#نهـايةة_قصـةة 📜
⚡
#الحلـقةة_1
سيف بصوت حاد.. قوليلها تتفضل والأوراق الخاصة بيها معاها
الممرضة..حاظر دكتور شوية وتكون عندك
وطلعت
الممرضة.. ريحان محمد
ريحان مقعمزه وقفت.. انا نعم
الممرضة.. دورك واوراقك معاك دكتور سيف يستنى فيك 😊
ريحان بتوتر وخوف حسب ما يحكولها عليه مش أي وحده يقبلها ومش أي شهاده بشخصيته اللي تخوف.. اااا اي هيا
وقفت تساوي في عبايتها وشاربتها وطقت ع الباب وخشت
سيف وهو يشبح لأوراقه ويوقع ..انا مقلتش تفضل
ريحان كاينه متوترة لدرجه خدودها حمر..أآ ا أسفة نطلع
سيف قام عيونه لفت انتباهه كيف لبسها وواحترامها
سيف..تقدر تقعمزي واعطيني الأوراق
ريحان مدتله الملف ..تفضل
قعد يشبحلها حطاته ع الطاولة وقعمزت
فاتوا دقايق كإنهم سنين ع ريحان اللي كانت تتمنى يقبلها بجد لإنها محتاجة هلبا للخدمة بش تهرب من الواقع اللي عايشاته وتلهي روحها بيها
كانت سارحه
سيف..تقدري تخلي رقمك ورح نتواصلو معاك لو نقبلتي
ريحان مش سامعاته
سيف بصوت أعلى..تقدري تخلي رقمك ورح نكلموك
💗🌸روايــات نصيـــب مــحــمــد💗🌸
ريحان بصدمة وخوف..ااا تم تمام شكرا وطلعت بسرعه
كلهم يشوفولها كيف خايفة وهما نفس الشي لأن معروف الدكتور سيف شخصية حاده ومش أي حد يحكي او يبصر معاه
الممرضة.. تمام
ريحان..الدكتور طالبك وطلعت روحت
الممرضة..طلبتني دكتور
سيف.. خلاص قوليلهم بقدروا يروحوا اكتفيت اليوم
الممرضة..بس ماخت.....
سيف..زي م سمعتي وتقدري تطلعي بكري اليوم
الممرضة.. حاظر دكتور
.
نأخدوا ثواني نحكيلكم ع سيف وجمال سيف 😻💃🏼
" سيف دكتور جراحة شخصيته حادة وجادة هلبا ومعروف للكل بشخصيته وجماله اللي تقتل ، حنطي ونقشه ع الأسود وعضلاته بارزات أنيق هلبا ولبسه نازك هلبا 😅🔥"
يهبل 😻💃🏼
عنده أخت متزوجه "' يقين'"
أمه "' سالمه '" مقعده بسبب حادت قديم توفى فيه بوه وامه صارلها شلل في رجليها
💗🌸روايـــات نصيـــب مـــحــمــد💗🌸.
"' ريحان بنوته هادية هلبا وتحب تساعد الغير ع حساب نفسها ، واخده شهادة تمريض شهور بناء ع طلب من أمها اللي مش واقفه معاها نهائيا ، بيضاء ونقشها ع الأسود شعرها طويل ، وملامحها صغيرة لبسها كله عبايات وشاربة
.
أمها وبوها منفصلين وهي قاعده مع أمها فوق من النفس ، بوها سافر بعد الطلاق ع طول ومش معروف عليه أي خبر،
أمها تزوجت من شخص معروف في المنطقة يشري ويبيع في حشيش بس للأسف معش قدرت تطلب الطلاق وكانت معامله امها ليها كإنها خادمه ومش مهتمه بيها نهائيااسمها "عايدة"'
طبعا سيف م 86
وريحان م 94
سيف..استني
الممرضة..نعم
سيف..الملف هذا فوتي يومين واتصلي بصاحبته وقوليها تباشر بخدمتها من الأسبوع الجاي
الممرضة..تمام اي شي تاني دكتور
سيف..شوفيلي مواعيد بكرا عندي شي او لا
الممرضة..لا بكرا معندك شي
سيف..تمام بكرا مش ضروري حد يجي
الممرضة..تمام
وحول البالطو ولبس جاكيته وخدا مفتاح السيارة والهاتف وطلع
.
كانوا كل الممرضات يخافوا منه ومن نظرته ومع هذا يتمنوا ولو ضحكه او كلمه منه
طلع والعيون كلها عليه وريحته اللي مالية العيادة كلها 🔥😻😻
.
.
سيف..نعم يام
سالمه..وينك وليدي
سيف..كيف طلعت من العيادة جاي تبي حاجه ناقصاتك حاجه يام
سالمه..سلامتك اخطم علي خاطرها تبي تجي لاكن راجلها خدمه
سيف بابتسامه..هو هذا بس انتي تؤمري هي ساعة زمان ونكونو عندك
سالمه..ربي يحميك
.
رغم شخصية سيف القوية والجادة مع الكل بس توقف عند أمه يكون قدامها ومعاها أحن وأطيب شخص زابتسامته اللي متفارقاش قدامها 💗💃🏼
كل الناس في كفة وأمه في كفة بروحها 💕
.
_
رتاج..قصدك انتي مصدقتيه بيجي يخطبك ومعاها فرحانه 😂 قداش م انتي فاضية
مآب بعصبية .. اي واثقة فيه وحنكونوا لبعض ويجي يوم وندكرك
رتاج تضحك بهزوه.. هههههههاااا خيتي سلمها اللي عقلها صغير وتصدق في أي حاجه 😅😂
مآب.. به به انتي خليك كلمي سته مليوم دكر وفي الأخير ربي يطيحك في واحد يرد حقهم تالت ومتلت 🙂
رتاج ..حبيبه الوقت هذا كلمي واحد واتنين وتلاته واللي يجيك الأول خوديه والباقي لصقيهم ع الحيط
مآب.. ديري انتي هكي وربي يساعدك في الجمعيه اللي عندك
رتاج... ههههههه ان شاء الله به
مآب..هي منروح بابا جي
رتاج..باي باي وفكري
مآب.. كانها مسمعتهاش باي
رتاج في خاطرها .. صغيرة عندك حق تصدقي اي حد
يرن فونها
مصعب..اطلعي مستعجل هيا
رتاج.. في التأني السلامه وف...
ونص كلامها صكر علاها
وطلعت متنرفزه من تصرفه
ركبت وصكرت الباب بقوة
مصعب.. يجيك كف توا يفسدلك وجهك توا
رتاج.. وفي العجلة الندامه المهم قعدتش في خاطري🙄
مصعب يشبحلها ع جنب وطلع
.
ثواني نحكوا ع رتاج
"' رتاج طالبة تالته تانوي جريئة هلبا ولسانها متبري منها ومتسكتش ع الغلط ومشاكلها اكتر من شعر رأسها تكلم في خمسطاش واحد وكلهم يضحكو عليها وهي احرف منهم 😅💕
بيضاء والنمش بارز ع خدودها وشعرها بني قصير متوسطه في الطول والوزن طرف وفي دراستها مش مهتمه
.
خوها مصعب م 90 يخدم في الشرطه توكات ، طويل وعريض عضلاته بارزات وطرف بس دمه رزين
امها صبرية وبوها سمير
.
اقرب وحده ليها مآب وكل اسرارها عندها
.
مآب تفكر في كلام رتاج هل محمد يكدب عليها او يحبها بجديات
رضا.. هيي وين وصلتي
مآب .. اه لا نفكر في امتحان اليوم جاوبت ولا لا
رضا.. لالا عارفك تهني اكيد مجاوبة
مآب.. ااها اي اي
رضا.. فطرتي
مآب..اي الحمد لله
.
.
وصلت رتاج للحوش غيرت ودوشت وجت بترقد اتصل بيها وسيم
رتاج وتقلب في عيونها .. اهلين
وسيم..كيف حالك رتو طمنيني عليك
رتاج.. الحمد لله بخير قاعده نمشي مطحتش وقاعده نتلكم متبكشتش وقاعدة نشبح م نعميتش
وسيم.. الحمد لله نعمه من ربي
رتاج بتكبر.. اي
وسيم.. شن مدايرا
رتاج..كيف روحت وبنرقد بس في ناس قليلة ذوق كلمتني ومش وقتها بكل
وسيم تعصب .. اوك خودي راحتك وصكر
رتاج.. حيوان صكر في وجهي مرض
.
سالم يضحك..يا مهزب 😂😂😂
وسيم..بالله اخطاني مش ناقصك
سالم.. وووووويو مهزب وتكلمتش 😂😂
وسيم.. سااالللللم
سالم..انا طالع نجيك بعدين
وسيم..تمام
سالم..وسيم
وسيم..نعم
سالم بصوت عالي .. يامهزأ 😂😂😂😂
وطلع بسرعه
وسيم ف خاطره .. هي هكي يا رتاج كان مزلتي سمعتي مني كلمه
.
_
رتاج تنرفزت خشت تحت بطانيتها ورقدت
💗🌸روايـــات نصيـــب محمــد💗🌸'
* وسيم ياوسيم اسم ع مسمى شخصيته تقتل نقشه ع الأسود وعيونه يهبلو ولحيته ع الأسود وطويلة شوية لبسه وجسمه وضحكته💕😻
.م 93
يتيم وكإنه خو سالم ديما مع بعض ويباتو مع بعض فاتح قهوة ووقته كله فيها
.
"""سالم طويل وضعيف وشخصية لحيته خفيفه بس شعره طويل ونازل ع عيونه مكمل دراسه بس يخدم مع وسيم شراكه م 94
أخته رويدا م99 وشمس م 2000
أمه راضية وبوه محمود
.
وسيم.. نعم
وجدان.. اسمعني وسيم بالله عليك
وسيم..شن تبي اختصري
وجدان بصوت مخنوق من البكى.. وسيم انا وجدان حبيبتك قردتك وجدان اللي تموت عليها معقولة هكي نسيتني معقولة خلاص قلبك نساني
وسيم يحاول ميتدكرش..خلاص وجدان شوفي حياتك ومعش تزعجيني
وجدان.. طول ما انا نتنفس حندعي ربي يأخدلي حقي ومش حنسامحك وصكرت
.
وسيم كان في باله رتاج فقط ومش قادر يتدكر حبه هو ووجدان اللي ستمر سنين نساه في أقل من شهر مع رتاج اللي دالاته ومش معبراته
.
وجدان.. الله لا يسامحك وربي يأخد حقي فيك
سوسن.. وجدان هدي اعصابك والله م يستاهل دمعه من عينك ولا يستاهل حتى تفكري فيه
وجدان ..بس انا حبيته والله حبيتسوسن حضنتها وتحاول تهديها
..
.
ميقو .. يا قلبي ربي م يحشمني معاك وتكوني حلالي يارب
فوز.. امين ياعيوني
ميقو.. حبيبي شن اخبار دراستك
فوز.. تمام اخر سيم ونتخرج الحمد لله
ميقو.. بالتوفيق انتي قدها وحتكوني احلى خريجه والله
فوز.. يارب ، ميقو ماما تنادي فيا شوية ونحكو
ميقو.. تمام تعطليش عليا
وصكر
.
"" ميقو أحلى شخصية طويل والضعف زايده جمال لحيته خفيفه وعيونها جدابة وشخصيته ورجوليتهه زايداته جمال
ميقو م 92 خريج محاسبة ويشتغل في شركه
وحيد عيلته وأمه سمية وبوه محمد
.
" فوز بنوته طيبة لدرجه متنوصفش م 97 وحيدة عيللتها بيضاء ونقشها ع البني وعيونها يهبلو اخر سيم وتتخرج من الادارة ، وحيدة عيلتها وأمها هدى وبوها عبدالله
.
فوز..نعم يام
هدى.. راك تفكي روحك من المكالمات هذه والله م نافعك ولا واخدك كان يكدب عليك
فوز تنرفزت بس محبتش توضح .. به شن في تبي حاجه
هدى .. تغدي واقري سادك
فوز ..به حاظر
كاينه شادة دمعتها من كلام امها بدال م تكون واقفه مع سعادة بنتها كاينه تحطم فيها
💗🌸روايـــات نصيـــب محمٰـد💗🌸
بوها كانت كلمته م تطيحش ع الأرض اي شي يقوله يمشي حتى ولو ع حساب سعادة بنته او مرته
.
