ملاكي العنيد (مكتمله)

وتبقي القلوب علي العهد ❤

ومشيت من غير ولا كلمه زياده سابتو تايه مش

عارف يعمل ايه لكن متكسرش فضل مستنيها وكان

بيحاول يكلمها كل يوم وبيروح بيتها كل يوم لكن

مكنش قادر يعرف اي حاجه عن ملاكو العنيد ولكن

في يوم اتقطعت كل الطرق اللي توصلو ليها غيرت

رقم تلفونها واكونت الفيس اتقفل ومرجعتش علي

البلد ويعدي يوم واتنين وشهر واتنين والشهرين بقو

اربعه والاربعه بقو تمانيه وهو ميعرفش عنها اي

حاجه لكن كان بيحاول يرجع لحياتو وعيلتو

واصحابو ولكن عمره محاول حتي ينساها كان بردو

بيروح كل يوم بيتها يشوفها علي امل أنها ترجع

وكان بيذاكر ويجتهد ثانويه عامه بقا وعمل كل ده

علشان لما ترجعلو يقولها بصي شوفي انا عملت ايه

علشانك انا اجتهدت وتعبت علشان لما اجي اتقدم

لكي ميبقاش في فرق بيني وبين ابن المدينه لا

ولسه هكون احسن حد في الدنيا علشانك وبرغم كل

الوقت اللي فات ده عمرك مروحتي عن بالي نفسي

ترجعيلي وتشوفي عيوني اللي وحشتهم شوفتك

وحشتني ضحكتك اللي كانت بتحلي اي حاجه

وحشتني كل تفاصيلك لسه قلبي علي العهد باقي

لكن.... قلبك ايه حالو.

♕♕♕♕♕♕

كل اللي حوليه كانو ملاحظين زعلو وألمو برغم انو

كان دايما يضحك معاهم ويهزر ويخرج كان بيعد

الايام ومستني رجوعها لكن الايام بقت شهور

والشهور بقت سنه..... سنه ميعرفش عنها اي حاجه

لكن لسه مستنيها عارف انها هترجع قلبو كان بيقولو

ان لسه القلوب علي العهد وانها مهما غابت هترجع

لكن في السنه دي حصل حاجات كتيير (نشمر كده

ونقول بسم الله علشان نعرف ايه اللي حصل 😂)

ضحا وادم كانت علاقتهم مستقره لكن بقت احسن

عن الاول وعايشين سمنه علي عسل عادي يعني اه

وندي لسه متعفنه في مكانها ولا حتي دبانه بصتلها

لكن اتحسنت كتير عن الاول وبقت حد تاني اما علي

ابن عم عبدالله حصلو مشاكل في شغلو فمقدرش

يتجوز مع انو خاطب..... ام السنجل المتعفن التاني

اللي مبقاش سنجل اقصد حمزه خطب بنت زي القمر