#ذات الخمار الأسود1
ليش يامصطفى تقول هكي أعطيني سبب مقنع يخليك تسيبني قولي ليش عارفني نحبك ونموت فيك
مصطفى قتلك معاش نبيك بالسيف هوا خيرك أنتى ماتفهميش ولاماعندكش كرامة
أنا باهي ليش بتسيبني
مصطفى ماهو أمي بتخطبلي وحدة شريفة وماتكلمش ف ولاد
أنا قصدك أنا مش شريفة لأنى نكلم فيك
مصطفى زي ماكلمتيني حاتكلمي غيري وتوا زيدي عليا غادي
أنا غير أسمعني طوط طوط طوط صكر عليا وقعدت نبكي 😭😭😭😭
دلال خيرك وخيتي تبكي شن بيك
أنا سيبني مصطفي
دلال أنا من الأول قتلك راهو يكذب عليك أنتي غبية
أنا ثلاثة سنين أنا وياه وعدني بيخطبني بنيت معاه كل أحلامي كان يحبني ويغار عليا
دلال الحمد لله الى طلعه من حياتك وعرفتيه ع حقيقته
أنا أميرة عمري 26سنة طويلة حنطية متوسطة الجمال نحنا أربعة بنات وثلاثة ولاد أنا الوسطية ايمن مواليد80متزوج وعنده خمسة صغار فارس مواليد 85 خاطب وعرسه قريب هيثم مواليد87 مايبيش يتزوج عايش حياته بالطول وبالعرض دلال وداليا تؤام مواليد93 بتول مواليد97 حالتنا المادية عادية والحمد لله
أنا لازم ننتقم منه مش حانبكي ع واحد حقير زي هذا بس من وين بنبدأ لازم ندير علاقات ونكلم ولاد وفتحت التلفون فتحت فيس جديد وبدل مانحط صورة بنت محجبة زي صورة بروافيلي متع فيسي الأول حطيت صورة فيها نوع من الأغراء وسميته سوسو الدلوعة وأرسلت طلبات صداقة لأكبر عدد من الشباب وفتحت الخاص
اول فريسة بعتلي رسالة ترحيب
أنا بعتله💋
الفريسة ممكن نتعرف ياحلوة
أنا عجبتني كلمة حلوة أكثر من أسمي 😍😍
الفريسة أنتى الحلو والعسل والسكر
أنا وسن أسمي ويدلعو فيا سوسو
الفريسة انا أسمي فاضل ياسوسو
أنا أسمك حلو ويهبل زيك
فاضل لسانك عسل ممكن نحكو فيديو
أنا خليها بعدين النت عندي ضعيف هلبة
فاضل باهي ياحبي أحكيلي شن لابسة وكيف راقدة
أنا شن تبي تلبس زيني
فاضل تي خيرك يا......
أنا بلوك تافه حقير ووواك تي هما أغلب الشباب هكي جوهم كيف بنخش ع العلاقات والهم الله لاتسامحك يامصطفى
دلال أميرة تعالي صغار أيمن يسألو عليك
أنا هيا جاية فات اليوم عادي
دلال هيا يابقرة عطلنا
أنا تي هيا طلعت
مشينا لحوش خالي
انا مريومة
مريومه أميرة عاش من شافك
أنا تي وينك مغيبة من أيام الثانوية
مريومة إنتى الى معاش دورتي لاسألتي
أنا خيرك تحجبتي شكلك تزوجتي ولانخطبتي الخمار والقفازات والحركات
مريومة لاتزوجت ولانخطبت لكن ربي هداني
غادة إنتي غير سلمي علينا قبل وبعدها قصقصي
أنا والله نسيتكم لكن عادي بنات خالي وديما نشوف فيكم
غفران نوضو ملا نخشو ونخلوها توا تروح صاحبتها وتجي بروحها زي المسكينة مش حانكلموك راه
أنا تعالو أحكولي من وين تعرفوها
مريومه زبونتاي هادو
غفران هدى الى نحكولك عليها الى دير ف لصقة الحنة
أنا هوا أنتي صار
دلال وين خالي وعمتى سعاد
غادة وغفران الداخل هيا كان بتخشي معانا عادل وعياله
قعدت أنا ومريومه نهدرزو ونسترجعو ف الدكريات ونضحكو
مريومة مافيش حبيب ولاخطيب ولاشي
أنا حكيتلها قصتي مع مصطفى وكيف باعني وسيبني
مريومة وشن ناوية بديري
انا نبي نردله الضربة نبي نوجعه وع أساس بنتعرف ع ولاد وبنخش ف جو العلاقات نصهم يتصيعو ويقولو ف كلام سخيف
مريومه ههههه ضحكتيني تعرفي بما أنك حكيتيلي أسمعي قصتي حتى انا زيك ف الأول حبيت واحد ولقيت روحي انا الخاسرة الحب لايجيب فلوس ولاتلفونات دوة زايدة وخلاص أمشيت شن درت قعدت نكلم ف شباب والى يعطيني فلوس والى يهديني تلفون اخر نوعية ولبس وكل شي والى نحبه قاعد يجري ف جرتي زي الكلب حشاك
أنا قصدك حتى توا
مريومة إيه وكان قصدك ع الى لابسته باش مايشك فيا حد نتكلم براحتي ونركب مع جماعتي براحتي وجوي عشرة
أنا مقوى قلبك
مريومة أنا توا بنوض نروح وهاتي نسجلك رقمي أتصلي بيا توا نساعدك باش تنتقمي بس لازم تقوى قلبك طريقي مش ساهل
أنا ولايهمك
ف الليل نتقلب ف فراشي ونفكر ف كلام مريومة مسكت التلفون ورنيت ع مصطفى لقيته حاطني ف الرفض
أنا قعدت نبكي خشيت ع الوتس وقعدت نقرا ف رسايلنا خشيت ع مريومة لقيتها متصل الأن
انا هلا انا أميرة
مريومة أهلين
أنا كيف ندير باش نولي زيك
مريومة بنعطيك رقم ولد توا ديريله رنه بس توا يعاودلك ولازم تكسبيه حاتلقيه بعدين صدقيني وحايساعدك هلبة
أنا بنوع من الخوف تمام أبعتيه
في قلبِ كل إنسان نبتة صَالحَة؛
إن سقاها بالخير تفرّعت وصنعَت له بستُانًا ،
وإن سقاها بالشر فسَدت وأفسدت أرضه!يتبع
كل عام وأنتو بألف خير وعساكم من عواده
• أعطوني رايكم
أنت تقرأ
ذات الخمار الأسود (روايات ليبية )
Romanceتدور حول بنت ليبية ارتكبت ذنب عظيم و سلكت طريق الدين لتتستر به فما مصيرها ؟ تشويق رهيب للكاتبة : القطة الشريرة
