-Jerita Jenaka-
*Chunding Enggau Aki Selumba*
-Tusun ti ke 2-
"Ney lapa dik dih....?Enda ketawa dik laban aku...?Jera asai kita lelekai kasak aku. Bedau nya...bedau,"pia ko Chunding bejaku dalam ati. Di awak ka iya indu nya ketawa bebendar. Puas iya meda indu nya ketawa iya lalu bejaku.
"Au....udah puas nuan ketawa endu buah labu kuyu pepelu baka penyu. Enti agi ka ketawa pulai ga aku....."pia ko Chunding.
Indu nya lalu ngetu ketawa. Mina tuchum lelinsum ngetat ke ka ketawa. Jengkau iya pinsil pen ka nulung ngisi pom ke Chunding. Enda memukai pinsil nya labuh cun ba kaki Chunding. Ensuruk mija ga indu nya ngambi pinsil pen.
Enda memukai indu nya ta engkakah ketawa.
"Hahahahahahaha....!! Empai ga aku kala dih apai, tu mih keterubah...!pia ko indu nya baruh mija.
Iran ati Chunding." Nama mih pengawa indu nya ta nyuie ka burit baruh mija. Nama utai pinta indu tu kini...?Tumbuh ta lelekai baruh mija. Parai mih enti tanchut aku tu carik. Telo aki aku ba baruh dedin melesit...alai indu nya engkakah....! Parai laban indu ngeyegit nya....!pia ko Chunding bejaku kediri. Ta tuyu mih indu nya pikir iya. Ka minta kereja tetemu ka urang tuyu aja2x ga tudah pia ko runding Chunding.
Enda puas ati Chunding lalu betanya enggau tiun nyawa bepantun.
"Peca....peci.... nama diketawa endu....?Kada enda ketawa ke telo aki.....?pia ko Chunding.
Ninga nya, begaut indu nya angkat. Lalu nyaut enggau tiun ti sebaka.
"Uwaa....uwit....enda aki...selipar aki timpang tebalit."saut indu nya.
"Apuuuu......nemu nuan nunda tiun aku endu. Biri-biri bijak. Au endu....minta ampun minta mahap aku endu, enda nyadi aku minta kereja ditu. Lelak aku diketawa ke bala kita. Mupuk aku endu umba uwa mua nyau selita tau nyadi ke pemangka."pia ko Chunding lalu angkat. Nadai malik ke belakang agi iya dih. Lalu mupuk mih iya.
Indu nya agi pepeli ditinggal ka Chunding pia aja. Seleka jaku enda mih sempat ka nyebut.
Pansut Chunding ari supamakit nya, iya tepeda ka siku bakih iya maya ke besekula menya. Dikepai iya bakih iya nya. Mansang mih siku nya ngagai Chunding.
"Apuuuuu.......Unding! Lama dun meda you. Nama berita you now Unding. Begaya udu you now."pia ko bakih iya nya. Bakih iya nya nama ya Lidum.
Lidum tu gawa ba menua Dubai. Kereja ketasik offshore. Ka lelanyah pendiau dih Lidum tu. Enda apus tuat kebatang ya. Alu nyadi mih randau seduai.
"Aaaihh dih antu! Kengka ka setaun nuan ke lelang. Anang bangat ngelawa nya bejaku ribai. Uji jaku tambi enti nemu..? Au ....aku nemu mih jaku urang putiss. Legi nuan akih..."pia ko Chunding dalam ati.
"My berita udu enda manah Antu Entepa Lidum. Ahi tadi the indu ketawa. Meda i ngena selipar timpang. I begaya ka minta kereja. Tang mereka enda nehima....Bisi nemu keheja kusung you Lidum...?ko Chunding. Nyaaa anchi aaa.
"Ya Unding, my kawan bisi ngiga urang ka kereja dehiba luhi nganjung bahang ke kedai. Ka you Unding...?"tanya Lidum.
Alu tampak mua Lidum.
"Yes....yess...yess....! Ya i want. Kemaya.....dini...?tanya Chunding. Enda sabar agi asai iya.
"Okey. Now maie you jumpa tukey. Kereja senang aja. Makai, ngirup, bus tangung. Nibuh tusah ngira makai. Enti tukey minta you nganjung barang ....anjung aja. Barang makai nya Unding. Baka supamakit tu. Tang mit agi.
"Apu....."ko ati Chunding. Bisi utai di apu ke Chunding, tang enggai bejaku aja.
Mupuk mih seduai iya ngelawa kedai kaban Lidum tadi. Panjai mih tuchum Lidum betati ke diri bulih kereja. Pia pan ko ati iya, asal bulih kereja.
Datai ba kedai nya, Lidum lalu ngelawa indai tuai cina siku. Tubuh pepaga, tinggi, perut tetanung. Kumbai ngandung enda ga. Gemu kebatang iya. Sempat mih Chunding bejaku kediri.
"Parai aku ti bulih bini paga tubuh. Mimit aku salah kada enda pangka ka iya. Telan iya idup bisi aku. Perut kekimut baka kemut ulat entadu. Aihh dih apai....parai.....parai....! pia ko Chunding.
Enda lama udah nya, Lidum nganggau ke Chunding.
"Unding, tumulo you kereja ditu. Ba indu cina nyin. Nama iya Kempi. Laban mua iya ka kekempi, nya kami nganggau ka iya kempi. Alai nuan ngelawa iya kin. Iya ka bejaku enggau nuan." Ko Lidum.
Nyau mih Chunding ngelawa indu cina nya.
"Selamat lemai tukey. Saya Chunding."
"Iya....itu Lidum sudah kasi tau. Misuk awal pagi you masuk keleja sama saya. Makan minum saya tangung. Tidak payah bawa mekal ow,"pia ko indu cina nya.
Begaru pala Chunding. "Alah tangung indu memesai nya kini...?Makai ngirup tangung. Pedis isi aku kereja enggau indu minta tangung bebelama. Akaii.....!! Kada enda bansa ke kanji kini..."ko Chunding bejaku kediri. "Ahh, terima aja mih. Nadai bangat pedis nangung indu cina nya,"ko Chunding bru ga.
Pulai mih Chunding enggau Lidum ke rumah. Datai di rumah, gaga mih ati Chunding bulih kereja.
Meda uchu iya lelinsum, iran mih ati Selumba lalu betanya.
"Lapa nuan lelinsum Encabuh? Balat amat rising nuan nya. Bulih kereja nuan tadi Encabuh...?tanya Selumba.
"Aihhhh dihhh......aki. Nemu enda bulih bujang sigat Nanga Wa tu?Giga kereja kenya nadai mih agi. Kereja nangung tukey benung makai enggau ngirup aku aki...! Saut Chunding.
Ada bebengit gamal Selumba ninga Chunding bulih kereja nangung tukey benung makai enggau ngirup. Empai kekala ninga kereja bakanya. Ta tu mih keterubah.
"Apuuuuu.....uchu! Kada enda kanji indu cina nya dih uchu. Berasai mih nuan ta dibinsai ka indu cina nya uchu....!pia ko Selumba. Irau amat ati iya.
"Sengapaan nuan aki. Ukai bakanya. Maya iya makai aja nangung. Engka iya enggai kelalu knyang makai kini. Ulih tubuh kelalu besai."
Nya, lalu enda mih aki Selumba nemu utai ko Chunding. Barang baka mih ko anak ati iya.
-Betampung-
Next, bru kitai nmu bkni kisah Chunding nangung bus benung makai. Anti tusun ti ke 3.
Dikarang : Endu Dara Rimbu Enggau John Jovi
