أمنيه:السلام عليكم 😒
جات قعدت جمب أديم
اديم:و عليكم السلام شايفك متظبطه جيتي من وين
أمنيه:اي والله لكن مافي حاجه مهمه بس كنت مع صحباتي و يا دابي جيت 😰
_:راحات و طلعات و جيات و سفرات لا شغل ولا حاجه 😏
_:واااي فاتتك سفره سافرت اوربا لا عارفه اتكلم عن الجو ولا عارفه اتكلم عن الاوروبيين البنات الوروبيين و شعرهم الاشقر دا واااي يردوا الروح 😍
_:عااارفك قاصده شنو مرتي مكفياني عندك كلام تاني
_:انت بس غير مرتك ما عندك زول نحن ولا شغال بينا الشغله ولا جايب لينا خبر و برضو ما شاء الله شايفاك برنامج آزار خليته 😍
❤❤❤❤❤❤❤❤❤❤❤❤❤❤❤❤❤
زهر كانت بتكتب و تتكلم مع إباء
زهر:طيب يا إباء حا اعمل ليك اختبار في الدرس القريته ليك المره الفاتت انتي عافه كمان بكره عندك امتحان عايزاك تقفليه عشان ابوك ما يقول عن استاذتك ما بتعرف تقري طيب
زهر رفعت راسها عاينت لي إباء لقتها سرحانه و ما جايبه خبر للكلام الهي بتقول فيه
زهر:إباء يا إباء هيييي إباء
إباء رفعت راسها بي خلعه
زهر:قاعده اتكلم معاك لي ساعه بتونس مع منو مالك سرحانه في شنو بتفكري في شنو
إباء:بفكر في بابا 😟
_:نحن قلنا شنو قلنا ان شاء الله يومين و ابوك يطلع بالسلامه 😊
_:كيف حصل ليه الحادث دا الضربه منو
_:ما شفته يا إباء 😟
_:طيب ليه ما شلتي رقم العربيه
_:كل حاجه حصلت بي سرهعه ما قدرت اعمل حاجه هسه انا ما عايزاك تفكري في المواضيع دي طيب
إباء هزت راسها بمعنى طيب
زهر:اهم حاجه انه بابا قام بالسلامه و ما عنده حاجه كلها يومين و حا تلقيه معاك في البيت هسه عايزين نركز هنا
اشرت على الورق
إباء هزت راسها بنمعنى طيب
زهر:طيب
إباء:طيب 😊
_:بكرا امتحانك انتي موش عايزه بابا يفرح
_:اي 😊
_:لازم تشدي حيلك في الامتحان و بكرا بتجيبي درجه حلوه طيب
_:طيب 😊
_:طيب خلينا نشوف السؤال الاول انتي حا تحليهم طيب
_:طيب 😁
_:يلا السؤال الاول مشتقات النفط
إباء بدت تكتب
زهر:صاح 😊
إباء مواصله
زهر:شاطره طيب كيف بنولد الكهرباء
إباء فكرت لي ثواني و فجأه قالت:اتذكرت 😁
و بدت تكتب
زهر:طيب الطماطم فاكهه ولا خضار
إباء ما عرفت
زهر:اها السؤال دا ساهل 😳
إباء مدنقرة في الورقه و بتضرب بالقلم في راسها
زهر:إباء 😳
إباء رفعت راسها
زهر:الليله مالك
إباء:قاعده افكر 😟
و ختت القلم
زهر:بتفكري في شنو
إباء:قاعده افكر في ماما 😟
_:مالها امك
_:الجات المره الفاتت ديك بالجد امي
_:اي بالجد 😳
_:من زمان ما شفتها انا ما بعرفها انا ما شفتها و هي ما شافتني 😟
_:ما مشكله حبيبتي اعتبريني انا امك اي حاجه عايزة تقوليها دقي علي انتي موش عندك رقمي
إباء هزت راسها بمعني اي
زهر:في اي وقت حسيتي نفسك عايزة تتونسي او محتاجه امك اتكلمي معاي طيب
إباء:طيب 😊
_:هسه لازم نحن نركز هنا 😰
اشرت على الورق
زهر:طيب
إباء:طيب لكن يعني شنو اذا بقيتي امي بالجد و عرستي بابا 😟
❤❤❤❤❤❤❤❤
أمنيه كانت بتتكلم بالموبايل
أمنيه:اها انتوا وين
...........:.....
_:في القهوة
........:_
جا يمان داخل و هي ما شايفاه
أمنيه:اي جايه جايه لمن اطلع من البيت حا ادق عليك يلا باي باي
و دخلت الموبايل في جيب البنطلون ااوراء و هو بنطلون جينز
يمان:على وين
أمنيه:ما عندك شغله 😒
_:كيف يعني ما عندي شغله
_:كل حاجه بتخصني ما بتخصك على فكره اها لو قلت ليك طالعه مع صحباتي حا تسوي شنو
_:و انتي حياتك كلها طلعات لحد متيم خلاص 😰
_:يعني اقعد في البيت اعاين لي وشوشكم ولا كيف عايزة اطلع 😤
_:قبل شويه طلعتي 😰
_:طيب حا اطلع تاني يعني شنو مافي زول يتحكم فيني 😡
_:كيف مافي زول يتحكم فيك ما عندك اهل انتي هسه
_:لا 😎
_:طيب ليه ساكنه معانا
_:على كيفي لانو عندي وراثه في البيت صاح ولا لا
_:ياخ اسكني بره البلد و ريحينا 😤
_:هو انا لو بقدر كان سكنت لكن ال....
عملت بي يدينها حركه تدل على القروش
يمان:انا لو بي يدي كان اتبريت منك
أمنيه:اها
_:وديتي القروش وين
_:سفرات و ونسه و طلعات و جيات و كدا خلصت الوراثه 😎
_:طالعه مع منو
_:كم مره اقول ليك
_:منو
_:صحباتي 😤
_:اي صحباتك ديل منو
_:و انت الدخلك شنو راجلي ولا حبيبي ولا ولدي ما عندك شغله بي 😡
_:دقيني عليك الله 😳
ضربته في كتفه
أمنيه:اها دقيتك ما منك فايده حتى القروش ما عايز تديني 😤
يمان مسك ليها يدها بي قوه
أمنبه:يدك ما تمدها والله امشي ابلغ عليك و اطلع فيك خمسه الف مصيبه يلا ما عندك شغله فيني 😡
فكت يدها بي قوه و مشت خلته واقف و هو ماسك المكان الصربته فيه لانها ضربته في يده المكسورة
❤❤❤❤❤❤❤❤❤❤❤❤
يمان كان بتكلم بالموبايل مع زهر و فاتح الاسبيكر
يمان:اهلين يا زهر كيفك
زهر:اهلين و سهلين الحمدلله والله 😊
_:كيف البت معاك
_:الحمد لله والله بتك مافي زيها 😊
_:فاهمه الدروس
_:الحمدلله ماشه كويس و فاهمه و حا تشوف النتيجه 😊
_:يلا الله يبشرك ان شاء الله 😊
_:بس مالك كانه صوتك متغير 😕
_:والله محتاج لي زول اشكي ليه بس ما اعتقد زول يفهمني المشاكل الفي البيت كتيره و دايماً بتكلم مع نفسي على امل اني احلها 😟
_:كل مشكله عنها حل يا يمان بعدين انا معاك طيب رايك شنو نمشي للكافيه الاول مرة شفتك فيه نقعد نشرب لينا حاجه و نتونس 😊
_:طيب خلاص حا اقعد معاك هناك 😊
_:يلا تمام بس اجهز و نطلع 😊
_:طيب يديك العافيه 😊
_:باي باي 😊
_:اسف على الازعاج 😅
_:لا لا والله مافي اي ازعاج 😊
_:ما اكون اخدت من وقتك كتير 😄
_:لا لا عادي 😊
_:يلا يديك العافيه خلي بالك من نفسك 😊
_:ان شاء الله يلا 😊
_:باي 😊
_:باي 😊
و قفل الموبايل و زهر مشت تجهز
❤❤
اديم:اها عملت شنو الليله في القرايه
عاصف:قريت صفحتين و بعدها لعبت ببجي 😅
_:يا ولدي خلي اللعب دا لكن اللعب ما منه فايده اقرا على فكره في حاجات بتستمتع بيها لمن تقرا شوف تاني كل ما تجيب درجه حلوه حا اوديك اي مكان انت عايزه انت و اصحابك 😊
_:يعني انت يا ابوي عايزني انجح
_:اكيد 😊
_:شكراً على اهتمامك يا ابوي 😍
_:انت عايز تبقى شنو
_:دكتور 😁
_:و انا حا اساعدك 😊
يمان جا داخل
يمان:انت رايك شنو يا عاصف
عاصف:كلام بابا صاح
_:ايوا صاح و انا و بابا و ماما حا نساعدك عشان تبقى دكتور
يمان باس راس اخوه و مشى
❤❤❤❤❤❤❤❤
زهر كانت قاعده مع صحبتها
فدوه:سرحانه في شنو
زهر:والله ما عافره اقول ليك شنو بتتذكري مان
_:اي
_:ياخ الزول دا شخصيته قريبه قاعده احاول اتقرب منه عايزه افهمه بس كل يوم بفهم حاجه جديده
_:شكلك حبيتيه
_:ياخ حب شنو لكن هم مروا بي ظروف كتيره انتي ما عارفاها فاضطريت اني ادخل في حياته
_:و انتي الدخلك شنو بتقريه ولا بتقري بته
_:اي بقري بته لكن هو شخصيه جذابه يعني مرات بحسه مهتم و مرات سرحان ما عارفه ما عارفه حتى لو حكيت ليك ما حا تفهميني
_:لا واضح انك بتحبيه
_:ياخ حب شنو بعدين انا كان حبيت احب يمان بعدين على فكره يمان ما بحب البنات
❤❤❤❤❤❤❤❤❤❤❤❤❤❤
زهر و يمان كانوا في الكافيه
يمان: بعد شلنا وراثه ابوي و هي اليوم كله بتطلع
زهر:هي صغيره و محتاجه زول يتابعها و ينصحها لانو هي صغيره
_:حاولت انصحها و اتكلم معاها بس مافي فايده
_:الله يهديها اها تاني المضايقك شنو
_:بتي اكتر حاجه مضايقاني يعني انا حاسي انها عايشه في فراغ و انا ما قادر اسد الفراغ دا دايما بتقول لي انا محتاجه ام ماما وين و صراحه ما بقدر اقول لي عن المشكله الحصلت بيني و بين رافه
_:طبيعي يا يمان يعني البت صغيره و في الفتره دي هي محتاجه للام شديد
_:براك قلتيها لكن وين الى ليها ام وين القى ام كويسه
_:ما عشان انت مريت بي تجربه فاشله تخت في بالك انه كل البنات زي بعض
_:والله اغلبيتهم كدا يدخلوا البيت يجوطوه و يجوطوا نفسيتي انا برضو 😤
_:اصابعك ما زي بعض بتلقى الكويسه و بتقلى الكعبه يعني لازم تتعرف على وحده تحس انها بتفهمك و قريبه منك 😊
_:يا زوز انتي ما كل البنات زيك انتي شخصيتك نادرة و قويه و ما شاء الله عليك بتهتمي و بتتحملي مسؤوليات اكبر منك يعني حتى بتي حبتك بتي نادر انها تحب زول مع اني معلمها ما تحب البنات يعني تعاملك معاها حلو شديد 😊
_:و تاني 😅
_:متواضعه يعني ما عندك الدلع حق البنات المسيخ داك و متفائله يعني اكتر شيء حبيته انك بتفهميني ما انا بس حتى بتي مالك خجلتي
_:لا ما خجلت 😅
_:مالك خجلانه انا بتكلم جادي على فكره
_:ما عارفه كل ليك شنو لكن طالما انك شفت فيني كل الصفات دي فمعناتها ما كل البنات نفس الشيء 😊
_:هو صاح لكن انا صعب القى بت زيك لكن الصراحه انا ما محتاج يعني انا شايف نفسي مكتفي يعني اذا عرست بعرس عشان بتي محتاجه ام بس 😕
_:ما صاح يا يمان كل واحد فينا محتاج لي طرف تاني يعني انت لو ما متضايق و محتاج لي زول تشكي ليه ما كان رفعت الموبايل و اتكلمت معاي و خصوصاً بتك في العمر دا محتاجه لي زول يهتم بيها 😕
_:انا بقدر اتحمل مشاكلي بي نفسي لانه انا عارف نفسي قوي لكن برضو إباء محتاجه لي ام زهر انا حا افتش ام لي بتي 😊
بحبكم😘
