفوا اكتر"""
.
بعد يومين
في العيادةة
.
الممرضة.. نعم دكتور
سيف.. كلمتي الممرضة اللي عطيتك ملفها
الممرضة توترت .. لا كنت توا منكلمها
سيف يحاول يتمالك اعصابه.. كلميها وقوليلها تجي توا
الممرضة..تمام
سيف.. اطلعي وشوفي الحاله اللي كنت معاها توا ولو في اي مضاعفات كلميني
الممرضة.. حاظر وطلعت بسرعه
.
واتصلت بريحان
ريحان كاينه تضم في الحوش وكيف كملت
ريحان.. الو السلام عليكم
الممرضة.. وعليكم السلام ، انا الممرضة الفلانية من عيادة الدكتور سيف تقدري تجي اليوم تشوفي طبيعة الشغل ومن بكرا تباشري
ريحان والفرحه مش سايعتها ..شكرا لجد مسافة الطريق ونكون غادي
الممرضة.. اوك
وصكرت
.
ريحان واخيرا منخدم ومصروفي في ايدي الحمد لله
.
خشت غيرت لبسها ولبست عباة شرعية سوداء وشاربه زرقاء وسبورت ابيض وشنطة بيضاء وحطت روج بسيط يورد شفايفها وطلعت
ريحان.. يام مشيت للخدمه انا
عايدة سمعت ومردتش
💗🌸روايـــات نصــيٰـب محــٰـمد💗🌸.
وصلت للعيادة بسرعة من فرحتها
وقفت ع الريسبشن
ريحان.. صباح الخير انا ريحان كلمتيني قبل شوية
الممرضة.. تقدري تخشي للدكتور سيف يفهمك كل شي
سمعت اسمه جمدت في مكانها وتوترت
الممرضة..سمعتيني
ريحان..اا اي تمام
ومشت بخطوات بطيئةة
الممرضة بصوت خفيف ..ربي يعيند انا مت بعيد ومش سالمه منه لابال قريبه
.
طقت ع الباب وخشت
كانت الريحه ماليا الغرفة وكاين يخدم ع الكمبيوتر
ريحان..السلام عليكم
سيف.. وعليكم السلام مقلتش خشي انا
ريحان وهي تساوي في عبايتها ..طقيت انا كإن كافي هكي
سيف بشبحه بسيطه .. قعمزي ومعش تردي عليا
قعدت تمتم ..شن هالغرور والتمرد هذا حسك درهتلي كبدي لاكن ريحته زح تهبل
سيف يحاول يكتم ضحكته ..سمعتك ومش حنتكم توا
ريحان خدودها حمر.. اها نحكي بروحي انا
سيف.. انتي حتكوني ممساعدتي ف كل شي يدي اليمين نروح انا تروحي انتي نجي انا نلقاك قبلي
ريحان..بس
سيف.. عاجبك تمام مش عاجبك ملفك اهوا قاعد هنا
ريحان .. تمام من وين نبدأ
سيف.. جيبيلي مواعيد الاسبوع والعمليات اللي محدد مواعيدها
ريحان.. تمام وطلعت بدون متستأذن
سيف بعصبية.. انا قاعد مكملتش كلامي
ريحان تلفتت وبصوت ضعيف.. ايح علينا شكله اليوم مش رح يمشي تمام
سيف.. بتقولي حاجه قوليها بصوت عالي جو التفتفيت من تحت لتحت بلاش منه واخر مرة تطلعي بدون م نقولك
.
ريحان الخوف واضح عليها بس مش رح تضعف او تسكت لاي تصرف او كلمه منه
بابتسامه استفزاز.. تمام نقدر نطلع توا وطلعت
سيف في خاطر.. رح نشوفوا تقدري تتحملي تخدمي ولا زي غيرك
.
طلعت وتسمع في كلام الممرضات والممرضين يتهامسوا
""' زعما تقدر تقعد تخدم معاه ولا تسيب زي غيرها '""
""' دكتور سيف مش حيخليها تكمل معاه حتى يومي ع بعضهم ورح يطردها'""
""' ربي يكون في عونها قداش م لتتحمل '""
.
ومن هالكلام كانت ريحان تمشي وكل الكلام زي السم في وذانها وتحاول توضحش لحد انها خايفة ورح تكون قد كل اللي نقال انها رح تسيب
💗🌸روايـــات نصــيٰـب محــٰـمد💗🌸.
ريحان.. نبي وين المكتب متاعي
الممرضة.. مقابل مكتب الدكتور
ريحان..تمام تقدري تعطيني مواعيد الاسبوع بما ان ليا اول يوم
الممرضة .. دقايق ونجيبهم ليك
.
