في وحده دخلت على يمان في مكتبه في الشركه
شادن:السلام عليكم انت استاذ اسامه
يمان:و عليكم السلام لا ما استاذ اسامه معاك استاذ يمان 😊
_:اهااا انت الما بتحب البنات
و قعدت في الكرسي القدام مكتبه
يمان:خير اطلبي
شادن:اممم انا جايه هنا و معاي السيڤي استاذ اسامه قال لي انه انا...(استاذ اسامه دا شريك يمان في الشركه)
و قبل ما تكمل كلامها يمان قاطعها و قال:استاذ اسامه ما قال ليك انه نحن ما بنوظف بنات
شادن:ااا لا قال لي انه الحاجه دي حا تتغير و انا جايه اثبت انه البنات احسن بكتير من الشباب 😎
_:"يا سلام دا حالتي كلمته قلت ليه ما دايرين بنات"ما اعتقد انه انتي احسن من القبلك لكن خلينا نشوف عندك شنو 😊
_:عندي كل المواصفات اللازمه و دا السيڤي
قالت ليه و هي بتمد ليه السيڤي:اتفضل 😊
يمان استلم السيڤي
شادن:ااا ماجستير في اداره الاعمال و خمسه سنين خبره في شركات كبيره و بجيب ليهم اكبر المناقصات و الربح بتدبل 😊
يمان:انا الكلام ما بهمني كتير اهم حاجه الفعل في بنات كتار جوا قبلك و كانوا بتكلموا
و قبل ما يتم كلامه قاطعته و قالت:رجاء ما تعمم 😊
يمان:هم اغلبهم كدا يعني كتير
تاني قاطعته بصوت عالي قالت:ما تعمم 😤
يمان:انا ما بقدر اعمم لكن هم كتار المن النوعيه دي يعني في البدايه بتكلموا و وقت الشغل بشوف حاجه تانيه 😕
_:بئسفني انك مريت بي تجارب سيئه مع البنات لكن انا جايه عشان اثبت ليك العكس و من حقي انك تديني فرصه عشان اثبت ليك
_:و من حقي انا ارفض و ما اوظف بنات الشركه شركتي و بقدر ارفض 😏
_:استاذ اسامه شريكك على ما اعتقد 😏
_:ما هو استاذ اسامه دا المعذبني لكن ما مشكله حا امشيك بس عشانه و ما اتوقع تكملي معانا لانه الحمدلله شركتنا ناجحه بفضل الله ثم الشباب و برضو عشان ما بنوظف بنات 😊
_:لكن استاذ اسامه قال تاني حا توظفوا بنات 😊
:ان شاء الله ثقتك في نفسك ما تكون زايده
_:انا واثقه في نفسي و في قدراتي السيڤي عندك و انت شايف انه انا مقبوله في اكبر الشركات في السودان 😎
_:السيڤي حلو شديد و خبراتك احلى لكن الورق حا يفضل ورق و الكلام حا يفضل كلام نحن البهمنا شنو بمهنا الانجاز 😊
_:اكيد 😊
_:ان شاء الله 😊
_:و حا اثبت ليك الحاجه دي ان شاء الله 😊
_:نشوف 😏
_:اخترت شركتكم لانه شركتكم وحده من احسن الشركات في السودان 😊
_:طبعاً لانه ما بنوظف بنات 😂
❤❤❤❤
داليا:شفت اخوك عمل شنو سمع كلام اخته المجنونه و باعوا البيت
يمان:تصرفها ما صاح
_:يعني حا نتفرق يا يمان 😟
يمان سكت
داليا:رد علي ما تحقر بي 😤
يمان:يا داليا انا ما ناقص مواضيعك 😰
_:طيب خليني اسكن معاكم في الشقه 😁
_:ياخ انا خايف على البيت هي جاده عايزه تبيعه
_:اختك كل همها القروش اكيد حا تبيع البيت يعني انت ما اتوقعت الحاجه دي
_:منو الكان متوقع اصلا هسه ما عارف الحا يحصل شنو 😰
_:طيب خليني اسكن معاكم 😟
_:قلت ليك لا 😡
_:ليه لا
_:خلاص ياخ امشوا انتي و اخوي مع بعض 😡
_:امشي وين
_:امشوا اسكنوا في اي مكان 😤
_:ما بقعد معاه براي 😡
_:هو موش حا يشيل نصيبه من البيت
_:اي 😒
_:خلاص امشوا 😤
_:لكن انا ما بقدر ابعد عنك 😒
_:داليا انا ما ناقصك 😡
_:ما بقدر انت فاهم يعني شنو ما بقدر
_:ما ناقصك خلاص الفيني مكفيني 😡
و قام خلاها بعدها بشويه جاها تلفون و هي ردت
داليا:اها
...:.....
_:شنو
...:_
_:ليه
...:_
_:ولدي ماله
❤❤❤
يمان و اباء لموا عفشهم و خلاص طالعين من البيت
يمان:يلا ارح 😔
امنيه:اها شلتوا حاجاتكم ختيتوهم في العربيه
يمان سكت
امنيه:بس باقي ديل
يمان لسه ساكت
امنيه:لشنو ساكت ردي علي انا قاعده اتكلم معاك 😡
قبلت على اباء
امنيه:يحليلك يا اباء حا تمشوا بيت تاني حلو صغير 😄
تاني قبلت على يمان
امنيه:واااي عارف يا يمان هسه البيت فضا يعني بقدر ابيعك و اشتريك ابيعك و اشتريك الله يوفقكم في حياتكم و صراحه انا وحده تعبت منكم بعد كدا لا انا اختك
قبلت على اباء و قالت:ولا عمتك و ما تعملي الوش البريء دا لانك نهااائي ما بتكسري خاطري 😒
رجعت لي يمان:الله معاكم 😊
قبلوا عشان يمشوا قامت قالت ليهم:الباب بكفي جمل 😂
و قعدت تغني ليهم غنيه كويتيه:(شيلي قشچ و شيلي قشچ و طلعي من بيييتي)بررره 😏
و طلعوا
❤❤❤❤❤❤
اديم كان في المستشفى و بستغفر قامت جاتو داليا
داليا:ولدي ماله
اديم:الله يشفيه 😔
و قعدت تحنس فيه عشان يوريها عاصف ماله
اديم:الله يشفيه 😔
داليا:ولدي ماله رد علي 😰
_:ما عنده حاجه 😢
_:الدكتور قال شنو
_:ما قال حاجه 😢
_:ياخ الدكتور قال شنو
_:ما فيه الا العافيه 😢
_:لا كيف ما فيه الا العافيه رد علي قول لي ماله 😡
_:ما عنده حاجه خلاص 😡
_:كيف ما عنده حاجه ولدي ماله
_:الله يشفيه ان شاء الله 😟
_:ولدي ماله انت عملت شنو ياخ قول لي ولدي ماله 😰
_:ما عنده حاجه والله ما عنده حاجه 😰
_:الدكتور وين
اديم سكت
داليا:الدكتور وين انا عايزه اتكلم معاه 😰
اديم لسه ساكت
داليا:الدكتور وينه رد 😡
اديم ساكت
داليا:"اوووف"
و قامت خلته
❤❤❤
زهر بتتكلم بالتلفون
زهر:اي يا امنيه
امنيه:.........
_:انا بس اتصلت عشان اسال يمان وينه
..........................:_
_:قاعده اضرب ليه كل مره بديني مغلق 😕
زهر فتحت الاسبيكر
امنيه:و انتي الدخلك شنو مالك لصقه كدا
زهر:قاعده افكر في بته انا لازم اقريها الامتحانات قربت 😕
_:عايني على فكره يمان ما بحبك و لا عايزك انتي براك مصدقه نفسك تاني حاجه نحنا من عائله معروفه و اغنياء يمان ما حا يعاين لي وحده زيك يمان دا اخوي و انا عاجناه عجن عنده علاقات كتيييره مع البنات و انتي وحده من العلاقات دي و على فكره يمان ما بحب البنات يعني علاقاته دي تمضيه وقت ساي
زهر قفلت في وشها الخط
❤❤❤❤❤❤❤❤
يمان:عرفيني عن نفسك
شادن:انا اسمي شادن ماجد
يمان قاطعها و قال ليها:الاسم دا معناه شنو..و نعم الاسم لكن معناه شنو
شادن:الله يخليك..هو اسم فارسي معناه البهجه و السرور و بمعنى تاني المغني 😊
_:سبب اختيارك شنو لي شركتنا و ليه طلعتي من الشركات القبلينا
_:طلعت من الشركات القبليكم لانهم ما بيحترموني و ما بيقدروني بس بيستفيدوا من قدراتي 😤
_:لكن عفواً يعني انتي ما عملتي حاجه غلط يعني ما مسكتي التلفون ما قعدتي تتونسي او حاجه بالشكل دا
_:انا عندي هدف في الحياه و هو انه بس انجز حاجات كبيره 😎
_:طيب ليه ما بحترموك ما دام انتي قاعده تنجزي
_:لانه انا قاعده اشتغل فوق طاقتي ما زي البنات البقلبوا الشغل تلفون 😒
_:طيب المعلومه وصلت لكن ليه اخترتي شركتنا
_:لانه شركتكم من اكبر الشركات في السودان خليني اكمل قبل ما تسال سؤال تاني
لكن برضو قاطعها و قال:في شركات كتيره كبيره في السودان يعني ليه بالتحديد اخترتي الشركه دي
شادن:انا حاسه انه شركتكم محتاجه لي وحده زيي بتنجز و تجيب مناقصات و تبقي الربح دبل 😏
_:انتي عندي قدره انك تتحملي كلل ساعات العمل
_:انا بشتغل فوق طاقتي و باخد ساعات زياده عشان اشتغل و حتى لمن امشي البيت بكمل شغلي باللابتوب لانه انا عارفه انه الساعات البقضيها في الشركه ما بتكفي عشان انجز 😏
_:ما شاء الله بتتكلمي كم لغه
_:بتكلم عربي و بتكلم انجليزي و بتكلم فارسي و هندي و حالياً قاعده اتعلم اسباني 😊
_:ما شاء الله اديني شويه فارسي 😊
_:........................(رطانه 😂🐸)
_:هندي 😊
_:....(برضو رطانه 😂)
_:بتعرفي كلمه اسبانيه ما دامك يا داب قاعده تتعلمي
قامت قالت ليه كلمه
يمان:ما علينا يعني اللغه حاجه ما اساسيه عفواً على السؤال دا لكن انتي متزوجه
شادن:انا ما محتاجه عن راجل في حياتي انا بغنى عن الرجل 😊
_:يا سلام انا شايف انكم انتوا المحتاجين للرجال لكن الرجال بقدروا يشيلوا نفسهم بي نفسهم المهم انتي شايفه في حاجه ناقصه في شركتنا
_:اي 😊
_:شنو
_:موظفه زيي 😎
_:واثقه
_:طبعاً 😊
_:ما شاء الله ثقتك بي نفسك عاليه شديد 😊
_:حا اثبت ليكم حاجات كتيره و يمكن بعد سنه لي قدام اكون في مكانك 😂
_:يمكن 😒
_:بهظر على فكره بهظر لكن يمكن 😂
_:المهم اكتر حاجه عجبتني فيك انك واثقه من نفسك و ان شاء الله الثقه دي تتعكس في الشغل عندك كلمه اخيره
_:حا اثبت ليك حاجات كتيره و عندي حاجه صغيره تاني المكتب عايز ليه شويه ديكور يعني الواضح انه بالجد مكتب شباب يعني المكتب كله ابيض كيف بتشتغل في الاجواء دي
_:دا جو شغل يعني انتي قاعده تهمتي بالديكورات و الحاجات دي من البدايه كدا يا شادن
_:الالوان حياه و طاقه ايجابيه بتخلي الواحد يشتغل 😊
_:خلينا في الشغل بعداك اتكلمي عن الديكور و ما ديكور 😒
_:حاضر 😊
_:بكرا ان شاء الله برد ليك خبر 😊
_:طيب 😊
_:الله يخليك 😊
_:اتشرفت بي معرفتك 😊
يمان اكتفى بالابتسامه و هي شالت شنطتها و قامت مشت
❤❤❤
زهر كانت بتفكر في كلام امنيه بعد مسافه امها جات قعدت جمبها
نور:انتي لحد هسه بتفكري
زهر:قاعده افكر في كلام اخته اتخيلي قالت لي يمان مستحيل يفكر فيك لانه انتي مستواك فقير قالت لي نحن وين و انتوا وين و يمان ياما لعب بالبنات و انتي ما اول علاقه تمري بيه 😟
_:ما انا قلت ليك هو قاعد يلعب عليك لكن انتي ما بتفهمي 😤
_:يا امي انا يمان عرفته مستحيل يسوي كدا او في يوم من الايام يعتبرني زي باقي العلاقات المرت عليه 😰
_:زهر حبيبتي شيلي الفكره ن راسك 😰
_:ما بقدر يا امي انا حبيته 😟
_:ان شاء بجيك واحد احسن منه و ما ترفعي راسك فوق خليك على مستواك 😊
_:ما بالسهوله دي يا امي انا اتعلقت بيه يعني اربع و عشرين ساعه بفكر فيه ما بالسهوله دي بقدر انساه 😰
_:مافي حاجه اسمها اتعلقت بيه ربي ان شاء الله بديك احسن منه 😊
_:لكن يا امي مافي احسن منه 😟
_:اضحكي خلاص انسيه خليني اجيب ليك شويه تحليه عملت مهلبيه رهيبه 😁
و قامت مشت
زهر:يا امي هسه دا وقت مهلبيه"مهلبيه شنو عليك الله"
❤❤❤❤❤❤
داليا كانت بتبكي و بتكورم في اديم لانه مرض عاصف بي سبب السجاير الكان بيديها ليه اديم زمان
يمان جاهم جاري و مخلوع
يمان:خير مالكم عاصف ماله اتكلموا عاصف ماله
داليا:اقول ليك شنو كله منه(اشرت على اديم)
يمان:عاصف ماله اتكلم 😡
اديم:جاهو سرطان في الرئه 😟
_:كله منك انت من السجاير الكنت بتديها ليه 😡
اديم رقد في صدر يمان و قعد يقول ليه:آسف والله آسف كنت غلطان 😩
يمان:"لا حول ولا قوه الا بالله حسبي الله و نعم الوكيل"
