*مشكور ما قصرت .. عوضتني هواي ..
مخدتي چانت فارغة و انترست دموع ..
وين حلفانك ؟ .. و وين الايام الوياي ؟
من الله متخاف ؟ .. يالشعلت منذورك شموع ...💔*سيف :-
دخلت للبيت و اني گلبي يم مرام ، اول ما شافتني سمر بالباب سحبتني على صفحة .
باوعتلها مستغرب فشفت بيدها جهاز مرام ، فتحته و دخلت على التليگرام و دخلت على محادثة من رقم غريب .
اني من شفت الرسالة گمت افور من العصبية گلتلها و عيوني صارن بگصتي من العصبية .سيف : وينها ...؟
سمر : شوف سيف ، اعتقد هيه حتى ما تعرف منو هذا .. لأن اجت شوفتني الرسالة گبل و گلتلي ما تعرف الرقم هذا لمنو ؟
سيف : گتلچ وينها !!عصبت حيل و عطت بوجهها ، هي فتحت عيونها مصدمة ، عرفت هي طلعت للدوام لذلك اجيت اطلع وراها بس سمر لزمت ايدي .
سمر : الله يخليك سيف لا تسوي شي ! .. ترة اني أمنت بيك و گلتلك لا تخليني اندم !!.
وخرت ايدها مني و طلعت گبل لسيارتي ، حركت بين الافرع و نزلت من شفتها واگفة يم سامر السگط .
نزلت و بسرعة رحت صحت .سيف : مرااام!!
هي جفلت و ظلت تباوع بوجه سامر ، سحبها خلاها وراه و هي ختلت تحتمي بيه .
ولچ ااااخ يا حسافة !! .. تأمنين وره ظهر الغريب مني ..
رحتله دگ بوكسيات و سحبتها للسيارة ، دخلت و شفت شفايفها ترجف و وجهها صاير اصفر حيل .
قسم بالله يا مرام ... اذا طلعت عندچ علقه وياه لا اندمچ طول عمرچ ..!!وصلنا للبيت و سحبتها من ايدها حيل اجرجر بيها و ابوية يصيح و مي و مرت عمي خايفين كلهم .
محد وگف بعيني و لا احد تجرأ يوگف بوجهي ، تركت ايديها و سحبت شالها انزع من راسها .
لزمتها من شعرها جريتها حيل و هي تعيط و تبچي .مرام : الله يخليك سيف عوفني! .. والله العظيم هو وگف طريقي .. سيف عوفني دا توجعني!!
جريتها اقوة و عاطت هي حيل ، دخلتها لغرفة امي و شمرتها بالگاع ، رادت تفتح حلگها و اني گبل عطت .
سيف : اششش!!! .. لا تحچين ، اموتچ وحق ربچ!!
قفلت الباب و نزعت الحزام مال الزي ، لفيته على ايدي و تقربت منها و هي ميتة من الخوف و البچي .
سيف : لچ حقيرة تمشين ويه واحد سگط و تتراسلين وياه!!
هي فتحت عيونها مصدومة و رجعت ليورة من الخوف .
مرام : والله العظيم ما متراسلة وياه ! .. سيف دخيل الله عوفني والله ما مسويه شي!!
سيف : اني اشوفچ شلون توگفين بالشارع ويه واحد صاقط ..ضربتها بالحزام حيل و هي عاطت و ظلت تتوسل اتركها ، باوعت الها و احس ايدي انشلت .
عضيت شفتي و ظليت استغفر ، هي حضنت نفسها و ظلت تناشغ و مخلية ايدها على مكان الضربة .
انقهرت حيل بس العصبية عامية عيوني ، دنگت يمها و هي خافت اكثر .
أنت تقرأ
عشگ الذيب (👑باللهجة العراقية👑)
Romanceشنو ممكن يصير لو صار الرجال ذيب...؟ مزيج من الرجولة و الهيبة و الشراسة مختلطة .. زين ..... شنو ممكن يصير لو اختلطت الأنوثة بالكبرياء...؟ هنا راح يصير الجبروت تحت دقة خلخالها .. اجيتكم بقصة جديدة باللهجة الملكية العراقية 👑 و ان شاء الله تنال اعجابكم...