Figi nwit lan makawon
Tankou ranyon sou moun fou
Tankou vè lanp
Ki pa nan laswenyay
Lannwit makònen ak leta
Li pwofite manje rèv
Ou ta di simityè pòtoprens
kòmsi je solèy p'ap janm kale
Anndan je lannwit, ak yon souf lespwa
Yon bann tchovi, makònen ak somèy
pou bay rèv yo fòs
jiskaske limyè fè yan.
YOU ARE READING
Deraye
PoetryPwezi pou mete lang kreyòl la anvalè. Pwezi anvayim, pwezi poze lapat sou mwen tankou lè maladi mete abako, poum fè mo yo fè lòt lang yo filalang, Pwezi blayi kòl sou pwent plim mwen, nan kole pyese n'ap rive fè yon rekèy pwezi, san tete lang ak mo...
