دخلت القاعه بفستان ابيض توب وفيه ورود بسيطه
وردية اللون وفارده شعرها...... وهو شافها من هنا
وبرق من هنا وفضل متنح.
وبعدها راحت قعدت مع عيلتها وهو كمان اصل ام
عبدالله كانت قاعده مع ام كنزي ومن ساعه ما قعد
وهو مرفعش عينو عنها.
الام: احمم عبدالله قوم ارقص مع الشباب.
عبدالله: لاء مليش مذاج وكمان غيرو الاغنيه.
هنا: الله حلوه اوي الغنيه دي..... متقومو ترقصو مع
بعض يا ولاد.
كنزي: لاء.... مش عايزه.
هنا: ياله قومو هتفضلو قاعدين طول الفرح.
وقامو وهو بيقرب منها علشان يرقص معاها حطت
إدها علي كتفو ومسكت ايدو بالايد التانيه وبيرقصو
علي اغنيه سلو رومانسيه.
عبدالله: بردو مش هتقوليلي في ايه.
كنزي: عايز الصراحه.
عبدالله: اكيد.
كنزي: ماشي هقول بس اوعك تعمل حاجه.
عبدالله: حاجه زي ايه.
كنزي: امم..... القط وحفظناه وعرفه انك مجنون.
عبدالله: قولي بس ومش هعمل حاجه.
كنزي: اكيد.
عبدالله: اكيد قولي بقا هتموتيني.
كنزي: بعيد الشر......
عبدالله: هتفضلي تبصيلي كتير متتكلمي.
فقربت منو وهمست انا شكلي وقعت في أعجاب
القط.
هو سمع كده وحس انو ملك الدنيا ومفيها.... وراح
حضنها ولف بيها.... قلبو كان هيقف من سرعه دقو
ومهمهوش كل الناس ولما نزلها كلهم سقفو وبعدها
رجعو لتربظتهم وسمعو احلي تهزيق من امهاتهم.
حمزه: كفايا يا ماما دول بردو شباب ومحصلش
حاجه.
الام: حمزه متدخلش في الموضوع الناس كلهم بقو
شيفينهم وهما بيرقصو بالطريقه دي.
وفضلو قاعدين وامهاتهم مش طايقنهم بس عصافير
الحب في دنيا تانيه.
كنزي: ماما انا عايزه اروح حاسه اني تعبانه.
الام: الجرح في مشكله.
كنزي: لاء بس تعبانه شويه وكمان الفرح طول وعايزه
ارتاح.
أنت تقرأ
ملاكي العنيد (مكتمله)
Misterio / Suspensoأول روايه اكتبها باللهجه المصريه تجمع بين الكوميديا والرومانسه والعنااااااد 😅 اتمنو تعجبكم وتقولولي رأيكو .😄 اجزاء الروايه كتيره لكن الاجزاء قصيره. #بقلمي الملكة❤
