احْبَبتُ نَادِلُ المَطْعَم

الفصل الخامس عشر

فى مكتب شيرى
شيرى قاعدة فى مكتبها و حطها آيديها الاتنين على راسها
شيرى لنفسها: فعلاً كل الناس بقوا ماديين كل الناس بقوا بتوع مصلحتهم و بس

سام دخل مكتبها و قال: صباح الخير

شيرى بضيق: عايز ايه يا حسام

حسام: مش عاوز حاجه بصبح عليكى...مالك

شيرى: مفيش روح شوف شغلك افضل انا هروح المصنع

حسام مسكها من آيديها و قال: فيه ايه يا شيرى

شيرى بدموع: بقولك ابعد عنى بقى

حسام بإنفعال😤: بقولك انطقى فى ايه!؟

شيرى: عارف انت حسستنى بإيه حسستنى ان انا احقر انسانة واحدة قضيت ليلة معاها انبارح و خرجت تتسحب من عندى كأنك شاقطتنى مش متجوزنى دا خوفاً على مشاعر الهانم التانية

حسام: تانية مين و تالتة مين يا شيرى

شيرى: انت بتخونى يا حسام و اكتر غلطة عملتها فى حياتى انى اتجوزتك يا خسارة الحب اللى حبتهولك

شيرى زقت حسام و مشت و سابته فى ذهول تام

ليلى: رايحة فين

شيرى: المصنع

ليلى: اشطا لو حسام هجيلك اديله الورق خليه يبص عليه

شيرى دمعت: لا مش هيجيلى خشى اديهوله بنفسك

ليلى: شيرى انتى كويسه

شيرى و هى بتسمح دموعها: اه اه تمام انا هروح المصنع

ليلى دخلت على حسام و هشام و عمرآن

ليلى: حسام راجع الورق دا

حسام بضيق: حاضر

ليلى: حسام معلش فى السؤال هو انت و شيرى متخانقين

حسام: لا عادى شوية مشاكل عادية يعنى

ليلى: خلى بالك يا حسام من شيرى شيرى اتحطت فى مواقف كتير لوحدها و خصوصا بعد موت اونكل حسن بجد هى تعبت جداً فى حياتها و كانت الصدمة ليها لما مامتها اتجوزت الحرامى اللى اسمه عاصى و عاشت طول عمرها لوحدها بتحارب عاصى ارجوك استحملها

حسام: متقلقيش شيرى فى عنيا يا ليلى

ليلى: انا عارفة انك هتحافظ عليها و تحميها ربنا يهديلكم الحال يارب

حسام: يااااااارب
_______________________________
شيرى ماشية فى المصنع و بتمر على العمال

بركات: استاذة شيرى ازى حضرتك

شيرى: الحمد لله ازيك يا بركات

بركات: نحمد ربنا يا هانم

شيرى: اخبار الشغل ايه كويس و لا ايه

بركات بحزن: كويس يا هانم

شيرى: لو احتجت حاجه تعالى المكتب