يمان كان بتكلم في التلفون
يمان:طيب
...:....
_:طيب منو البمسك الشغل دا
...................:_
_:لي متين نحن نقعد نفهم فيكم
جات شادن داخله و قعدت في الكرسي الجمبه
.......................:.....
يمان:يلا بعدين بشوف موضوعه مع السلامه 😰
يمان قبل على شادن و قال:هلا 😊
شادن:ربحنا المناقصااااااا 😀
_:ما شاء الله 😀
_:يسسسسس 😀
_:دي شنو الاخبار الحلوه دي
_:دا ولا شيء 😎
_:ولله تستاهلي احلى بونص 😊
_:بس بونص يا يمان ما استاهل اكتر من كدا
_:تستاهلي اي حاجه والله انتي غيرتي فكرتي عن البنات من جيتي الشركه و الارباح قاعده تتضاعف 😄
_:دا ولا حاجه يا استاذ يمان 😌
_:الشركه بقت تكبر 😄
_:كمان يا دوبنا الجاي اكبر نحن حا نجري جري 😊
_:كمان
_:حا نبقي الشركه اكبر 😊
_:والله تستاهلي بونصات ورا بعض و بدبل معاشك كمان تستاهلي 😊
_:بس
_:تستاهلي اكتر انتي عايزه شنو
_:يعني غداء و لا عشاء 😅
_:احلى عزومه لي احلى شادن 😄
_:مع احلى يمان 😅
_:خلاص طيب اذا كدا انتي عايزه ياتو مطعم
_:انا احلى مطعم عندي بيتزا هت 😊
_:بيتزا هت
_:بحب بيتزا هت شديد 😊
_:وانا برضو بحب بيتزا هت 😁
_:صحي زيي
_:زييك والله انا بحب البيتزا شديد 😊
_:واااي من بيتزتهم 😋
_:بتاكلي شنو يعني شنو اكتر حاجه بتحبيها
_:والله البحبه بالجد البيباروني 😊
_:اوووح انتي بتفتشي في الغالي 😂
_:ما بستاهل
_:تستاهلي و نص والله تستاهلي عاد كمان خلينا نقعد في كافيه نشوف حا نعمل شنو لي قدام في موضوع الشغل 😊
_:يعني بكره مافي دوام 😳
_:اي بديك اوف 😊
_:لا انا هنا بيتي الاول ما بقدر آخد اوف رجاء ما تخرب روتيني 😑
_:ما مشكله 😕
_:لالا 😊
_:والله تستاهلي اوف تلاته يوم كمان 😄
_:لالا الدوام دوام حا نداوم او انا حا اداوم و بخصوص المخطط القبل شويه كنت قاعد تقول لي عليه المخطط جاهز لي سنه قدام
_:كمان
_:اي و بعد الدوام لمن نمشي الكافيه تشوف الانا خططه 😊
_:لا يا شادن كدا كتير صراحه كتير 😄
_:دا ولا حاجه 😊
_:انتي معقوله من البنات
_:اكيد 😅
_:تفكيرك و خططك و شغلك دا حتى الف راجل ما بسويه 😄
_:انا عن الف راجل 😎
_:ما شاء الله عليك تستاهلي يلا ارح نمرق 😁
_:يلا 😊
شالت شنطتها و طلعوا
❤❤❤
زهر كانت قاعده في كرسي قدام البحر و بتفكر
زهر:"الظاهر كلام امنيه عايز يطلع صاح لانو دا القاعد يحصل هو كان قاعد يقول لي انا ما بوظف بنات و بكرهم ولا عمره مدحهم حتى ليه يعني بس دي لا و كمان شنو بطردني من المكتب عشانها دي الحاجه الوحيده الما حصلت من ما عرفت يمان ما حصل اتكلم معاي بالطريقه دي انا اتوقع هي ما بس مجرد موظفه اكيد جايه و في راسها في حاجه كان متغير شديييد غييرته هي اي شاف وحده من مستواه و وظفها و شهاده عليا و قاعده تشتغل معاه في الشركه نفس المجال اظنه بتشابهوا في حاجات كتيره حتى انا شفت نظراتها ليه ما كانت عاديه اظنه مافي فايده املي في يمان بقى ضعيف شديد لكن انا ما حا استسلم هسه معقوله يكون تفكيري و ظني غلط ما عارفه اوووف بس البت دا ما ساهله لازم انتبه عليها نشوف لي قدام انا ما حا استسلم عن حب ما صدقت اني لقيته حسيت انه يمان اتغير شديد بعدين يعني معقوله هو حا ينسى كل وقفاتي معاه هو ما شاف حب بته لي عامل كيف بعني معقوله ينسى دا كلو عشان وحده زيها ليه يعني دا حالتو يوم يومين طيب تاني حا تسوي شنو لا انا لازم افكر في حاجه لازم ارجعه زي ما كان "
❤❤❤❤❤❤
شادن:"معقوله في رجال كدا شخصيه و ذكاء و هيبه و رزانه و طول و عرض دا وينه من زمان تكوني يا شادن حبيتيه خلاص بالسرعه دي لكن لا زهر دي اسوي فيها شنو انا ما عارفه هي قاعده من متين لكن احسن حاجه و احلى حاجه انه ما شغال بيها لالا دي ما حا تتعبني سهله بس خليني حبه حبه حا اتعرف عليه اكتر بس طلع بحبني و انا بحبه بسوي الانا بسويه نفس الشيء و تصرفاته زيي ما اتوقعت ولا ظنيت يكون في راجل كدا زيي"
❤❤❤❤❤❤
اباء كانت راقده جمب ابوها و بتقرا
يمان:اها يا اباء
اباء:اها
_:خلصتي
_:بس باقي لي حاجه وحده 😅
_:شنو
_:تعريف 😅
_:يلا احفظي التعريف دا عشان بعد شويه نتطلع 😊
:طيب 😊
سكتوا مسافه تاني اباء قبلت على ابوها
يمان:مالك
اباء:احكي لي قصه 😁
_:عايزه قصه 😰
_:اي 😁
_:القرايه ما باقي حاجه و تخلصي السنه و نرتاح 😄
_:لا خلصت قرايه 😁
_:اكيد خلصتي
_:اي 😁
_:يلا اقفلي كتابك 😊
و قفلته
يمان:حا احكي ليك قصه 😊
اباء:يلا 😊
_:حا احكي ليك قصه عن الكواكب 😊
_:طيب 😊
_:رايك شنو
_:طيب 😳
_:المره دي حاجه جديده
_:اها
_:في تلاته كواكب
_:اها
_:كوكب اسمه اباء
_:اها
يمان:و كوكب اسمه زهر و الكوكب التالت..
قاطعته و قالت:يمان 😁
يمان:لا هم كلهم كواكب بنات الكوكب التالت اسمه شادن 😊
_:شادن منو
_:ما عارف اسم كدا جا في بالي و قلته 😬
_:فجأه جا في بالك
_:اي خليني احكي ليك القصه ما عليك من الاسم كوكب اباء كان قاعد يدور في المجره بعد شويه كدا عمل حادث مع كوكب زهر
_:اها
_:عملوا حادث مع بعض
_:اها
_:و فجأه كوكب زهر اتفجر بوووم خلاص اختفى يعني انتي كوكبك قوي شديد يللي هو كوكب اباء 😁
_:اااا 😁
_:بعدين كوكب اباء مر بي كوكب شادن
_:اها
_:قاموا وقفوا
_:اها
_:قربوا مع بعض شويه قاموا التحموا دخلوا في بعض و بقوا كوكب واحد انتي مع شادن 😁
_:لا 😡
_:اها
_:عايزه زهر 😡
_:زهر خلاص كوكبها اتفجر 😳
_:لا ما ممكن اصلا انا ما بعرف شادن 😡
_:شنو
_:شادن انا ما بعرفها 😡
_:ما لازم تعرفيها هو اسم كدا قلته دخل في راسي و قلته 😁
_:لا لازم اعرفها 😎
_:شنو لازم اعرغها هو كوكب اسمه شادن 😳
_:اي لازم اعرفها دي منو انت بقيت تحب البنات
_:اباء انا قبل شويه كنت بفتش في جوجل اسماء بنات قام طلع لي شادن 😁
_:لا انت بتحب وحده غير زهر 😁
_:لا اله الا الله خلاص كملي قرايتك 😰
_:لا لازم اعرف شادن منو 😁
_:انتي خلصتي اكيد ولا لا كدي خليني اشيك
شال كتاب العلوم فتح ليها الصفحه الكانت واقفه فيها
يمان:موش باقي ليك تعريف يلا احفظيه
و ختها ليها الكتاب فوقها 😂
يمان:يعني لازم اسم بت بعرفها ما لازم 😰
اباء:طيب شادن دي منو
_:لا اله الا الله احفظي التعريف احفظيه 😰
_:طيب على فكره حفظته 😁
_:حفظتيه
_:اي 😁
_:خلاص يلا اقفلي كتابك و امشي اكلي 😊
_:شادن دي منو
_:امشي اكلي يلا ما اكلتي حاجه الليله 😑
_:ما جيعانه الا اعرف شادن دي منو انا عايزاك تحب زهر و تتزوجها كمان 😁
_:انا بحب الناس كلها ما شرط يعني احب زهر ولا غيرها انا بحب الناس كلها 😊
_:بتحب الناس كلها
_:اي 😊
_:ااا بس عايزاك تحب زهر اكتر 😁
_:و اتزوجها 😰
_:اي تتزوجها 😁
_:انا ناقص زواج و وجع راس
_:اي عادي 😁
_:ناقص مسؤوليات
_:عادي 😁
_:ما لازم اتزوج 😰
_:عادي 😁
_:لازم اتزوج
_:اي
_:لا ما لازم 😕
_:لا لازم 😎
_:خلينا على كوكب شادن الدخل مع كوكب اباء دا نسميه شنو كوكب اباء و شادن ولا اباءشادن اها رايك شنو
_:لا 😒
_:اها 😳
_:زهر يعني زهر شادن..
قاطعها و قال:خلاص امشي اكلي بي سرعه يلا 😤
اباء:شادن انا ما بعرفها 😂
و قامت
يمان:يلا امشي اكلي 😊
و مشت
يمان بي صوت عالي:جيبي لي معاك اكل 😅
❤❤❤
يمان اتصل على زهر قامت رفضت المكالمه
يمان:"مالها قفلته شكله بالغلط خليني اتصل عليها تاني"
اتصل و تاني رفضت المكالمه
يمان:"لي قفلته كدي اكتب ليها مالها زعلانه ولا شنو"
فتح الواتس و رسل ليها و هي بتشوف الرسائل و ما بترد يمكن رسل ليها قريب عشره رسائل و هي ما راضيه ترد
يمان:"على كيفها شكلها زعلانه خليني اتصل على شادن"
و اتصل
يمان:اهلين شادن 😊
شادن:اهلين استاذ يمان 😊
_:كيفك
_:الحمدلله انتي كيفك
_:على الموعد الليله ان شاء الله
_:اي اكيد لكن وين
_:الكافيه القلتي لي عنه 😊
_:تمام حلو 😊
_:بعد ما نتكلم حبه عن الشغل 😅
_:اكيد لازم نتكلم عنه الشغل دا جاري في دمي ما ممكن نتلاقى و ما نتكلم عن الشغل طيب على موعدنا موش
_:اي ان شاء الله 😊
_:تمام مع السلامه 😊
قفلت المكالمه و هي طايره من الفرحه
❤❤❤
يمان و شادن مشوا الكافيه
شادن:يعني انت لازم لمن تجيب ناس تعرف طريقه كلامهم كيف و تعرف عاداتهم و تقاليدهم يعني نحن عندنا كلمات هم بتتحسب عندهم اهانه
يمان:اها
_:فانا لمن مشيت قالوا لي طريقه كلامي حلوه شديد و عجبتهم شديد و كدا ربحنا المناقصه 😊
_:لا ما شاء الله عليك الاهتمام واضح يعني نحنا اول مره نصل للمرحله دي و اول مره نربح المناقصه دي يعني ذكائك حلو 😊
_:و ان شاء الله الله يوفقنا يعني 😊
_:براڤو عليك 😊
شادن نزلت راسها و ابتسمت ابتسامه خجل
يمان:ذكيه و شاطره و بتشتغلي و ما بتتعبي بي سرعه 😊
شادن:مدمنه شغل يعني حياتي شغل ما عايزه حاجه تانيه 😅
_:اي صاح نسيت عايزه اطلب ليك شنو
_:اي حاجه على ذوقك 😊
_:على ذوقي اكيد
_:اي 😊
_:طيب قولي بتشربي شنو
_:اي حاجه انت بتشرب شنو
_:انا سبينيش لاتيه 😊
_:طيب حلو 😊
_:زيي
_:انا برضو بشرب سبينيش لاتيه 😊
_:بالجد
شادن هزت راسها بمعنى اي
يمان:زي بعض 😁
و قعدوا يضحكوا بعدها يمان قعد يتلفت عشان يشوف النادل(او الجرسون اقروها زي ما عايزين 🐸) وين
يمان:امشي اناديه انا احسن
شادن:طيب تمام 😊
_:ما هو المكان النحن قاعدين فيه ما كويس لكن معليش المره الجايه بعزمك في مكان احسن 😅
_:لا المره الجايه علي رجاء 😊
_:عليك
_:علَي 😊
_:طيب 😁
_:و مكان احسن 😊
_:طيب تمام 😁
قامت شادن قعدت تضحك
يمان:عن اذنك 😅
شادن:طيب تمام 😊
بعد ما قامت هي قعدت تتبسم براها زي المجنونه
نرجع لي زهر
زهر:"ما عارفه اتصل عليه ولا اشوفه وينه ولا انتظر لكن الصراحه ما قادره انتظر خليني اتصل عليه"
لمن اتصلت عليه كان يمان خلى تلفونه في الطربيزه(او التربيزه اقروها زي ما عايزين 🐸)قامت شادن رفعت التلفون و شافت الاسم
شادن:"زهر خليني ارد عليها"
زهر دي قالتها بي طريقه اشمئزاز كدا و بعدها ردت
شادن:الو 😏
زهر:انتي منو
_:انتي المتصله انتي منو
_:انتي منو دا ما تلفون يمان
_:يمان مافيش عايني قولي العايزه تقوليه لي بكره في النهايه انا مسؤوله و عارفه نفسي شنو فقولي العايزه تقوليه 😏
_:ااا انتي سكرتيرته ما شاء الله حتى سكرتيرته بترد على تلفونه على المكالمات الخاصه ما اتوقع عينك عشان تعملي حاجه زي دي 😒
_:والله على كيفي اسوي العايزاه و اصلاً يمان راضي يعني 😒
_:يمان وين
_:مشغول او نحن الاتنين مشغولين حالياً و يمان ما بقدر يتكلم معاك 😊
_:و انتي الدخلك شنو عشان تردي على تلفونه
_:على فكره انا هسه ما فاضيه ليك ولا يمان فاضي ليك باي 😊
و قفلت الخط
زهر:"يمكن قال ليها ردي عليها"
❤❤❤❤❤❤❤
شادن رفعت تلفونها و قعدت تصور سناب
شادن:قاعدين في كافيه نشرب سبينيش لاتيه
يمان جا قعد
يمان:طلبت ليك اها قاعده تسوي شنو
شادن:قاعده اصور سناب 😊
_:انتي قاعده تصوري سنابات
_:بحبه شديد عندي جمهور 😎
_:ما شاء الله 😀
😊:_
_:بتصوري شنو في السناب
نرجع لي زهر
زهر بقت متوتره و معصبه و كل احاسيس التوتر فيها بتحرك في يدينها و كرعينا بي سرعه ما طبيعيه مع انو هي قاعده
زهر:"دي كيف تتجرا و تسوي معاي كدا اول مره انطدت من المكتب و هسه ترد على تلفونه و تقفل في وشي"
زهر قامت و بقت ماشه و جايه في غرفتها
نرجع لي ناس يمان
شادن:انا بحب اطبخ
يمان:اها
_:بطبخ و بوريهم يعني حاجات صحيه
_:يعني بتسوي شنو الاكلات البتسويها شنو
_:بسوي دجاج مشوي رهيييب
_:حلو
_:و مرات بسوي لي نفسي آيسكريم
_:ياتو نوع من الآيسكريم
..................
زهر"لا و بقول شنو انا ما بحب البنات انا ما بعيين عندي موظفات و فجأه من هي جات بقى بموت على البنات لا و شنو طلعات بطلع معاها بره على اي اساس بطلعوا على اي اساس و بقولوا شنو"
...................................................
شادن:في آيسكريم اسمه كورفي 😁
يمان:طيب يوم خلينا نضوق طبخك 😊
_:اي اكيد حا تشرفني في البيت تعال 😊
_:انتي تعالي لي اعرفك على بتي اباء 😊
..............................
زهر:"انا يعمل معاي كدا انا الكان كل وقتي ليه و لي بته"
.....................................
شادن:عندك بت
يمان:اي خليها تشوفك 😢
_:ما شاء الله الله يحفظها طيب انا في يوم بسوي كيك او آيسكريم هي بتحب شنو
_:ما عارف والله هي بتحب شنو على فكره هي زيك بتصور سنابات 😊
................................................
زهر:"يلعن ابو الحب يلعن ابو اليوم الحبيت فيه دي اول مره و كدا اوووف يا ربي بسووا في شنو و طلعوا وين يمان مديها المجال انها ترد علي و يطردي قدامها مديها التلفون ترد علي و قافله في وشي و مسوي نفسه مهتم و يتصل علي و يرسل لي في الواتساب كمان"
...........................................................................
شادن:اديني سنابها اشوفه و اتعرف عليها 😊
يمان:ما عارف سنابها لمن تجينا البيت نديك سنابها خليها تتعرف عليك كمان 😊
_:و انا عايزه اتعرف عليها و اشوفها 😊
_:انا لاحظت حاجه 😊
_:اها شنو
_:انتي بتشبهيني شديد نفس ذوقي و نفس حركاتي و حتى في الشغل بتحبي الشغل شديد 😊
_:اكيد 😊
_:و انا زييك بحب الشغل 😊
................
زهر:"حقير نذل"
و بقت بي كل قوتها بترمي اي حاجه في التسريحه و كسرت المرايه بي قبضه يدها و دا كله هي ما هاميها دم يدها بس بتفكر في يمان
