شيرى بتجرى فى مركز المصارعة
شيرى بقلق😥: لوسمحت..لوسمحت ح..حسام فين؟!
الشخص: حسام مين؟!
شيرى بتوتر😥: حسام اللى ع..عنده ماتش انهاردة
الشخص: اه تقصدى الماتش اللى كان من شوية
شيرى: ايوه..ايوه هو
الشخص: ايوه فى الاستراحة بيغيروا هدومهم
شيرى: شكرااا...و جرت💃
الشخص بصوت عالٍ: يا انسة..يا انسة مينفعش تدخلى هناك
شيرى بتجرى و فتحت اوضة من الاوض لقيتها فاضية جرت على الاوضة اللى بعدها و فتحتها لقت حسام و شباب واقفين و لابسين شورتات و عاريين الصدر و بيتكلموا فجأة الكل ست و شيرى تنهدت براحة
شيرى بإحراج: اسفة بجد
لاعب: اوباااا..استنى بس يا قمر
حسام بمفاجأة😯: شيرى!... طيب يا جماعة سيبونا لوحدنا من فضلكم
لاعب آخر: يا بختك ياعم
حسام: مراتى
اللاعبيين: ايه..مراتك
اللاعب آخر: طيب يا شباب يالا
وخرجوا و هما بيبصوا على جسم شيرى
حسام: حمد لله على السلامة
شيرى: الله يسلمك..مجتش يعنى لما خرجت من المستشفى
حسام بإستهزاء: اصلى عارف ان انتى بيجيلك صدمة عصبية لما بتشوفينى فقررت اخليكى متشوفيش وشى تانى
شيرى: و الشغل؟!
حسام: والله اللى ميشفش من الغربال يبقى اعمى و اذا كان على الشغل فأنا هقدم استقالتى فى اقرب وقت
شيرى: اممممم...امممممم..تمام
حسام: صحيح ايه اللى جاب حضرتك هنا فى المكان المتواضع دا اللى طبعاً ميلاقكش بحضرتك
شيرى: حسام ممكن تبطل استهزاء لوسمحت
حسام: لا طبعاً يا هانم العفو استهزاء ايه
شيرى: انا همشى
حسام: براحتك
شيرى بتوتر😥: امشى فين... عاصى عاوز يقتلك عم ابراهيم سمعه و هو بيتكلم فى التليفون و بيقول ان فيه ناس هتستناك بره علشان يقتلوك
حسام: اممممم...تمام هبقى اطلع من الباب الخلفى شكراً لتعب حضرتك
شيرى: ايه البرود اللى انت فيه دا هو انا بقولك هيعزمك على العشا انا بقولك هيقتلك
حسام بعصبية😠: ما يقتلنى و لا اولع و انا اهمك فى ايه ضميرك نقح عليكى فقولتى تيجى تحذرينى كتر خيرك شكراً يا ستى
أنت تقرأ
احْبَبتُ نَادِلُ المَطْعَم
Romanceاللى بيحب حد فعلا عمره ما بيتخلى عنه مهما كانت الصعوبات اللى هيقابلها تعالوا نشوف ابطالنا واجهوا الصعوبات ازاى و ازاى اتغلبوا عليها.