ملاكي العنيد (مكتمله)

بنت أصول ❤😍

وبعد ما خرجو كلهم من الكافيه روحو وفضلو

مدايقين كلهم لكن اكتر واحد اتكسر هو ادم لكن

نفس الكسر ده اضعافو في قلب ضحا.

وبعدها بكام يوم وبعد ألحاح كتيير اوي كده رضيت

امهاتهم تخليهم يخرجو بس علي اساس ان عبدالله

خارج مع ادم بس وان ضحا وبنت خالتها خارجين

مع بعضهم بس وطبعا الاربعه اتقابلو وكان الوقت

حوالي 9 الصبح واكيد متقبلوش في الشارع لان

ممكن حد يشوفهم فراحو الاربعه عند بيت ملك

صاحبتهم وهي كانت عارفه عبدالله وادم وكمان هما

بس جايين يشوفو هيروحو فين لكن في مفجاه

النهارده من عبدالله...... طبعا ضحا وبنت خالتها راحو

الاول عند ملك وبعدها جه أدم وعبدالله ودخلو

وسلمو و ارتاحو وبعدها عبدالله ادي حبيبتو شنطه

وقالها البسي ده هتطلعي حلوه هما كلهم استغربو

بما فيهم هي.

لكن محدش قدر يمسك نفسو من الضحك اول ما

لبست اللي كان في الشنطه..... طلعت من الاوضه

لابسه جلابيه الوانها مايعلم بيها إلا ربنا وطويله اوي

وكلو كوم والاكمام اللي قد عمود النور كوم تاني.

♕♕♕♕♕♕

كنزي: انت بتهزر يا عبدالله ايه ده.

وهو بيحاول يخبي ابتسامتو العريضه: انا معرفش

هي مالها جت طويله اوي كده ليه او يمكن انتي

اللي قصرتي.

كنزي: لا والله هزر هزر.

عبدالله: خلاص بقا متدايقيش بصراحه كده يا قلب

عبدالله انا محضرلك مفجأه وده جزء من المفجأه.

كنزي: لاء انا مش عايزه منك مفاجأت.

عبدالله: طب يالا امشي.

كنزي: امشي فين انت بتهزر انا مستحيل اخرج

بالبتاعه دي.

عبدالله: امم..... شكلك هتتعبيني معاكي النهارده.

♕♕♕♕♕♕

وفضل يطبق في الاكمام وثبتهم بالدبابيس وفضل

يتني في حرف الجلبيه لحد ما يعني كانت مظبوطه

لكن شكلها ما يعلم بيه إلا ربنا.

عبدالله: اهو ياستي ظبطها ممكن نمشي بقا.

كنزي: تؤ تؤ مستحيل اخرج بالبتاعه دي.

عبدالله: ماشي ياله.

انت سمعتني انا مش هخرج بيها من هنا no way.