" و شفايفها طعم الهيل .. و الليل ويه عيونها كلش ثگيل..👑❤ "..
چنت گاعد اگلب بالجهاز بالفيس مالتي ، صفنت شوي انوب صحت .
سيف : مرااام .. مراام!!
مرام : نعم؟!!
سيف : نعم الله ضلوعچ ..دخلت و شفتها ضايجة مطنگرة ، رفعت حاجبي انوب رجعت باوعت بجهازي .
سيف : سويلي چاي .
مرام : ليش ما تگل لسمر ؟؟ .. لو خدامتك اني ؟!بس هيچ حچت باوعتلها بسرعة و عگدت حواجبي ، هي خلت ايدها على حلگها و شردت بسرعة ، اكره كلامها هذا .. هي مو خدامتي بس شسوي بأختها اذا چنت عاشگها هي ؟؟
اخخ .. بس لو تفتهم يلي بگلبي چان باست الگاع .. بس يجي يوم و تفهم ..!
تصفحت انوب حسيت راسي كلش موتني راح ينفجر ، طفيت الجهاز و ذبيته بصفي على التخم .سيف : وينچ !!؟
مرام : حاضر اجيت بس ثواني !!
سيف : شگد فاهية خرب يومچ ..اجت و خلت الاستكان يمي و گعدت بصفي .. عرفت شغلتها مو خالية و ناويتلها على شي .
سيف : خير شكو ؟؟!
شلت الاستكان و باوعتلها بطرف عيني ، باوعت للگاع و جرت نفس انوب رجعت باوعتلي .
مرام : اريد اطلع ويه حسين ياخذني بالسيارة ..
اني گبل چبيت الچاي على الگاع و انكسر الأستكان ، هي گبل دنگت تلملم الگزاز يلي بالگاع صار و نزلت راسها ، اني رفعت راسي ليفوگ و سحبت شعري لورة .
جاي تطلع من الأستقبال و اني گلت بصوت عالي ..سيف : صبيلي غير واحد .. و طلعة ماكو !
طلعت و ضربت الباب وراها حيل ، اني شطت بس گلت خل تطير .. واذا ما عصبت و ضاجت ، مستحيل تطلع ويه حسين او كائن من يكون غيره .. اني اطلعها او ابوي اي .. حتى اخوها ما يتدنى منها .
ورة شوي دخلت سمر نضفت الگاع و بدون صوت ، باوعت لوجهها شفت عيونها مغورگة دموع ، عگدت حواجبي اني و استغربت .سيف : خويه سمر
سمر : ها سيف .. رايد شي ؟
سيف : اي ، تعالي اگعدي هنا .تركت المكناسة من ايدها و اجت گعدت يمي بس بعيد شوي ، باوعتلي انوب عدلت حجابها .
سمر : نعم خويه گلت رايد شي؟
سيف : اشوفچ ضايجة سمورة .. منو وياچ؟؟هي ابتسمت و گالت بصوت هادئ .
سمر : لا والله ماكو شي .. بس تدري محاضرات و ضغط .
سيف : هم صحيح .. لو هاي الزعطوطة تصير مثلچ و تفكر مثلچ .. ما تهتم لدراستها تريد بس تطلع .
سمر : اوف ، والله مليت من الحچي وياها ! .. يطب منا يطلع منا .هزيت راسي و اخذتلي صفنه ، تذكرت انو مرام هم مختنگة چنها ، فتحت الجهاز و باوعت على الساعة لگيتها الأربعة العصر .
أنت تقرأ
عشگ الذيب (👑باللهجة العراقية👑)
Romanceشنو ممكن يصير لو صار الرجال ذيب...؟ مزيج من الرجولة و الهيبة و الشراسة مختلطة .. زين ..... شنو ممكن يصير لو اختلطت الأنوثة بالكبرياء...؟ هنا راح يصير الجبروت تحت دقة خلخالها .. اجيتكم بقصة جديدة باللهجة الملكية العراقية 👑 و ان شاء الله تنال اعجابكم...