#زواج_بالاتفاق
حلقة 5
______
سافرنا ووصلنا لي اوتيل
انا لا مستحيل نقعد معاك ف غرفه وحدهه احجز غرفتين
رضا مش ميت عليك سمعتي قال مفيش الا غرفه وحدة
انا اممم ح نوافق بس بشرط السرير ليا
رضا اممم موافق تعالي بس
انا رتبت دبشي ف دولاب وجيت بنطلع
رضا ع وين متطلعيش لعند تغيري لبستك
انا نعم من امتا بديت تحكم فيا
رضا بلاش طولة لسان
انا هكي لسان عاجبك باهي مش عاجبك يعجبك غصب عنك
رضا متخلينش نعصب وامشي زي مقلتلك
انا هووووف امتا يكمل الشهر هوا حتي بابا ميدخلش بيا
رضا نازل نتعشا البسي والحقيني
انا نبي بيتزا وشورما ......) طلبات واجد
رضا متاكدهه بتكلهم كلهم
انا اي جيعانه وطريق
رضا مستغرب بس كيف بوك مفلسش منك
انا قريب علن افلاسه
رضا هيييي بننزل متت جوع
انا اممم تمام
____
عند نور
نور لالا مش مصدقةة مش قلتلك انا مش قلت اهو ح يحبها
اسراء مش ماشين شهر عسل هماا ماشين شغل كم يوم وبيرجعو
نور ليش رفعها معاه
اسراء هيا بروحها تعرفيها لصقه
نور هات التلفون
اسراء خيرك شن بتديري
نور بنحجز طيارة وبنلحقهم
اسراء من عقلك
نور مستحيل نخليها تتهنا بيه
اسراء اوك هاكي
نور خذت التلفون واتصلت وقالوها السفر موقف يومين بسبب الجو
نور شفتي كيف الحظ معها
اسراء اهدي رضا ليك انتي وبس ايام وح يطلقها
نور واذا حبها البنت قنينه وحلوهه
اسراء اي منقدرش ننكر بس قليلة ادب ورضا ميحبش اشكالها
نور تبكي
اسراء اصبري ح نرن عليها
ورنت عليا
انا كنت بنطلع
انا حييي شن بيصير فدنيا اسراء ترن عليا
اسراء وين خويا نبيه
انا خوكي مش فاضي وبعدين معش ترني نحنا فشهر عسل متخربيش علينا
اسراء ههه الكلام هذا قوليه لحد غريب كلنا نعرفو زواجكم شهر بس
انا عادي ولو شهر معش ترني وصكرت عليها
اسراء ولله حقيرهه
نور مش قلتلك
اسراء ونبي يا نور متجننيش معاك
نور بتاخذه مني
اسراء ضربتها تي اسكتي وجعتي راسي وطلعت
____
عندي انا كنت نازله من الدروج خبطت في واحد
انا خيرك اعمي متشبحش
الشاب انتي الي متشبحيش
انا غلطان وتحط ف الحق عليا ولله نفضح بيك
رضا شافلي واقفه معاهه جاني
شدني
انا خيرك منعرفش هوا خبط فيا ويقولي غلطانه
رضا معليش يا خويا بس مجنونه فوتها
انا مصحك انت المجنون مريض
رضا تعالي تعشي بس
انا اي حق بنموت من الجوع
وجيت تعشيت
طبعا منرتاحش الا لما ننابش رضا خذيت اميه وطيحتها عليه
رضا تي خيرك متشبحيش انتي صدق فيك الراجل
انا هيييي يا بابا متغلطش وبعدين مش بقصدي بلغلط
رضا مشا بيغير دبشه
وانا حبيت نلعب بعصاب نور
مشيت وراها وصورته وبعتتها لنور
يحليلي من عضلات راجلي حبيبي
نور شفتها
نور مش قلتلك وبدت تعيط وتتعارك مع اسراء
اسراء مدام هكي انتي مستحيل تقدري تاخذيه من امتا انتي ضعيفه هكي غدوا ناخذو طيارة ونمشولهم
نور نرن ع رضا يديرلي مشغول
نور شكله الا رسمي حبها
____
طبعا التلفون كان عندي
رضا شن تديري هني
انا خلعتني لا جيت بنرتاح شوي عندي صداع
رضا تعشيتي
انا اي الحمد الله معليش ام سوري ع الي درته
رضا لا عادي ولا يهمك انا بنطلع نشوف الشغل ديري بالك ع روحك
انا ارفعني معاك
رضا ماشية للشركة مش ماشي سياحة
انا مصحكك حتي بابا ماعمري مشيت معاه ونبي وراس رضا ارفعني بعدين نخاف بروحي
واخيرا رضا وافق
مشيت معاهه
انا محلاها الشركة ولله تجنن يا رضا
رضا وخيرك متشتغليش مع بوك
انا بعد نتخرج نفكر نشتغل معاه
رضا قاعد يشوف ف شغل ع لابتوب
جيت جنبه
رضا خيرك
انا استحشت ماما
رضا ليكي اسبوع معايا مخطرلكش الا لما سافرني تقولي نبي ماما
انا اي استحشتها
رضا ولله عقلك عقل طفلة
انا هاا قالولك عقل عزوز
رضا ههه
انا يهرب بيت ضحكته شكلي بنكبد
رضا شنو
انا لالا شي
جت سكرتيرة رضا وكانت حليوه وتدحنس ع رضا
انا هييي يا ماما زيدي غادي وهاتي الملفات وامشي
السكرتيرة خيرها هذي وطلعت
رضا ليش تصرفتي هكي معها
انا تدحنس وكنت بنحافظ عليك لنور لو تشوفها ممكن تموت
رضا تغاري عليا اعترفي
انا هه قالك نغار عليك وجيت بنطلع
رضا شدني
انا هييي خيرك
رضا خليك هنا نعرف لو طلعتي بتفضحي بيا
انا لساني ميريحنش الي بقلل ادب بيرد عليه
رضا خليك شطورة نرفعك للحديقةة بتاع الملاهي
انا بجد
رضا اي منعرف انك طفلة
انا لو سمحت معدش تقولها
رضا قرب مني وبنرد نقولها طفلة شن بتديري لصقني ف الحيط
#يتبع
أنت تقرأ
زواج بلاتفاق ( روايات ليبية )
Roman d'amourللكاتبة : توجي حب بين طرفين باتفاق بينهم فما سبب حبهم و لماذا باتفاق ؟
