رح أتكلم عن شغلتين بخصوص قصة بنانا فيش وبعتذر الكلام رح يكون طويل شوي.😅
أول شغلة هي موت آش، كثير ناس قالوا آش ما مات، في جزء ثاني، في حلقة رقم ٢٥...إلخ، لكن هاي مجرد إشاعات، أو خلينا نقول نظرية طلعت بعد الحلقة الأخيرة (من الصدمة هه💔) بس هي غلط وفعليًا آش مات في الحلقة الأخيرة.
لو شفتوا المانجا بتلاحظوا إنه آخر صورة فيها هي صورة آش وهو بالمكتبة، تمامًا نفس آخر مشهد في الأنمي، لأن الأنمي اقتبس المانجا كاملة بدون تغيير في أي أحداثها، حتى مشهد موت آش اقتبسه كامل من المانجا بدون زيادة أو نقصان، لهيك ما بنقدر نحكي إنه نهاية الأنمي بتختلف عن المانجا وأكيد في جزء ثاني والاستديو بدو يغير النهاية، لو بدهم يغيروا النهاية كان غيروها بوقتها (مثلًا تنتهي الحلقة عند وصول آش للمطار أو عند آش وإيجي وهم راكبين في الطيارة) لكنهم اكتفوا بنهاية المانجا.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهاي كمان أسباب ثانية:
أولًا، صحيح الطعنة ما كانت قوية بما إنه آش طول الأنمي وهو يتصاوب بالرصاص وما مات كيف يموت من سكين؟! بس العبرة مش بقوة الضربة هسا لو واحد جرح حاله وضل ينزف وما عمل إشي للجرح رح يتصفى دمه ويموت حتى لو كان الجرح بسيط بينما لو تصاوب برصاص وتعالج فورا رح يعيش، وآش نفس الإشي، هو ما حاول يوقف الجرح بالعكس آش قرر يستسلم للموت.💔
