"الى عيناك السلام بحرب نظرات ..
فنظر عيناك سهام اخترقت فؤادي...❤"
مرام :-
گعدت و وخرت الوصلة من راسي ، فتحت عيوني و شفت ماكو احد يمي ، بطني توجعني من الجوع .
باوعت للساعة لگيتها بالتسعة بالليل ، اخذت نفس و گمت بدون حجاب نزلت جوة .
امشي على كيف لأن ما بية حيل ابد ، باوعت للمطبخ لگيت سمر تغسل بالمواعين ، ما حبيت احچي وياها ابدا .
توجهت للأستقبال و شفت عمي و حسين گاعدين هناك ، عدلت شعري بيدي و دخلت .
ابو سيف : ها بابا گعدتي ؟!
گعدت يمه و ابتسمت مجاملة
مرام : اي بابا .
ابو سيف : گالولي مصخنة و مريضة .. شلون صرتي هسه ؟!
مرام : الحمد لله يابه .. هسه احسن .
ابو سيف : الحمد لله بنيتي .. الحمد لله .
دخلت مرت عمي و باوعتلي بهدوء .
ام سيف : گومي بنيتي خل اسويلچ لگمة تاكليها .
هزيت راسي و گمت مشيت وياها على كيف ، دخلنا للمطبخ و گعدت اني على الميز مال الطعام .
مرت عمي ظلت تفتر منا و تجي منا .
ام سيف : شنو مشتهية ؟!
مرام : اي شي ماما ، رحم الله والديچ .
ام سيف : و والديچ بنيتي .
دخلت امي و ظلت تسأل بية على حالتي ، انوب راحت تساعد مرت عمي و اني بس صافنة .
خلن الأكل گدامي و اني بديت اكل ، صح چنت ميتة من الجوع بس من اكلت شوي و لعبت نفسي بعد .
غسلت و امي انطتني علاج و گلاصةمي دا اخلي بحلگي و دخل سيف للمطبخ ، باوعلي انوب باوعلهن .
عگد حواجبه و انطه السلاح لمرت عمي حتى تضمه يمها ، كل ما يخلص الواجب مالته تضمه .
سيف : شخيرچ ؟!
ام مرام : چانت مصخنة من اول ما راحت لغرفتها و ما ندري بيها .
هز راسه و نزل ينزع حذائه ، جر نفس و گال بصوت هادئ .
سيف : مرام .. ليش ما لابسة حجاب ؟
اني بقيت صافنة و گمت من مكاني ما جاوبته ، ما اريد اتعارك وياه هسه هم ، يلي شفته الصبح كافي .
صعدت لغرفتي طلعت شال خليته على راسي و رجعت نزلت جوة ، و اني دا امشي للمطبخ سمعت صوت سمر تحچي ويه حسين يمكن .
ما انتبهت لحچيهم بس من سمعت اسمي اندنيت يم الباب شويه بس قبل ما اسمع اي شي اجه سيف .
سيف : شعندچ يم غرفة امي ؟!
مرام : ما عندي شي ، عبالي هيه بالغرفة .
سيف : لا بالمطبخ يم عمتي .
مرام : تمام لعد اروحلهن ..
دا امشي اروح للمطبخ و هو لزمني من ايدي ، باوعت لأيده انوب باوعتله .
مرام : خير ؟!
سيف : خو ما بعدچ مريضة ؟؟
مرام : لا الحمد لله .. ما بية شي .
سيف : لعد .. خو ما بعدچ ضايجة ؟!
مرام : كل شي ما بية .. اترك ايدي .
هز راسه و ترك ايدي ، شگد چنت احترمه بس هسه كرهته ، دخلت للمطبخ و گعدت على الكرسي مال الميز مرة ثانية .
امي چانت تغسل بالمواعين مالتي و مرت عمي واگفة يمها يسولفن ، يمكن ما انتبهن الي .
اليوم تغيبت عن المدرسة و كل شي ما قريت ، باچر شلون اداوم ؟! .. حتى ما اعرف التحاظير .
تأفأفت و گمت ، خل ارجع جهازي من ست سمر حتى اخابر صديقاتي و اخذ الواجبات منهن .
حتى لو اسهر اليوم .. مو مشكلة .
أنت تقرأ
عشگ الذيب (👑باللهجة العراقية👑)
Romanceشنو ممكن يصير لو صار الرجال ذيب...؟ مزيج من الرجولة و الهيبة و الشراسة مختلطة .. زين ..... شنو ممكن يصير لو اختلطت الأنوثة بالكبرياء...؟ هنا راح يصير الجبروت تحت دقة خلخالها .. اجيتكم بقصة جديدة باللهجة الملكية العراقية 👑 و ان شاء الله تنال اعجابكم...
