Lontan m'ap gadew
San oze apwochew
M'ap kalkile tout limit
Ki nan domèn definisyonw
Kounya kèm deside di'w
Tout loksijèn ou pote pou'l
Tout movezè ou chase pou'l
Tout lajwa ou ba li
Kounya m'anvvi konnen
Tout sikatris ki sou pow
Tout mistè'w kache, pran ris
pou'm fè yonn ak ou
E si pou ou, mwen dwe pèdi vim
M'ap fè'l san ezite
Paske'w se lang manman'm ak papam
Paske'w se lang kreyòl mwen
YOU ARE READING
Deraye
PoetryPwezi pou mete lang kreyòl la anvalè. Pwezi anvayim, pwezi poze lapat sou mwen tankou lè maladi mete abako, poum fè mo yo fè lòt lang yo filalang, Pwezi blayi kòl sou pwent plim mwen, nan kole pyese n'ap rive fè yon rekèy pwezi, san tete lang ak mo...
