فى العربية فى منطقة اشبه بالصحراء
شيرى بثبات: ما تنزل المسدس دا و تقول عاوز ايه و تخلصنى و تخلص نفسك
الشخص الملثم: تعجبينى يا حلوة ستة مليون جنيه
شيرى: اممممم..اممممم خمسة مليون دولار و دول اما ادهوملك انا هستفيد ايه بقى
الشخص الملثم: هسيبك تروحى بيتك بأمان و مش هأذيكى
شيرى: اااااه مش هتأذينى و تسيبنى اروح بيتى بسلام.. و قالت و هى بتفتح شنطتها طيب امرى لله
الشخص الملثم: انتى بتعملى ايه!؟
شيرى: هطلعلك دفتر الشيكات
الشخص الملثم: انتى كدا تعجبينى
شيرى طلعت الصاعق الكهربى بتاعها و كهربت الشخص الملثم و هو اغمى عليه
شيرى طلعت تليفونها بسرعة و اتصلت برقم
شيرى: ايوة يا جاسر.. تعالى بسرعة لوسمحت..هبعتلك اللوكيشن بتاعى
بعد شوية جه جاسر و معاه العساكر
جاسر: ايه اللى حصل بالظبط!
شيرى: طالب منى خمسة مليون دولار
جاسر: بس جدعة انك اتصرفتى كدا
شيرى: دا انا كنت مرعوبة بس كنت ثابتة
جاسر: تربيتى يابت..بس مش شاكه فى حد كدا
شيرى بتفكير: لا لا خالص
جاسر: طيب كدا انا هستجوب الواد دا و نشوف مين اللى باعته و هبلغك بأى جديد
شيرى: تمام يا حضرة الظابط
جاسر: تمام يا باشا
(بالمناسبة جاسر دا ابن عمة شيرى و هو اللى مربيها و بتعتبره اخوها الكبير👫)
______________________________
فى المستشفى عند بوسىليلى بتساؤل: هى تقدر تخرج امتى!
الدكتور: حالتها اتحسنت كتير و تقدر تخرج من بكرة بس لازم تواظب على الادوية.
ليلى بتشكر😊: تمام ميرسى اوى لحضرتك
أنوشكا دخلت و قالت بتساؤل: الدكتور قال ايه!؟
ليلى: حالتها اتحسنت و ممكن تخرج بكرة
أنوشكا: الحمددد لله..دول كانوا يومين مرمطة
بوسى بتعب: معلش يا بنات تعبتكوا معايا
أنوشكا: و احنا موجودين ليه ياختى علشان حضرتك تعملى المصيبة و احنا نلملم وراكى
بوسى: تعيشوا و تلموا مصايبى..صحيح شيرى فين
ليلى: كلمتها فونها مقفول.
أنوشكا: ربنا يستر يارب
فى بيت شيرى
شيرى: فايزة..فايزة
أنت تقرأ
احْبَبتُ نَادِلُ المَطْعَم
عاطفيةاللى بيحب حد فعلا عمره ما بيتخلى عنه مهما كانت الصعوبات اللى هيقابلها تعالوا نشوف ابطالنا واجهوا الصعوبات ازاى و ازاى اتغلبوا عليها.