#نهـايـةة_قـصةة 📜
#الحلـقتين_3-4
.
ريحان تمالكت أعصابها وقامت صبعها بتهديد وبصوت هادي جدا ومستفز
.
ريحان .. اسمعني كويس سمعت كل شي وقالولي كل شي
عارفة مفيش ولا وحده قعدت تخدم معاك حتى اسبوع كامل الا وقدمت استقالتها ، لاكن خودها مني من الأخير أنا حنقعد نخدم أسبوع وشهر وشهرين يعني متحاولش تمللني بأعصابك وتتعب روحك ع الفاضي ، حنقعد نخدم قدام عيونك نخدم ومتقدرش حتى تطردني فلهذا متحاولش لأن محاولاتك كلها حتخسر فيها لأن انا في المتابرة والصبر والعناد محدش يغلبني 🙂
.
سيف كانت الصدمة واضحه ع وجهه من جرئتها وكلامها وفي نفس الوقت فرح لما شاف بنت جريئة هكي
سيف قرب ونزل صبعها وابتسم.. يعني انتي هكي تتحديني 🙂
ريحان بتوتر .. اعتبره كيف م تبي انت
سيف وقرب منها وهي تباعد لين لصقت ع الحيط.. به توا شن رأيك نخليك انتي اللي تقدمي استقالتك وانتي راضية
ريحان بخوف.. انت شن تحاول تدير
سيف زاد قرب منها وانفاسهم تخلطت
ريحان غمضت عيونها وقلبها يدق بسرعه تحسابه بيبوسها
سيف همس ف وذنها.. انتي تلعبي بعداد عمرك وبعد عليها
ريحان تجمعوا الدموع في عيونها ودارت بيها الدنيا وطاحت في مكانها
سيف ملتفت وماشافهاش.. اطلعي 😤
ريحان .. !!!!
سيف التفت.. انا في من نكل...
شافها مرمية ع الأرض قعد مصدوم
قعد يشوفلها تواني وقرب منها قامها وحطها ع الكنبه
💗🌸روايـــات نصيـــب محمــد💗🌸
واخيرا قررت رتاج ترحم وسيم وتحدي معاه
وسيم فرح.. الو رتاج وينك مشغول بالي عليك هلبا
رتاج بقة صبر.. نعم شن تبي
وسيم .. رتاج خيرك تحكي معاي هكي وين حبك وين رتاج اللي كانت مترتاحش الا وتسمع صوتي
رتاج.. ههههه وسيم تحكي من جدك انت 😂
وسيم كان مستغرب من كلام رتاج هلبا
وسيم.. رتاج علاش درتي هكي
رتاج.. انا وانت مش لبعض ولا كإن صار بيننا شي
وسيم تضايق وحس بشي غريب هلبا بس تمالك روحه.. تمام بس رح تندمي يارتاج
رتاج.. هههه ع كم حاجه منندم أنا 😅
وسيم.. تمام
وصكر وحدف الهاتف ع الحيط وجابه طرف طرف
سالم سمع الصوت وجاه ..خيرك
وسيم.. خطاني وخدي مفتاح السيارة وطلع
سالم.. ربي يستر ليه يومين مش تمام
شمس.. شن صوت التقربيع هذا
سالم.. هذا عمي جمعه متكنطيشمس.. علاش خيره
سالم.. لا شكله الكبيده 😂
شمس.. هههه
وطلعت من جنبه متضايقه
رويدا.. ياشماتتي فيك 😂
شمس.. اقلبي خليقتك من عليا والله نشد نريشك
رويدا.. ههههههه
.
سالم سكر المربوعه واتصل برتاج
.طبعا رتاج متحركتلهاش ولا شعره من اللي داراته لان متعوده عليه
.
وقعد يحكي معاها وهو مش عارف شن الشي اللي مستنيه
.
راهو حرام عليك تعلق قلب انسان فيك وبعدين #تكسره
حرام انك ترقد مرتاح وفي حد سهران يبكي بسببك 💔🔥
.
..💗🌸روايـــات نصيـــب محمــد💗🌸
سيف .. ريحان تسمعي فيا
ريحان فتحت عيونها.. نبي نشرب
سيف.. اشربي من شادك
ريحان تحاول تنوض وسيف ولا ع باله
ريحان.. حتى الكلب( حاشاكم) يسقو فيه راه
سيف مدلها تشرب وعلاش دختي شن فيك
ريحان شربت .. مفي شي وناضت وطلعت
سيف ضرب الكرسي برجله من تصرفه اللي داره اول مرة هكي يصير معاه
.
الممرضة.. شني سيبتي
ريحان.. في أحلامه
الممرضة.. سعدودك ع الجرأة اللي عندك
.
مشت لمكتبها وطلبت شي تأكله لأن طلعت بدون فطور وامس روحت من الخدمه تعبانه ومكلتش
.
فوز قررت واخيرا تحكي لميقو اللي صاير أحسن م يتأزم الوضع أكتر بعد قعدت أيام يتصل بيها ومتردش
.
كان كل يوم يتصل ويبعت أاكتر من 20 رسالة وميملش ، وهكي صاعب ع فوز كيف رح تحكيله اكتر ماهي صاعبة عليها
.
كانوا رسايله :
《 فوز حبيبي في شي صاير والله انشغلت عليك 》
《 حبيبتي وينك وربي مانقدر نصبر من غيرك والله حتى الحوش كل يوم نكمل فيه باش نجيبك جنبي》
《 فوز 💔》
《 فوز وينك يا عمري كلميني بالله ☹》
واكتر من هكي
فوز كانت تتقطع بكل رساله تقراها
.
نحكوا شوية كيف كانت مقابلة الشرعية مع فوز
جهزت روحها بعد اقناع وترجي من امها
لبست سروال جينز اسود مش ضيق هلبا وجاكيت جينز ازرق مع بلوزة وردية وشاح ورظي مزركش.
رفعت شعرها فوق وروج بسيط
