SHAMY'S POV
"Miss, puwedeng pakiss? Lapin ang mga ngipin? Imbes na mainis sa'kin, napangiti din. Akala ko iisnabin ng binibining nagpapatibok ng puso ko, nahulog at nagdurugo..."
[SOMEONE LIKE YOU by Adele]
Para akong nabagsakan ng tatlong planeta at walong bituin na nanggaling sa langit.
'Yang kanta na 'yan! 'Yan 'yong kinanta niya sa'kin sa probinsya! Sabi niya, kinompose niya 'yan para sa'kin, pero bakit kinakanta niya kay Charie ngayon!?
Napakamanhid mo, Racky!
Nakaramdam ako ng kirot sa dibdib ko, at dahil diyan, tumulo ang luha sa mga mata ko. Kayang tiisin ang lahat, pero ito?
Hindi ko na kaya.
Ang sakit-sakit.
Hindi naman pala totoong para sa'kin 'yan! Bakit kailangan niyang ipamukha sa'kin 'to? Hindi niya ba alam ang mararamdaman ko? Para akong na-insulto!
Iyon pa naman ang pinaka-romantic na nangyari sa'kin sa tanang buhay ko, tapos malalaman ko ngayon na hindi pala para sa akin 'yon?!
ANG SAKIT-SAKIT, RACKY! PINAGMUKHA MO AKONG TANGA!
Pinahiran ko ang mga luha ko, tapos sinabi ko sa sarili ko...
"Ang tanga mo, Shamy."
Sabay takbo palabas ng bahay.
Hindi ko kayang manood. Pakiramdam ko, inuto niya lang ako noon-at ako, nagpa-uto naman!
Bakit ba kasi ganito ang naging takbo ng buhay ko? Simpleng fan lang naman ako dati, ah. Pero bakit humantong sa ganitong sitwasyon ang lahat?
Oo, pinangarap ko dati na mapansin niya ako, pero hindi ko akalain na ganito pala ang mararamdaman ko kapag nasa mismong sitwasyon na ako. Ngayon ko lang nare-realize kung gaano kalayo ang mundo namin.
Palagi akong nagda-daydream noon, na magkasama kami tapos ako ang nagpapahid ng pawis niya. Pero iba pa rin pala talaga ang nangyayari sa totoong buhay.
Akala ko, tulad kami sa isang magandang kuwento-na pagtatagpuin ng tadhana tapos magkakatuluyan sa huli. Pero nagkamali ako. Ang layo na nito sa pinapangarap ko.
Sadyang imposibleng magkatuluyan ang isang fangirl at isang superstar, dahil...
Ang fangirl is always a fan-slash-supportive FRIEND.
Mula noon hanggang ngayon, pangarap ko lang siya. Parang mas maganda pa nga noong fangirl lang ako-kasi hindi pa ako nasasaktan.
Ngayon, alam ko na ang rason kung bakit niya ako isinama rito sa Maynila.
Kasi... nakikita niya si Charie sa pagkatao ko. Kaya parang ang gaan ng pakikisama niya sa'kin.
In short, ginawa niya lang akong panakip-butas.
Gusto niyang makalimutan si Charie, 'di ba? Kaya baka iniisip niyang mas madali niyang magagawa 'yon kung andito ako-na clone ni Charie!
Hindi ko alam kung paano ko naisip 'yan, pero siguro, 'yon lang ang posibleng dahilan kung bakit niya ako tinulungan. Halata naman, eh. Pero kailangan ko nang tanggapin.
Siguro, leksyon ko na ito-na kung magkaroon ka man ng crush, dapat hinay-hinay lang... kasi baka madapa ka lang sa katotohanang mas marami pang ibang puwedeng mahalin ng taong gusto mo-mga taong mas karapat-dapat sa kanya kaysa sa'yo.
Siguro nga, napatunayan ko sa sarili kong nag-mature na talaga ako. Kasi nare-realize ko na ang mga bagay na hindi ko napansin noon.
Siguro nga, nag-grow na talaga ako.
BINABASA MO ANG
When a Fan Falls in Love
Roman d'amourMula sa simpleng paghanga bilang isang loyal na fangirl, hindi niya inakala na ito ang magdadala sa kanya sa mundo ng drama, pangarap, mga lihim, pagkakaibigan, damdamin, at mga sitwasyong kailanma'y hindi niya inasahang haharapin. *** Pinili ni Sha...
