كناري بصوت خافت :جود.. يا جود
لكن لا يوجد رد.. لتفتح عيونها.. وتجلس علي السرير.. وهي لا تزال في صدمه مما حدث معاها امس
لتتوجه نحو الباب وهي تنادي :جود... ماما يا ماما
انتو رحتو فين
لتسمع صوت اتي من ناحية البلكونه لتتوجه اليها
كناري بصدمه : إنت 😲...
تميم :ايه يعني ايه انت دي.. ثم ان ايه اللي حصلك دا يا استاذه امبارح... مش تاخدي بالك من نفسك اكتر.... خالتو قالتلي انك ماكلتيش اي حاجه امبارح علشان كده حصلك كده
لتنظر كناري الي والدتها بنظرة استغراب ومن ثم تقول :ماما هي جود فين
سوسن :راحت الكلية يا حبيبتي
كناري :ليه هي الساعة كام دلوقتي
سوسن :الساعة ١١
كناري :ياااااه انا نمت كل ده.... بس ليه مصحتنيش للكليه يا ماما...
سوسن :باباكي قال تريحي النهارده..
كناري :ليه بس كده يا ماما انا كان المفروض اسلم ابحاث مهمه النهارده
سوسن :خلاص يا روحي مجتش يعني من يوم..
كناري:ماشي خلاص انا داخله اوضتي ارتاح
ليقاطعها تميم يعني انا جاي علشان اشوفك وانتي تسيبيني وتمشي... لا كده مش عدل بجد
ويقف ويمسكها من يدها ويقول :تعالي دا انا عاوز احكيلك عن حاجات كتيره اوووي
لتنظر كناري الي يده لتري الدبله بحزن لتفلت يدها منه
كناري :معلش يا تميم بس انا تعبانه شويه... ومش قادره... خليها وقت تاني
ليقاطعها تميم :مفيش معلش.. ثم انتي لسه مفطرتيش والساعة بقت ١١ وكده مينفعش خالص
.. ثم انا كمان مفطرتش وقولت لماما اني هافطر معاكي... والا بقي انتي مش عاوزاني اكل عندكم
كناري :خلاص يا ماما حضري لتميم الفطار
سوسن :وانتي يا حبيبتي
كناري :لا يا ماما انا مش جعانه دلوقتي
ليقول تميم خلاص يا خالتو متعمليش حاجه انا مش هاكل من غيرها
كناري بغضب :خلاص يا تميم بطل شغل الاطفال... ايه العند ده
سوسن :خلاص يا كوكي كلي معاه معلش .. علشان دا مسافر إسكندرية كمان شويه.. ومينفعش يسافر من غير فطار
كناري :مسافر لخطبتك.... هي كان اسمها ايه...
تميم :ايوه مسافر علشان نحدد كتب الكتاب.. اسمها سلمي... ماهو انا كنت ناوي اعرفكم علي بعض اكتر بعد الحفله بس انتي تعبتي
