-Jerita Jenaka-
*Chunding Enggau Aki Selumba*
-Tusun Ti Ke 4
Agi pedis ati tukey indu betati ka ulah Chunding tadi. Baru pun gawa udah memacam ulah. Di awak ka iya Chunding duduk ba mangku ba teluk dinding. Chunding pan pia mega. Agi pedis ati meda tukey indu iya ke benama Kempi nya. Mut-mut mih tudah Chunding.
"Aihh......dih antu, enti aku dajih ke nuan jadi enggau Kempi nya nyamai agi aku milih jalai parai. Idup kini jadi enggau indu cina dadak nya...? Ta numbas penadak. Ngerang-ngerang ari nya madah ke pengawa aku nangung iya makai..aku ka danu....? Pinggai pecah labuh laban iya, aku ga salah...? Ka tetusah aaaaaa....kasih mih nuan Kempi......penadak ibun nuan siku! pia ko Chunding mut-mut.
Mulut kekimut mucau. Sekali.....
"Chunding........!!!"
Dinga sera nyawa tukey, nyau diperadak amat nganggau ke Chunding. Tekenyit mih tudah Chunding dih.
"Chunding sini dulu, cepat....!!" sekali agi Kempi nganggau ke Chunding.
"Nama mih utai ke indu jukat tu. Nyawa ta diperadak ka penapat. Kumbai bangat bengal baka apek pusu nyin aku tu ko iya,"pia ko Chunding muchau ninga tukey meradak ka nyawa nganggau ka iya.
"Iya lapa nuan tukey...? Ka belaki nuan pia..? Enda nemu aku ngiga ka nuan laki. Tang enti amat nuan keran ka belaki, bisi ga aku nemu. Bisi siku uhang bujang temu aku. Nangi ke nuan enggai ga. Aki Selumba aku bisi enti nuan ka. Lama amat udah bujang. Taji lama enda di ansah. Ka sesemun pelaba aku. Mata pisau enda tajam agi....."pia ko Chunding mampul mulut ngetat kediri ka ketawa.
Tudah aki iya Selumba nadai nemu diri mih dih, dijual Chunding nama.
"Hampang nuan Unding...! Aku ukai ka belaki. Ini apa tulis nuan ini...? Tadi tulis utai bepeling-peling segala macam telu, macam milun. Ini apa ini Unding?" ko Kempi ngempas ka kertas ke ditulis Chunding tadi. Betempik kening tukey maca utai nya tadi.
"Nai.....betul la itu tukey. Lu minta saya tulis, saya tulis mih...itu pun lu tidak tau...."ko Chunding.
"Ayo...manyak susah cakap sama lu Unding...! Magus lu balik bikin melacan!" ko Kempi.
"Pei...pahai dayah! Dasuh pulai nutuk belacan tudah aku. Dini nemu bisi belacan maya tu jam. Amat mapap cina untut tu!" majak mut-mut dalam ati tudah Chunding.
"Ini apa ini...? Apa itu huti penat segi empat, huti sebayan empa uhang mati, gula batu pemalu tawak, sekelin tusu, huti telu segala, huti puak taie cicak, pau tanah merekah, sadin cap buhung, sadin kasam ikan, sadin itit nyemehai sama kecup...?? Apa itu Unding??" tanya tukey.
"Apuuuu......!! Amat tusah indu dadak tu. Enda nemu maca kini. Sengaja indu tu ka ngemeli ke aku. Kemaya uhang mati nemu makai huti? Nibuh aku....urang pahai magang mih enti sebayan nemu makai huti. Empai kekala akuuu...nya kemaya kayu pemalu tawak nyadi gula batu ko aku. Sekelin tusu ga pinta iya. Huti telu segala dini ka ngiga...? Nya huti puak taie cicak empai ku kala makai. Bedau nuan Kempi....bedau gumpul ke aku taie cicak. Apuuuuu...!! Tu siti, amat kanji aaa.. Nemu utai tanah mehekah kini indu tu....?? Iya indu ga. Nama nadai iya utai nya pia...? Ka nenadai aaa. Nibuh disebut nama sadin. Utai ke enda kala di dinga aku. Tu kecup ga ko iya. Pahai laban minta kecup..."ko Chunding mut-mut.
"Eeeecakk....pahai dayah indu tu minta kecup. Wak...!! Ka mutah aku. Enda aku ka ngecup nuan. Mulut....apaii!! Sebedau iya ngecup mulut aku manah aku lari."Gelesi tudah Chunding. Enda cecamang lalu begaut ngelari kediri pulai.
Bebengap tudah Kempi meda Chunding pansut belanda ari kedai iya. Nadai ningal ke seleka jaku. Madah diri badu enda.
Alu nadai jaku mih tudah Kempi. Badu mih nya ko ati iya.
Datai Chunding di rumah, lalu nuduk kediri ba pala tangga. Aki iya Selumba maya nya benung ngansah duku. Di leka ka iya duku mansang nuju Chunding.
"Tumu nuan pulai encabuh. Nyamai amat pengawa nuan, ulih pulai maya tu jam." ko Selumba nyapa ucu iya.
"Eeihh....kekutap ngapa nuan nya aki. Ukai nemu jerita. Anang mayuh jaku nuan aki. Pagila tumu nuan angkat dani. Nganti aku gawa enggau tukey ke benama Kempi. Aku nganjung nuan pagila. Udah aku nganjung, aku lalu pulai pagila."pia ko Chunding.
"Ka aja aku tu. Ukai bangat pedis, tu baka nuan tumu mih pulai. Au pagila aku nukar nuan."Saut Selumba.
Tetuchum Chunding. Dalam ati iya engkakah ketawa.
"Nih....nya ipak nuan aki. Ipak dadak, dasuh aku nukar aku ka mih. Pagila asai nuan dikecup tukey gila nya. Kembai enda tusu nuan pagila. Ngam mih utai dadak sama dadak. Tau begulai. Ngipak amat...!!" Lelekai mih Chunding ketawa dalam ati.
Ta numbas mih pemeli Chunding. Nyadi jerita ke amat tu tadi, tukey maca utai ke ditulis Chunding. Nama list barang ka dasuh Chunding tulis apek pusu. Dikumbai Chunding tukey nya minta macam-macam. Ke penudi te ngasuh Chunding geli gelesi. Kecup!! Kecup tu tadi kicap. Nya mih jerita kebendar iya. Chunding laban ka bangka sigi lalu enda nemu reti utai ko urang.
**Bah angka nya dlu kitai bgulai enggau Chunding. Begulai kitai ba siti tusun agi udah tu ila. Tusun ti ngasuh kitai bendar gi lelekai. Bakani gaya Selumba nukar Chunding gawa. Enda entu panjai tusun sekali tu. Minta ampun ku au. Enda ntu sihat ku.
-betampung-
Dikarang : Endu Dara Rimbu (Kumang mali Lebu) enggau Dom JJ ( John Jovi)
