ذات الخمار الأسود 10الأخيرة
رن تلفوني وكان رقم غريب
أنا ألو
مريومة أميرة وكانت تبكي
أنا خيرك مريومة شن بيك
مريومة مصيبه وجت ع رأسي ياصاحبتي يهددو فيا وبيقتلوني
أنا من بيقتلك
مريومة يبوك تطلعي معاهم وأنا قلتلهم انك ثبتي وقالولي كان ماتكلميها لينا والله لما نقتلوك
أنا توا نخبر أنس ووائل
مريومة لاردبالك هدينا ناس مايعرفو غير الدبح والقتل لازم تمشيلهم ورأس وخيتي أول مرة وأخر مرة نطلب منك هالطلب
أنا بس أنا ثبت ووعدت أنس انى معاش بنرجع للطريق هذا
مريومة مرة وحدة بس ياأميرة بالله عليك وبعدين وعد معاش نجي ف طريقك وربي ولو كلموني مرة تانية أنا نخبر وائل لكن توا خايف يديروله شي انتي ترضيها بعد ماوقف معاك
أنا تمام بس أخر مرة
مريومة شكرآ ياأميرة بجد أنقدتي حياتي
فى الليل
أنس حبيبي خيرك مش ع بعضك
أنا حبي لو كتشفت ف يوم من الأيام إني مخبيه عليك سر حاتسامحني
أنس أكيد حبي لأنه أكيد عندك سبب
أنا نحبك ونموت فيك
ف الصبح لبست وجهزت روحي
مريومة كانك واتية أطلعي انا قدام حوشكم
انا شوية تانية بس
مريومه الو هيمو صار معايا ظرف لكن بتجيك صاحبتي
هيثم شن وضعها البنت
مريومة والله حاتعيش معاها أحلا جو حبي
هيثم كان هكي أوكي ماتفرقش
مريومة خلي الباب مفتوح بس ولما توصل توا نديرلك رنه
هيثم تم ياحبي
ف السيارة
مريومة سامحيني ياحبي
أنا أهم شي تكون هدي أخر مرة لأني ف المرة الجاية بنخبر أنس
مريومة وعد حاتكون هدي أخر مرة
وصلنا للشقه ونزلت
مريومة رنت ع هيثم وأنا نزلت
لقبت الباب الخارجي مفتوح والباب الرئيسي مردود خشيت وحولت الخمار وسكرت الباب
هيثم من الداخل ياأهلآ ياأهلآ
انا الصوت هذا مش وطلع هيثم قدام وجهي
هيثم وقف وكان مصدوم اااننننننن وفجأة نقلبو عيونه وحط ايده ع قلبه وطاح ع الأرض
أنا هيثم نسيت نقولكم ان خويا هيثم مريض بالقلب ياربي شن ندير وهربت
ف الطريق تصلت بمريومة بس ماردت عليا كنت خايفة وماقدرتش نرجع للحوش
مريومة كانت مروحه ف الطريق وهيا قاطعه الطريق طلعت قدامها سيارة وصار حادت
أنا وائل تعال أرفعني بالله عليك
وائل خيرك شن فيه انا تعالا بسرعه وعطيته النعته
أنس خيرها ماترد الفرخة
وائل تي خيرك ليش منظرك هكي انا خش للشقه وشوف خويا انا قتلته قتلته
وائل شن تقولي وخش يجري وأتصل بالأسعاف
بابا فى أما مستشفى هيا جاي توا
ماما شن فيه
بابا هيثم مانعرف خيره ومشو يجرو للمستشفى
وائل إنتي غبيه شن قتلك أنا معاش تسمعي كلامها الحيوانه الى إسمها مريم إنتي غبية وتصل باأنس
مصطفى حبي تلفونك يرن
سمية دوش مرات هدي ياسمين اختي رد عليها
مصطفى تذا رقم غريب ورد عليه
المتصل تي شني راجلك هذا مازال لاصق فيك ستاحشتك
مصطفى ياحقير ياواطي والله لما نعرفك ونجيبك وكسر التلفون وقعد يدق ع سمية وعطاها طريحة ورفعها لحوش ماليها بعد ماطلقها بالثلاثة
الدكتور البقية ف حياتكم
بابا وماما وخوتي انهارو وقعدو يبكو
هيثم مات بالسكته القلبية
أنس ليش ياأميرة ليش تعرفي قداش طحتي من عيني أنا عطيتك الأمان وقتلك اي شي يصير معاك خبريني
أنا نبكي هيا كذبت عليا وقاتلي بيقتلوكم والله ماقدرت نخبركم شوفولي هيثم شن صار فيه
أنس دار إتصاله وخبروه ع هيثم
أنا خيرك مات قول هيثم مات
أنس إدعيله
أنا قعدت نبكي كله مني أنا السبب وروح بيا أنس
مريومة رفعوها للمستشفى وللأسف وصلت ميتة
ماما تبكي وخواتي يبكو
أنا خشيت للدار وقعدت فيها للمغرب
دلال قالولي ناديتيني
أنا خودي الرسالة هدي نبيك تعطيها لى أنس
دلال ليش إنتي وين ماشية
أنا مش ماشية وين لكن تعاركت معاه نبيك تعطيهاله غدوة
دلال تمام وحطتها ف الدولاب
الساعة 12.00
خشيت للحمام وقطعت عروقي
تعرفو ليش صار معايا هكي لأنى تسترت بالدين وزنيت وكنت عارفة إن الشي الى ندير فيه غلط
تاني شي طعنت ف شرف بنت برئية ماعندها علاقة بشي ودمرتلها حياتها وف الوقت الى أنا كملت فيه حياتي كانت جنان تصلي وتدعي إن ربي ينصرها ويأخد الحق وربي يمهل ولايهمل وظلمتك أنت ياأنس جيت معايا راجل بس أنا الى كنت عيلة وضعيفة إيمان نجريت ونغريت من كلام مريم بس حبيتك حب جنوني شفت الجنة معاك عشت أحلا أيامي عمري نبيك تسامحني لأني ضعيفة وماقدرت نكمل معاك انا بنت رخيصة وأنت تستاهل وحدة أحسن مني أدعولي إن ربي يسامحني نحبك أنس نتمنالك السعادة من كل قلبي ياأغلا إنسان ع قلبي ف أمان الله
دلال لوكنت نحسابها بتنتحر راهو ماسيبتها ياأنس مش مصدقة الى صار
أنس يمسح ف دموعه لاإاله الا الله ان لله وان إليه راجعون
دلال فهمني شن صار معاها بالله عليك
أنس مش وقته توا خلي نكمل الإجراءات مع عمي
ودعت أميرة الحياة والمشكله عاشت حياتها غلط وموتتها كانت غلط هلبة ناس تتعبر ف الإنتحار حل باش تهرب من مشاكلها بس الشي هذا أكبر غلط الصراحة الناس الضعيفة والناس الى ايمانها ضعيف بس يكون هدا المهرب متاعها
بصفتي أخت أميرة ننصح كل بنت اخت ام صديقة واجهي مشاكلك مهما كانت كبيرة ردبالك تضعفي قدام أي مشكلة تواجهك إنتى قوية مش ضعيفة وأهم شي حافظي ع إيمانك وع دينك تمسكي بحجابك وردو بالكم تحكمو ع الشخص من لبسه لأن اللبس عمره ماكان مقياس للشخص
انا وانس تزوجنا صح هيا غريبة إني نتزوج خطيب أختي بس بعد وفاه أميرة قعدت فترة نكلم فيه كنت نبي نفهم قصة أميرة وليش ماتت وشن صار وهكي تقربنا من بعضنا وحبينا بعضنا واليوم عايشين وعندي بنوته أسمها أميرة
مصطفى أسف ياأميرة لأنى كنت غبي معاك أنا غلطت فيك هلبة وربي عاقبني أشد عقاب ربي يرحمك ويغفرلك
اما وائل متأثر بموت أميرة هلبة واليوم رافع أهله بيخطب جنان وبيصلح غلطته
النهايه
ذِهبوا لقَبوَرهمُ وَ بقيتُ الاسَماءُ فيّ الذِاكرةُ علىّ هيئةُ وجعَ !
إلھيّ لَاتحرمَ أمُواتناِ منْ مُغفرتَك فقدِ انقطعّ بھمَ العمُل .
أنت تقرأ
ذات الخمار الأسود (روايات ليبية )
Romanceتدور حول بنت ليبية ارتكبت ذنب عظيم و سلكت طريق الدين لتتستر به فما مصيرها ؟ تشويق رهيب للكاتبة : القطة الشريرة
