ذات الخمار الأسود (روايات ليبية )

حلقة 5🔥

#ذات الخمار الأسود5

نراقب فيك من بعيد بس ماحبيت نسببلك أي إحراج بس اليوم أنا خلاص مش قادر نتحمل أكثر من هكي راهو نحبك يابنت ونموت فيك
جنان صكرت ف وجهه
أنا ههههههه ماتخافيش ساهلة لعبتي طيح سعدك
وائل هما يومين بس وتوا ندكرك بالكلام هذا
أنا خليني نشوف شطارتك ولاغير شاطر ف قلة الأدب
وائل غير وصلنا الباقي وريتك شن هيا قلة الأدب
أنا باي حبي
نزلت لحوش مريومة وكسدت معاها شوية وبعدها روحنا
ماما حمد لله ع السلامة
دلال وخوتي وخواتي شيختنا نورتي وكانو يسألو فيا شن درت ف حوش مريومة
أنا قعدت نكذب ونلفق ع أساس صلاة وعبادة
ماما مازال أسبوعين ع عرس فارس ومازال ماوتينا شي
أنا من توا أعفوني حانعول قبل العرس لكن مش حانحضر العرس
ماما كيف عرس خوك
أنا ياماما راهو اغانى حرام والناس عاريات وهدا الشي منهي عنه
ماما عادي لو تغاضيتي عشان خوك
أنا لاياماما حرام ومانقدرش نتساهل ف حاجة تخص أمور الدين
فارس خلوها براحتها
دلال إيه ياماما راهو بنضغطو كان ماجرينا من توا
ماما من غدوة إن شاء الله حانبدو
فات اليوم عادي من غير أي أحداث ومع الساعة 3.30فى الليل رن مصطفى عليا ولقاني إنتظار
أنا حبي شهاب شوي ونكلمك وفتحت على مصطفى
مصطفى ف من كنتي تكلمي
أنا ههههه حلو السؤال بصفتك شن قاعد تسأل
مصطفى وأنتي قلتيها غير كلمتك باش نعزمك ع عرسي أكيدا سمعتي بيا خطبت
أنا والله كان حبيبي عطاني الأذن وسمحلي نجي ليش لا وألف مبروك الخطوبة ربي يهنيك وتوا تصبح ع خير مانبيش حبي يتصل بيا ويلقاني إنتظار باى وطوط طوط طوط الصراحة حسيت بغصة بس حسيت براحة لأنه كان يبي يكسرني بس كسرته أنى
مصطفى إنت ليش زعلان وليش متصل بيها أصلآ هدي أول مرة من يوم ماتعرفت عليها نلقاها إنتظار معقولة حبت غيري توقعت أول ماتسمع صوتي تبكي وتقولي ماتسيبني زي كل مرة كنت نزعل فيها منها
ف الصبح أول مانضت لقيت رسالة من أنس يسعد صباحك
أنا مارديت عليه نضت دوشت ولقيت ماما ودلال مهناش
أنا صباح الخير
بابا وفارس صباح النور
أنا وين ماما ودلال
بابا طلعو للسوق
أنا وخيرهم مارفعوني
بابا أنا قتلهم خلوها ترقد لأنها ماترقد لين تصلي الفجر
أنا تمنيت الأرض تنشق وتبلعني ضميري بدا يأنب فيا معقولة أنت درت فيهم هكي وهما حاطين فيا الثقة
فارس أهم شي تدعيلنا والآ لا
أنا بغصة والعبرة خانقتني أكيد من عندي غيركم باش ندعيله
بابا أدعي لكل أمه محمد بالهداية والشفاء وأن يرحم الله الموتى وهكي الملائكة ترد عليك وتقولك لكي بالمثل
أنا بارك الله فيك يابابا معلومة جديدة عليا هدى
فطرت وضميت الحوش وطيبت الغداء ولقيت أنس باعتلي مسج شن أخبارك وشن مدايرة
أنا خيره هذا مش صبح ومادورته بس حلو الأهتمام لكن زي مايقولو البدايات ديما حلوة يعني هذا أكيد إهتمام مؤقت
أنا بابا بنمشي عند مريومة
بابا خلاص يابنتي كنتي عندها الخميس وامس روحتي هلبة هكي
أنا ماهو بنراجعو عشان غدوة المدرسة
بابا راهو كثر المشي عند الناس هلبة مش كويس
أنا مش كويس ةما يمشي ف الهدرزة الفارغة والكلام الزايد لكن نحنا نقرو ف القراءن
بابا ماعندي مانقول البسي خلي نوصلك
أنا بعتت مسج لى أنس بعد شويا طالعة راجيني بحدا حوش مريومة
لبست وطلعنا
وائل أنتى غير أعطيني فرصة يابنت الناس والله شاريك ونحبك
جنان خوتي واعرين وحايشكو ف الموضوع ويقولو أكيدا تعرفت عليك ف الهاتف
وائل والله ماني مخلي واحد يحكي عليك بكلمة شرفي أنتي راهو
جنان باهي مش توا خلي نتعرف عليك أكثر مرات مانتفاهمو
وائل الصراحة أنا راجل مانحب هدرزة التلفون واللعب ع بنات الناس نبي نجي من الباب والناس تبدا كلها عارفة
جنان تعرف معاش فى منها نوعيتك اهيا بجد ربي يحفظك بس لازم نتعرفو قبل
وائل عشان خاطرك بس راهو
جنان يسلم خاطرك أنا توا نستأذنك نحكو بعدين
وائل تمام باي
انا هااي
أنس هايات شن الجو
أنا مليح شن أخبارك
أنس الحمد لله
وقعدنا طول الطريق ساكتين وقررت نغير الجو هذا
أنا كأنك أول مرة ترفع معاك بنت
أنس كيف يعني
أنا متحشم وساكت مافيكش جو بكل
أنس أفتحي موضوع باه وأنا نأخد ونعطي معاك
أنا معناها خلينا ساكتين أحسن
أنس هيا أنزلي وصلنا
أنا هدا حوشكم
أنس هذا حوشي أنا وأنتى بتخشيله قبل مرتي
أنا لامانبيش لأنى بندخل اللعنه فيه بدل ماندخل البركة
أنس معاش تقولي هكي يابنت إنتي ليش كارهة روحك لازم تحبي نفسك وتتسامحي معاها توا تعيشي
أنا خلينا منه الكلام الزايد مش وقته توا وخشينا كان حوش حلو وكبير
أنس شن رأيك ف ذوقي
أنا حلو هلبة محظوظة مرتك الصراحة
أنس شن رأيك تكوني أنتي مرتي
أنا هههه حلوة أهيا لكن معاش تعاودها
أنس وش فيها لو وزوجتك
أنا أنت تستاهل وحدة أحسن مني أنا مش ليك
أنس بس أنا نبيك ونبي نطلعك من الى أنتي فيه بالكي هكي ربي يرضى عليا ويغفرلي الى درته زمان
أنا كأنك تبي تزوجني مصلحة
أنس لا مش هكي كيف بنفهمك أنا حاس بيك وحاس بوضعك توا أعطيني فرصة أنتى بس
أنا إنت ملل هلبة مافيكش جووو أنا معاش نقدر نسيب الطريق هذا ومعاش نقدر نقابل ربي
أنس ليش تقولي هكي إنتى تظلمى ف روحك أسمعي
من رحمة الله:
حلمه على العاصين الجاحدين،
وإمهاله لهم ليتوبوا فيغفر لهم،
ولو شاء لعجل لهم العقوبة،
"الله أرحم بعباده من هذه بولدها"
فهمتي ياغبية تقدري توبي وتطلعي منه الطريق هذا
أنا لما ننتقم من مصطفى توا نتوب
أنس كيف بتنتقمي وحكيتله ع الخطة متاعي
أنا وهكي حاناخد حقي ثالت مثلت
أنس غلط وأكبر غلط يابنت راهو الدنيا دواره والبنت ماذنبها شي
أنا حتى أنا ماذنبي شي بس هيا ذنبها أنها أخته ولازم يندم
أنس باهي أعطيني وعد أنك لو أنتقمتي حاتوبي وتقبلي تتزوجيني
أنا وعد
أنس باهي تمام وقعدنا نهدرزو ونضحكو الصراحة غير أنه حلو وطرف قمة ف الأدب والأخلاق
فاتو الأيامات ونحنا نعولو لعرس فارس وعلاقتي باأنس طورت هلبة تعودت عليه وبديت نحب روحي وكرهت الطريق الى أنا ماشية فيه
وائل باهي شن رأيك تجيك أختي وترفعك تشوفي الحوش
جنان وانت بتكون موجود
وائل أكيد لاحبي أنا نبي ندخلك ليه عروسة
جنان والله تهبل أنت حبيبي ربي مايحرمني منك
وائل شن نكلمها أختي
جنان كلمها ع الأقل نتعرف عليها
وائل تمام حبيبي وبعدها بنجي نخطبك
جنان ياريت ياعمري والله لأنى معاش بنخاف من حد لأنك معايا
وائل نحبك
جنان نموت فيك
أنس شن قلتي أميرة بتفوتي فكرة الأنتقام خلاص
أنا إيه خلاص معاش نبي ننتقم وبنتوب
أنس باهي بنقولك حاجة والله مطلعها من قلبي ومانكذب عليك انا نحبك
أنا كنت نسمع فيها من هلبة ولاد بس مانعرف ليش هدي خلتني نرعش وخلت قلبي يدق
أنس مانبيك تردي عليا عارفك مش حاتصدقيني بالساهل بس والله نحبك والأيام حاتتبتلك هالشي
أنا ان شاء الله
ف البيت رن هاتفي
أنا أهلين باأحلا أبو لول ستاحشتك
وائل كذابة وين ياحقيرة
أنا مع صاحبك وين بنكون يعني
وائل هاتي البشارة
أنا قووول طاحت
وائل طيحة شنيعة وبنجيبها للوكر
أنا الله عليك ياحبي والله أنك قدع
وائل شن الخطة الجاية
أنا توا دور مريومة
وائل كلميها أنتي وبعدها أنا جاهز
أنا مية مية باااي
وتصلت بمريومة وقتلها ع الخطة كاملة ووافقت بس بشروط
أنا بس يامريومة انا خلاص بنتوب
مريومة أنا من الأول قتلك طريقي مش ساهل ومعاش فيه رجوع لازم تكملي وأنا عندي زباين هلبة ونبي نرضيهم والا نمشي لخوتك وبوك ومصطفى ونكشف كل شي
أنا تمام مية مية
سكرت منها اسفة ياأنس أنت صدقتني بس أنا مستحيل نحول الفكرة من راسي ولازم ننتقم حتى أنا حبيتك وحبيت حنيتك عليا بس مستحيل نعاود نفس الغلطة
جهاد الو مصطفى ف بنت مكسدة وتبي من يدلعها فاقلت مافي الا مصطفى خصوصآ انك بتودع العزوبية
مصطفى عارفك ياصديقي تحبني هلبة قولي وين وأمتى بس وخلي الباقي عليا
جهاد خود بنعطيك رقم وحدة توصلك بيها
مصطفى تم ياقلم نراجي فيه
مريومة ألو
مصطفى
يتبع