محسن :امال كناري فين يا جود
جود :دخلت اوضتها ترتاح شويه ياجدو... انت عاوزها في حاجه
محسن:ايوه عاوزها في موضوع
ليفتح باب الغرفه و ينصدمو بكناري التي تحمل سكين 😳
جود بصوت عالي :كناااااااري 😱😱
محسن:انتي مجنونه.... عاوزه تموتي كافره
كناري بصدمة :في ايه مالكم.. انا مش فاهمه
ليشير محسن للسكين :وايه دي
كناري بابتسامة :ااااااه.. لا لا انتو دمغكو راحت لبعيد..
لترفع يدها الاخري التي كانت تمسك بها تفاحة:انا كنت عاوزه اقشر دي بس.... مش اكتر... وبعدين يا جدو انا مش ضعيفه اووى كده علشان انتحر
ثم تنطق بمزاح:ثم انا لما انتحر مش هانتحر بسكينه ودم... لااااا دا انا هانط من البلكونه علي طول
لتصفعها جود بمزاح:لا يا بت خفيفه... دمك يلطش علي فكره
لتضحك كناري بصوت عالي.... :بتخافي عليا يا بيضه... لا لا متخفيش.... اختك قويه يا بت....
لتضمها جود:اموت انا في القوي... ها يا جدو كنت عاوز الرخمه دي في ايه...
كناري :ايوه يا جدو صحيح دا انا اللي كنت عاوزاك
... اتفضل..... دي الاسوره بتاعت تيته.... باين كده وقتها لسه مجاش..... اتفضل
محسن :لا انا مش هاخدها.... خليكي لبساها.... انا متفائل خير بيها وحاسس ان نصيبك جي قريب..... وبعدين خليها معاكي... مين عارف يمكن مكنش معاكي وقتها....
كناري وجود بغضب :ليه يا جدو بتقول كده... ربنا يديك الصحة...... وان شاء الله تجوزها وتجوز اولادها كمان
محسن :يلاااا بقي اسبكو تنامو ليغلق الباب خلفه
جود :هااا. هتعملي ايه يوم الخطوبه تتحججي بيها علشان متروحيش الخطوبه
كناري:ومين قالك اني مش هاحضر.... دانا هاحضر وهاحضر كمان...... ايه شكلك نسيتي اني اخت العريس... معقول اخت العريس متحضرش
جود :بتهزري... صح.... كناري انتي ايه اللي بيدور في دماغك..... ايوه انا عاوزاكي قويه.... بس انتي مش هتتحملي اللي هيحصل... انتي ناسيه دي خطوبه مين.... دا تميم وهيخطب سلمي مش انتي....
كناري:ايه يا بنتي... مانا عارفه... يلااا يلااا خلينا ننام.. علشان بكره عندي محاضرات يااامه بشكل
ليذهب كل من في البيت في ثبات عميق
في الصباح
جود :هي الساعه كام
كناري :صباح الخير يا كسلانه... يلااا يا جود اصحي بقي الساعه ٨ونص..... انا ماشيه مش عاوزه حاجه مني
