يمان كان بتكلم بالتلفون
يمان:لا ما شاء الله شادن
...............:....
يمان:بتعرف تشتغل
..........:....
يمان:والله صدمتني
...........:....
يمان:غيرت صوره البنات في نظري
....................:....
يمان: لا ما شاء الله عليها ذكيه
....................:....
يمان:و من جات الارباح اتضاعفت
...................:....
يمان:انت عينك دي وقعت عليها وين
....................:....
يمان:انا لمن قابلتها كانت واثقه من نفسها
.............................:....
يمان:طلعت فعلا قدر كلامها
................:....
يمان:والله البت تستاهل ذكيه
....................:....
يمان:احسن موظفه شفتها
.............:....
يمان:ما عنده شغله انا هسه اتاكدت انه بت ولا ولد كلهم نفس الحاجه
.............................................:....
يمان:اي
...:....
يمان:ماشي ان شاء الله انا بتفاهم معاه
...........................:....
يمان:يلا يديك العافيه
قفل و بعدها طوالي اباء جاتو جاريه و نطت نطه جمبو في الكنبه و شايله ورقه و قالت:بابا 😀
يمان:خير 😀
قبلت عليه الورقه عشان يشوفها
يمان:النتيجه
اباء:اي 😁
يمان:ما شاء الله ممتاز 😀
اباء:اي 😁
يمان:الف مبروك 😀
بعدها عاين كدا مسااافه و فجأه قال:علوم 😳
و عاين لي اباء قلمت هي ضحكتك
يمان:اعلى حاجه العلوم
اباء:اي 😁
يمان:ما شاء الله عليك كنتي راسبه في العلوم و هسه جبتيه اعلى حاجه يا ربي ليه
اباء:استاذتي 😊
يمان:ااا 😊
اباء:بتعرف تقري 😊
يمان:اي تستاهل والله هسه خلي نتيجتك عندي و انسي هموم القرايه كلها حا اطلعك احلى مكان 😀
اباء:و معانا استاذتي زهر 😁
يمان:امبارح اليوم كله قعد اتصل عليها و ما بترد فااا يعني يمكن ما تطلع معانا عادي
اباء:لا بتصل عليها بي تلفوني 😊
يمان:خليني اجرب اتصل عليها اخر مره 😕
اباء:اذا ما ردت بتصل عليها بي تلفوني 😎
عاين ليها كدا قامت هي قال ليهو:حا تطلع معانا بالغصب 😑
بعدها هو رفع التلفون عشان يتكلم
اباء: و اذا ما طلعت معانا ما حا اطلع 😒
يمان نزل التلفون و قال:ما ردت ما عارفها موضوعها شنواتصلي عليها بي تلفونك 😑
اباء مسكت تلفونها و اتصلت اداها جرس بعدها قالت:يمكن ترد 😟
يمان:اديني انا اتكلم معاها
قامت ادته التلفون و هو مسااافه خاتيه في اضانه ابت ترد قام ختاه ليها في اضانها و قال:لي هسه قاعد يرن ما بترد ما ممكن نحن نخلي طلعتنا عشان استاذتك خلينا هسه نحن نمشي و بعدها نشوف زهر يمكن تعبانه ولا مشوغوله انتي ما عارفاها 😊
اباء:طيب ليه ما بترد
يمان:والله ما عارف علمي علمك 😕
اباء:زعلانه
يمان:والله ما عارف 😕
اباء:زعلانه منك
يمان:والله ما عارف زعلانه ولا لا يا اباء يلا نطلع؟يلا خلينا نطلع و بكره تاني نطلع مع زهر 😊
اباء:يلا 😊
يمان:شاطره 😄
اباء: و اذا بكره ما ردت
يمان:ان شاء الله ترد 😊
هزت راسها
يمان:يلا 😊
و قاموا مشوا
❤❤❤
مشوا شارع النيل و كانوا بيتمشوا و هم ماسكين يدين بعض
يمان:رايك شنو في الجو بس
اباء:حلو 😊
يمان:رايك شنو في الطلعه
اباء:ما فيها حاجه عاديه يعني لكن حلوه 😊
فجأه اباء وقفت
يمان:اها 😕
اباء:بابا 😁
يمان:اها 😕
اباء:نصور سناب 😁
يمان:تصوري سناب
اباء:اي 😕
يمان:يلا صوري 😊
اباء:يلا 😊
و رفعت التلفون
اباء:هسه طلعت مع بابا
قالت لي ابوها بصوت واطي:قول معاي
يمان:طلعنا انا و بتي و فرحانين و الجو حلو شديد رايك شنو يا اباء فرحانه
اباء:طلعت مع بابا بطلعني و يدلعني و يسزي لي اي حاجه دايراها
يمان:اذا ما بدلع بتي ادلع منو
و قفلت التلفون
يمان:زهر رجعت ليك
اباء:لا ما رجعت اتصل عليها
يمان:يعني تتصلي تاني
اباء:اي 😀
يمان:يلا اتصلي 😕
اباء:يلا 😊
و فتحت تلفونها
يمان :يمكن ترد هسه 😕
اباء اتصلت
اباء:هدي ردت 😳
يمان:صحي
اباء:اي 😀
قام يمان شال منها التلفون
يمان:هلا زهر 😊
زهر:نعم انت عندك وش كمان تتصل خير داير شنو انا من عرفتك لحد الليله ما بتوظف بنات ليه يعني بس دي طاير فيها
يمان:طولي بالك 😕
زهر:اي ما شاء الله بقت تستاهل تستاهل طلعه كمان 😒
و قعد تنقنق و هو بحاول يهدي فيها بس مافي فايده
في نص الكلام قالت:اي و فوق دا كله ترد على مكالمتك الخاصه 😒
يمان:ردت عليك منو الرد عليك
زهر:عاين ما تقعد تتعابط و تسوي نفسك ما عارف 😡
يمان:والله ما عارف 😩
زهر:لا عارف ما تقعد تلف و تدور انت آخر انسان اتوقعت انو هو يكذب علي 😒
يمان:انتي بتقولي في شنو
زهر:اصلا كل شيء واضح اول شيء طردتني من المكتب عشانها و تاني مره هي ترد على تلفونك ليه هي ترد على تلفونك
و قعدت تنقنق و فجأه قفلت التلفون في وشو
اباء:اها قالت شنو
و شالت منو التلفون
يمان:والله زهر ما عارفها مالها شكلها فهمتني غلط 😞
اباء:ليه
يمان:والله ما عارف انا سويت شنو 😞
اباء:ارجع ليها
يمان:لا ما تتصلي عليها انا ان شاء الله بكره او بعد بكره بتكلم معاها 😞
اباء:طيب 😊
و كملوا مشيهم
❤❤❤
بعد كم يوم يمان قال لي شادن انو يتلاقوا في شارع النيل و فعلا مشوا
شادن:هلا يمان 😊
يمان:الحصل شنو بينك و بين زهر
شادن:اوووف يمان 😤
يمان:الكلام السمعتو صاح شايله تلفوني و راده عليها و انا ما عارف
شادن:يوسف...
قاطعها و قال:كيف تشيلي حاجه ما حقتك دي خصوصياتي ليه تشيلي تلفوني و تردي عليها منو الأداك الإذن عيب على فكره قاعده تحاولي تفرقي بيني و بين زهرليه تردي عليها ليه ما استأذنتي ليه ما قلتي لي انك رديتي عليهامالك اتكلمي 😡
اترددت مسافه و فجأه قالت:يمان انا بحبك افهمني انا و لتت نفس الشيء انا ما بقدر القى شخصيه زيك انا حياتي كلها ما حبيت زول ولا قدرت القى راجل زيك انت شخصيتك قويه و عندك هيبه و حركاتك زيي و شخصيتك قويه زيي و بنتشابه شديد 😕
يمان:لكن برضو ما رديتي على سؤالي الحصل بينك و بين زهر شنو لمن شلتي تلفوني و رديتي عليها قلتي ليها شنو
شادن:انا قاعده اقول في شنو و انت بتقول في شنو بادلني الشعور قول لي انك بتحبني 😰
يمان:شادن 😡
شادن:يمان 😰
يمان:ماشي نتكلم في الموضوع دا بعدين الحصل شنو بينك و بين زهراتكلمي قلتي شنو لي زهر هي ليه معصبه يوم كامل ما بتردشنو الكلام القلتيه ليها
شادن:يعني هسه زهر هاماك قدر داعلى فكره قتلتني بي زهرجايانا الشركه تقول حبيبي و حبيبتك و كلام فارغ دا شنو الكلام داهي اصلا منوهسه تكون ملاقيها في الشارع هي مصدقه نفسهاو ما عارفه نفسها دايره شنواول مره تشوف ليها راجل و حبته 😒
يمان:انتي بتقولي في شنو
شادن:دا الحصل 😥
يمان:الحصل شنو الكلام القلتيه ليها شنو قلتي شنو لي زهر
شادن:ما مهم قلت ليها شنو زهر وحده بتلعب عليك ما عارفه نفسها عايزه شنو وحده غبيه فقيره اقول ليك شنو
يمان سكت قامت هي قربت منو و قالت:اتذكر دي لاقيها وين اتعرفت عليها وين بقص يدي اذا ما لاقيتها في الشارع(بتتذكروا لمن لاقاها جمب البحر و كان عايز يديها مفتاح عربيتها)لمن قالت كدا يمان بدا يتذكر هو لاقاها وين
شادن:من الاشكال دي بس بتلقلهم في الشارع والله بتلعب عليك شوفني انا الناقصني شنو عمري ما اعتمدت على راجل اول مره احب اول مره اسمع نفسي و افكر في حاجه غير الشغل انا انسانه طموحه انسانه دارسه متعلمه مثقفه ليه ما بتشوف دا كله ليه ما بتقدر تشوفني انا الناقصني شنو و البنات الزي ديل انا بعرفهم ديل بنات شوارع اكيد عامله حركه ولا عامله شيء مخلياك تلحقها لمن وقع المفتاح منها يمكن تكون موقعاه قاصده بس عشان تلحقها والرجال ما بعرفوا يسووا شنو بس الواحد طوالي يلحق البت 😰
طوالي يمان مشى خلاها واقفه
❤❤❤❤❤❤
يمان اخد الخطوه البعدها و قال لي زهر تلاقيهو في شارع النيل برضو تقريباً كدا في نفس المكان المشوا ليهو هو و شادن و فعلاً مشوا
زهر:خير ما خليت رساله واتساب ما رسلتها ما خليت تلفون ما اتصلت بيهو و بعدين معاك و يا ريت لو عندك عذر انا عشان العشره البيني و بينك قلت اديك فرصه اسمعك الليله 😰
يمان:زهر حاولي تفهميني انا بشرح ليك الحصل و حاولي افهميني 😩
زهر:سامعاك 😰
يمان:والله انا كنت خاتي تلفوني و مشيت اطلب قهوه و رجعت قمت شفت المكالمه في التلفون 😩
زهر:ما شاء الله و معينينك تجيب الطلبات للناس
يمان:لا يعني واحد قاعد يطلب قهوه مشيت اطلب القهوه و رجعت لقيت منك المكالمه ما انتبهت لي انها ردوا عليها كنت قايلها مكالمه فائته والله ما كنت عارف انها ردت عليك 😩
زهر:هي الدخلها شنو عشان ترد
يمان:صاح معاك حق انا واجتها و كلمتها و قلت ليها لي تردي ما كان عندها عذر بس دا الحصل ما انا القلت ليها ولا انا الخليتها ترد ولا اتعمدت انها تسوي الحاجه دي ما كنت عارف والله ما كنت عارف
😟
زهر:و طردتك لي في المكتب دي موضوعا شنو
يمان:والله ما كنت قاصد اني اطردك كان عندنا شغل و كنتي قاعده تزعجيني كنت قاعد اتفاهم معاها على المناقصه و على حاجات كتيره 😕
زهر:حتى و لو ما تطردني قداما 😡
يمان:انا آسف والله طلعت مني بدون ما اقصد زهر حاولي تفهميني والله الضغط علي زايد و انا ما كنت عارف انو هي راده عليك فهمتي القاعد اوصلو ليك
زهر:انت عارف قالت لي شنو لمن ردت علي
يمان:قالت ليك شنو
زهر:كلام كتير و حسستني شديد انو البينك و بينا كبير شديد و واثقه منو لا و كمان قافله في وشي ها؟قافله التلفون في وشي 😰
يمان:قالت شنو فهميني قالت شنو 😤
زهر:هي متعمده ترد و قاصده كل كلمه هي قالتا 😤
يمان:قالت شنو
زهر:قاعده تغيظني قالت لي (قلدت صوتا نظام شادن بتدلع):انا و يمان قاعدين في كافيه...
يمان:اي طيب هي ما قالت حاجه غلط نحن بالجد طلعنا...
برضو قاطعتو و قالت:الأسلوب بفرق يا يمان 😤
يمان:عاد انا ما بعرف لي مواضيع البنات دي انا ما كان قصدي اني اتعبك و اضرك و اضايقك 😩
زهر:عايزني اسامحك
يمان سكت مسااافه تاني صلح قعدتو و هو بقول:اي 😰
زهر:تطردا 😒
يمان:كيف اطردا
زهر:تطردا 😳
يمان:انا ما عندي شغله بي شخصيتا البت موظفه نشيطه بتشتغل صاح 😊
زهر:ما شاء الله 😒
يمان:الربح عندنا قاعد يتضاعف 😄
زهر:اي هسه بقت هي الموظفه هي النشيطه هي الذكيه و هي البتعرف تشتغل من متين
يمان:حاولي تفرقي بين شخصيتا و الشغل..الشغل شغل..ما ليهو دخل بي شخصيتا..شخصيتا معاك شيء تاني في الشغل ملتزمه بتداوم في الوقت الخاتنو ليها لحد نهايه الدوام لا و زياده كمان و ما شاء الله الأرباح قاعده تتضاعف زي ما قلت ليك 😃
زهر:ما شاء الله شايفه كلامك كلو اتغير وين الكلام الزمان ما بعين بنات البنات ما طلع منهم شيء ما بشتغلوا هسه الاتغير شنو
يمان:دي يا زهر اثبتت حاجه عكس البنات 😊
زهر:اي صاح 😒
يمان:دي قاعده تثبت حاجه انا عمري ما شفتها 😕
زهر:صاج قاعده تثبت حاجه انت ما قاعد تشوفا لي هسه واضح انو هي قاعده تتقرب منك قاعده تخش بيني و بينك انت ما حاسي 😡
يمان:مع نفسا انا اهم شيء عندي شغلي..شغلي يمشي و خلاص حبتني ما حبتني اتقربت ما اتقربت دا ما بهمني هسه انا اهم شيء عندي الشغل يمشي 😰
زهر:طيب 😊
يمان:افهميني 😰
زهر:انت ما سالتها هي لي ترد علي سالتها ولا لا
يمان:سالتها بس ما لقيت جواب 😐
زهر:يعني شنو ما لقيت جواب خلاص طيب انت قلت انو هي ما هاماك خلاص انت ما عندك شغله بي نيتا صاح ولا لا
يمان:صاح 😕
زهر:تواجهني و قدامك عايزه الكلام يطلع 😏
يمان:عايزه تشوفيها
زهر:اي 😏
❤❤❤
يمان جمعم الاتنين و كان مهاهم في نفس المكان الاتلاقوا فيهو هم التلاته و كانوا زهر و شادن مقبلين على بعض و هو في النص
زهر:راده على تلفونو
شادن:ااا 😓
زهر:لي راده على التلفون هو اذن ليك سمح ليك من ضمن شغلك عندو كسكرتيره قال ليك تردي على مكالماتو الخاصه
شادن قبلت وشها من زهر قامت زهر قالت ليها:عايني لي قاعده اتكلم 😡
شادن رجعت قبلت عليها
زهر:اذن ليك تردي على التلفون ولا شنو
شادن:اها و بعدين
زهر:شنو البعدين ردي علي 😡
شادن:يمان دي مالا
يمان كان داير يتكلم لكن زهر سكتتو لمن قالت:انت ما تدخل 😡
بغدها رجعت لي شادن و قالت ليها:السؤال واضح حبيبتي ولا انتي مخك مقفل ما فاهمه قاعده اقول في شنو لي راده على تلفونو
شادن:راده و بعدين
زهر اشرت على يمان و قالت ليها:دا حيطه ولا شنو شايفاه شنو قدامك طرطور لي راده على تلفون هو ما عنده يد يرد على تلفوناتو
شادن:بسوي الدايراهو الراجل راضي انتي مالك
زهر:ما تكوني مرتو و انا ما عارفه حبيبتي على فكره انتي سكرتيرتو مسويه مقلب في نفسك و شايفه نفسك على شنو
شادن:و منو الجات المكتب و قالت انا حبيبتو وهو حبيبي
زهر:عايني يمان ما عندو شغله في الموضوع دا سامع يا يمان ما عندك شغله 😡
يمان:انتي قلتي كدا
شادن:اي قالت 😏
زهر:ما عندك شغله يا يمان دا ما موضوعنا هسه 😡
شادن:اها 😒
زهر:انتي بس دايره تلخبطي الكلام و خلاص
شادن:هسه انتي شايفه نفسك على شنو حبيبتو و ما حبيبتو هو قال ليك بحبك اصلا
زهر:ما عندك شغله انتي اصلا ما عارفه البيني و بينو و نحن كنا شنو مع بعض 😡
شادن قبلت على يمان و قالت:انتوا في بينكم شيء
يمان:مافي بينا شيء..
قاطعتو زهر و قالت:ما عندك شغله انت ما ترد لي تتكلم انا هسه قلت ليك تجيب عايزه اتكلم معاها انت ما تدخل 😡
يمان:خلاص اتكلمي معاها 😰
شادن:الراجل عندو حق يتكلم 😑
زهر:انتي ما عندك شغله انا بتكلم معاك انتي هو ما يتكلم انت اسكت البيني و بينو انتي ما عندك شغله فيهو انتي شوفي شغلك حبيبتي انتي جايه تتوظفي ولا جايه ترتبطي
شادن:الزمي حدودك لي هنا و بس 😡
زهر:انا لازمه حدودي و محترمه نفسي قبل ما اشوف اشكالك 😡
شادن:لا والله انتي اصلا انسانه ما محترمه من ساعه دخلتي المكتب و كلامك كلو قله ادب 😡
و قعدوا ينقنقوا
يمان كان داير يهديهم قامت شادن قالت ليهو:يمان شوف ياخ دي شنو الآدميه دي
تاني قعدوا ينقنقوا
يمان:يا زهر انتي جايه تتكلمي معاها ولا تتشاكلي معاها
زهر: ما عندك شغله 😡
و رجعت لي شادن و قالت:شنو انتي كل شويه يمان يمان على بااك المره ديك عشان طردني المره دي برضو حا يدافع ليك لا حبيبتي طردني عشان كان عندو شغل لكن بره الشركه شيء تاني و على اي اشاس كل شويه ناطه لي يعزمك و تعزميه بره الدوام
شادن:والله انا على كيفي اعزمه يعزمني انتي ما عندك شغله
زهر:لا عندي شغله 😡
شادن:ما بتبقي ليهو و مافي بينكم علاقه و ما بحبك 😏
زهر:ما عندك شغله الموضوع دا ما ليك فيهو دخل 😡
شادن:انتي راميه نفسك فيهو 😒
يمان:بس ما عايز اسمع الكلام دا خلاص 😰
زهر:انت صوتك ما عايزه اسمعو ممكن تمشي عايزه اتكلم معاها 😊
زهر مسكت شادن و قربت على اضانا و همست: ما تخليني اختك في راسي 😊
قامت شادن دفرتا
❤❤❤❤
يمان تاني ساق اباء شارع النيل و هم بتمشوا قال ليها انا ماشي اقعد هناك بس شويه و جاييخليك قدام عيوني مشى قعد في كرسي براهو و قعد يتذكر لمن رافه ضربتو بالعربيه و كانت زهر واقفه معاهو و ساعدتو لحد ما بقى كويس و تاني اتذكر لمن جات شادن و عرفت عن نفسهاو اتذكر شخصيتا القويه و اتذكر لمن عزم زهر في كافيه و قعد يقول ليها صفات حلوه فيها و هو بالجد شايف الصفات دي فيها و هي خجلت و اتذكر لمن اتصل على شادن و قال ليها عازمك على كافيه و كيف كانت هي مبسوطه و اتذكر لمن اتسجن بي سبب اخنتو و زهر هي الكانت واقفه معاهو لحد ما طلع و اتذكر لمن كان مع شادن في الكافيه و اتونس معاها و شخصيتا عجبتو زياده بس قامت جات اباء و قعدت في حضنو
