#ذات الخمار الأسود 9
وائل مريومة الكلبة وطلع وهو معصب
انا ليا أسبوع معاش كلمت وائل وأنس
مريومة أهلين لولي
وائل أنتي كيف تتصرفي من رأسك وتبعتي أميرة مع حامد
مريومة والله هدا كان شرطي من الأول ولاتحسابني خشيت ف القصة هكي وخلاص
وائل واطيه وحاتقعدي طول عمرك واطية نبي نشوفك اليوم وضروري
مريومة اليوم مشغولة خليها غدوة
أنس وينها ياربي طمني عليها ليش ياأميرة معاش رديتي عليا احسن شي نتصل بوائل
وائل أهلين برو
أنس اهلين بيك فاضي
وائل ايه فاضي
أنس تتلاقو ف مكانا
وائل شوية وجايك
أنس مية مية
مريومه وائل شن يحساب روحه وربي لو يطلع الى ف راسي حق لما نسود عيشته وعيشتها
تحدد عرس مصطفى
غفران سمعتي أميرة
أنا إنتي وأخبارك الى زي وجهك
غفران عرس مصطفى الأسبوع الجاي
أنا ربي يهنيه
غفران مازعلتيش قصدك
دلال ليش بتزعل هوا ماضي وفات
انا ودلال قالتها
وائل تي وينك ياراجل مغيب
انس والله كان عندي شوية أمور نحل فيها
وائل شن الجو العام
أنس ماشية بالله بنسألك ع أميرة وينها مختفيه
وائل حكاله القصة كاملة
أنس وأنا نقول خيرها غيبت
وائل هوا هدا
أنس مريومة حطلها حد البنت هدي
وائل ايه هدا الى بيصير أصلآ
ف الليل قاعدة ف فراشي ونفكر ف أنس ستاحشته هلبه وصلتني رساله منه كأنه حاس بيا
كيف قدرتي تقوليلي نحبك وأنتي مش قدها معقولة الكلمة هدي ساهله عندك انتي ماتفرقي ع مصطفى ف شي بعتيني ورخيتي بيا أنا بنيت أحلامي معاك وتصدقي لو قتلك أخترت حتى أسماء لولادنا بس أنتى طلعتي ماتستاهلي مشكورة هلبة وربي يسعدك
أنا نقرأ فيها بصوته وقعدت نبكي والصراحة ماتحملت كلامه ولقيت روحي متصله بيه
أنس فتح الخط وساكت
أنا والله غصبآ عني مستحيل نكون زي مصطفى والله حبيتك وهلبة مش بأيدي ياأنس قتلك أنا إنى مش ليك بس أنت الى خليتني نحبك ليش كنت معايا راجل ليش حبيتني
أنس لأنك تنحبي ياهبله ومريومة الى خلاتك تفوتيني عشان حامد والفلوس حانحطلها حد وبعدها نجي نخطبك ونتزوجك وتم الكلام فاهمة ولانعاود
أنا حبيبي والله نحبك ونموت فيك هيا هددتني بعيلتي
أنس مش قتلك أنا وانتي معايا معاش تخافي من شي
أنا من اليوم معاش بنخاف من حد وأنت معايا
أنس ستاحشتك ياعمرري معاش تعاوديها وفاتت الليلة وانا نحكي مع أنس
ف الصبح
وائل أيوا وينك أنتي
مريومة هيا طالعه حبي
وائل اركبي بسرعه ورفعها للإستراحة
مريومه حولت شن لابسة وبدت تقرب ع وائل لوكنت نعرف إنك مستاحشني راهو جيتك من أمس
وائل بعدها من عليه أسمعي مريم جاي بنقولك كلمتين أميرة خط أحمر أميرة تبعي وأنا حبيتها وحي عليك لو تقربيها ولاتجي ف طريقها ولاتعرفيني شن ندير
مريومه شن تقول أنت نسيت أنا من تي ضيعت روحي عشانك ياواطي تي حتى الى كنت مكبدة فيه فته عشانك لأني حبيتك
وائل درتي هالشي عشانك أنتي لأنك كلبة فلوس أنا كلامي وقلته وكان نسمع إنك جيتي شور أميرة أنا نعرف خوالك من ونعرف لو بعتلهم عارك شن يديرو فيك إن شاء الله يكون كلامي واضح
مريومة البنت الى أنت ميت فيها هادي تشبح فيها عايشة قصه حب مع صاحبك أنس وانت جاي تتمرجل عليا عشانها
وائل مادخلك فيها أنا الى عندي قلته ليك ردبالك تجي ف طريقها سامعه
مريومة باهي من اليوم لانعرفها ولاتعرفني
وائل وصل مريومة وكمل طريقه هالكذابة قاتلك أميرة تحب أنس
مريومة وربي لما تندمي ياأميرة
وائل باهي كان طلع كلامها صح لازم نتأكد
أنا اهلين وائل
وائل تي وين ياواطية ليك وحشة
أنا وليك أكثر
وائل معقولة هكي مريومة دير فيك هكي وماتحكيلي مش كبيدتك أنا
انا والله ياوائل انا نخاف منها مريومة ومانبيش المشاكل بينكم
وائل انا وقفتها عند حدها ومعاش بتكلمك من اليوم
أنا ربي يخليك ليا ياأحلا صاحب ف الدنيا
وائل أسمعي يا بنت الناس أنا نحبك ومش من توا من يوم تعرفت عليك مانعرفش كيف لكن حبيتك
أنا ليش ياوائل ليش حبيتني
وائل معناها لسمعته حق إنتى تحبي صاحبي أنس
أنا والله لو تقولي سيبيه حانسيبه عشانك لأنك الى درته معايا مش شويه ويشهد عليا ربي إني حبيتك بس مش كاحبيب وبتقعد أعز واحد على قلبي
وائل بجديات تسيبيه عشاني
أنا نصكر منك ونفوته
وائل توا ديري الى قلتي عليه
أنا تمام صكر
وائل نبصر عليك أنا صح زعلت منك شوي لكن أنس صاحبي وعنده أفضال عليا هلبة ومش خسارة فيه لو خليتك ليه
أنا بجد أنك أطيب إنسان وأحن واحد ع وجه الدنيا شن رأيك نزوجك وحدة من خواتي
وائل درقي وجهك معاش نبي نشوف وجهك
أنا نحبك وائل بجد ربي يحفظك
جاء أنس وخطبني وبابا وخوتي وافقو
اما مصطفى فحاليآ عايش ف شهر العسل
مريومة أهلين ياعمري
هيثم أهلين ياقلبي
مريومة وافقت نشوفك حبي
هيثم ياعمري انتي امتى باه
مريومة غدوة شن رأيك
هيثم تم ياعصفورة
يتبع
أنت تقرأ
ذات الخمار الأسود (روايات ليبية )
Romanceتدور حول بنت ليبية ارتكبت ذنب عظيم و سلكت طريق الدين لتتستر به فما مصيرها ؟ تشويق رهيب للكاتبة : القطة الشريرة
