ملاكي العنيد (مكتمله)

انا فلست 😂

و وقعت علي الارض وهو مش قادر يستوعب وجري

عليها بسرعه وبعد حوالي ربع ساعه.

♕♕♕♕♕♕

دخل علي المستشفى و.....

عبدالله: فين الدكتور.

ودخلوها بسرعه علي العمليات وبعدها بشويه وقت

خرج الدكتور ونقلوها علي اوضه تانيه ودخل لقا

اميرتو نايمه زي الملاك قعد علي الكرسي وفضل

يبصلها وبيفكر وبيقول في دماغو..... يا تري ليه

بيحصل كل ده معانا...... مش مهم المهم انك معايا

انا مش عارف ازاي عشقتك للدرجه دي انتي بقيتي

حته مني بخاف عليها زي عيوني وشكلي بقيت

مجنون فيكي يا اغلي هديه من السما..... بس عارفه

نفسي اعرف امك كانت بتتوحم علي ايه علشان

تجيب المجنونه ام عيون عسلي اللي خطفت قلبي

وبعدها بدأت تفتح عيونها ببطء.....

عبدالله: صح النوم يا هانم كل ده نوم.

كنزي: انا فين وبتحاول تقوم.....

عبدالله: اهدي يا هبله هتودينا في داهيه.

وبعدها رفع راسها بهدوء وعدل المخده اللي وراها

وحط راسها عليها وبعدها مسك ايديها وباسها وقال

تاني مره ابقي اديني خبر قبليها انك عايزه تيجي

زياره للمستشفى بدل ما اطب ساكت جنبك المره

الجايه.

فأبتسمت وقالت:..... بس عارف انت كنت واحشني

اوي و كنت لسه بفكر فيك قبل ما تيجي.

عبدالله: طب وايه الجديد ما انا عارف.

كنزي: بجد طب وده ازاي بقا.

عبدالله: هقولك يا ستي قلبي قالي يا عبدالله قلب

الشوكلاته بيناديني يالا نروحلو بسرعه.

كنزي: والله.

عبدالله: والله يا نبض عبدالله.

وبعدها دخل الدكتور وطلب من عبدالله يروح يجيب

الحقنه دي من الصيدليه وقالو انو يقدر يدفع حساب

المستشفى دلوقتى وهي عماله تشد في ايدو.

عبدالله: ايه في ايه.

فبتشاورلو بايدها انو يوطي وقالتلو في ودنو....قول

للدكتور انك مفلس ومش هتقدر تجيب الحقنه.

عبدالله: ليه.

كنزي: مش عايزه اخدها بليز.