#زواج_بالاتفاق
الحلقة3
قبل متقري ايدك ع الايك حتي لو مكنتي تقري فيها بنصفي التفاعل
_______
انا الحمد الله وصلت حيييي حبيبي القديم لياا وين مشفته الله الله ع ذكرايتنا نمشي نسلم عليه
رضا وقفني
انا خيرك
رضا نشوفكك واقفه مع حد نكسرلك رجليك نسيتي اتفقنا
انا اتفاقنا عليك انت وبس وخطاني
رضا شدني وحطني ف سيارة
انا هييي انت وين ماشي بيااا
رضا مردش عليا
انا هييي انت وين ماشي
رضا معصب
اسراء ان شاء الله يقتلها
نسرين خيرهه خوك
اسراء بينه وبين مراته شن دخلك
____
انا وين رافعني وقت ع محاضرتي
رضا مفيش جامعه
انا شن تخرط انت
رضا لماا تعقلي وتحطي عقلك فراسك وتبطلي حركات الاطفال ح نرفعك وهييي انزلي
انا مش نازله ومش مبطلتهن وهياا ماشية بروحي
رضا شدني من ايدي
انا هييي انت كنك بارد منبيش
جينا للحوش وقفله عشان منهربش
انا حقير باهي ولله نكلم بابا
رضا كلمي بابا عشان نقوله بنتك قاعدة تتمعشق
انا اي حبيبي القديم وجيت بنسلم عليه وين المشكله
رضا طلع وسيبني
انا مش خربت علياا محاضرتي مفيش مشي للشركه
مشيت خذيت دبشه كله لي في دولاب وبديت فيه بلمقص
رضا خش ع اساس بيلبس ويطلع انصدم بدبشه
انا خيرك انخلعت
رضا شن درتي بصوت عالي وعصبيه
انا خربت عليا محاضرتي نخرب عليك شغلك
رضا مجنونه انتي مجنونه نرفعك لمستشفي مجانين
انا هذا مناقص تبيه انت يابابا هذا
رضا كيف بندير توا كيف بندير وهلي دايرين حفله بعدين
انا مش ح نمشي
رضا طلع تلفونه
انا خيرك
رضا بنتصل بي بوك معش نتحملك
انا لالا باليز وعد معش نزعجك اهو خليتله دبش
رضا خذاااه وهوا معصب
انا شن بندير هوا حرمني من محاضرتي
رنت عليا نسرين
نسرين وين مشيتي
انا رفعني المريض هذا وحبسني
نسرين وخيرك ما نطيتي من الروشن
انا ولله فكرهه هيااا جايتكن
نسرين ولله هبله
___
انا شفت لي رضا لقيته يدوش خذيت حبل ونطيت من الروشن وطبعا كتبتله رساله وخذيت فلوس منه عشان التكسي
__
اسراء خويا ميحبهش وهوا حصله وديما يضرب فيها خذها عشاني بس لان تتعارك معاي وتتجكتر
انا من ليضرب فيها
اسراء ولا كلمه
انا اكذبي اي اي وربي الا لما نقتلك وقعدت بنضربها ونسرين توقف فياا
نسرين عيب اخت زوجك هذي
انا اطلقيني عليها سمعتي شن تحكي قالك يضرب فيا وربي الا لما نربيها
نسرين فوتيها المحاضره بدت
انا حسابها مش نسيته
نسرين اي متنسيش اهم شي قدام الناس لا
انا حقيرهه
___
عند رضا لبس وقعد يدور فيا
رضا تي وينها هذي معقوله متخبيه فشي مكان
شوي لقا رساله
انا زوجي حبيبي انت جبرتني نهرب اهم شي العلم وسامحني وخذيت منك فلوس
رضا ضحك ع تصرفاتي الهبله
___
عندي انا كملت المحاضره وقعدت نستنا في رضا يروح بيا
رضا جاا
انا بنقولك حاجه قول لي اختك تخطاني وربي الا لما نريشها
اسراء تقدري ع اساس منخافش منك يا ماما
انا قعدت بنضربها رضا وقفني
رضا ونبي بلاش فضايح الكل يتفرجو عليكم مناقص غير يجو الصحافيين وهكي تكمل انتي بوي بيقتلك وانت بوك نفس الشي
انا لو سمحت بوي ميقتلنش
رضا تعالي بلاش طولت السان عشان تلحقي تجهزي روحك
انا ارفعني للكوفيره
رضا نخدم عندك
انا ح نمكيج بروحي ولماا نشوفهن تقوللهم راجلي ميبيش يرفعني وبخيل
رضا مجنونه وتديرها ح نرفعك
اسراء وارفعني حتي انا
انا خيرك انتي اولا منكاش انتي العروس وثانيا ليش تغاري مني
اسراء نحكي مع خوي مدخلكش
انا خوك هوا زوجي حبيبي وربي ترفعها معاي نديرلك فضيحه
رضاا مش رافعه خلاص
انا قعدت نشوف لي اسراء بنضرات انتصار
___
تسريع الاحداث
مشيت الكوفيرهه ولبست فستان اسود منفوخ زي بتاع الاميرات وجاا رضا بيرفعني قعد سارح فيا
انا هييي انت خيرك تشبحلي هكي
رضا لالا شي تاخرنا هياا
انا شن رايك طالعه باربي صح اعترف
رضا تخوفي من كذب عليك
انا نعرف روحي نخبل منبيش رايك يا بابا
رضا يضحك
وصلنا لي حوش اهل رضا وكانو في معازيم عرم والناس كلهم يشوفولي
اسراء هلا بمرات خويا حقاا طالعه تهبلي
انا استغربت في كلام اسراء
بس وانا خاشه قريب طحت شدني رضا ونضرات العشاق بتاع المسلسلات عرفتوهن
انا انتي صحح
اسراء شنو
رضا حسابك بعد تالي مش توا
نور جت سلمت ع رضا
انا شديت رضا
انا زوجي ميسلمش ع نساوين
نور اهاا قبل ميكون زوجك هوا حبيبي والكل عارفين شهر وتتطلقو
انا لا معش بنطلقو وانتي ماضي وياريت تبعدي ع زوجي خير منعجنك هنا واسالي بنت عمك منتحشمش
رضا ميت ضحك وطلع
انا دحناسه خزززي
نور ح نشوف وربي الا لماا ناخذهه
عميمه يا بنتي تعال اقعدي
الناس كلهم واضح اني عاجبتهم
اخت عميمه تهبل مشالله عليها باهي مخذتوله الحربه نور بتموت القهر وتخطط لشي
___
نور هاتي بنحرقها زي محرقتني قدام رضا وذلتني
اسراء لالا هكي ح يعرفو انك متقصدتها
نور غير هاتي السفرهه
ومشت نور عطت الناس وجاي دوري
وبوم سفرة القهوة تطيح عليااا
انا وووه انحرقت خيرك متشبحيش
نور مش بقصدي اسفة اسفةة
انا مشيت وقعدت نبكي جاا رضا
رضا خيرك تبكي شن في
انا شوف ايدي
رضا خيرك من دار فيك هكي
انا نور
رضا مشاا وهوا معصب
#يتبع
أنت تقرأ
زواج بلاتفاق ( روايات ليبية )
Romansللكاتبة : توجي حب بين طرفين باتفاق بينهم فما سبب حبهم و لماذا باتفاق ؟
