للفهد عرين «قيد التعديل»

الفصل الثالث

نكمل روايتنا(للفهد عرين)بقلم سلسبيل كوبك 💙💙
الفصل الثالث....
آخر حاجة وصلنا عندها في الفصل التاني ان البنات دخلوا و ناموا.....
نبدأ روايتنا في الصباح الباكر..
بتقوم حور من علي السرير بكسل و تدخل الحمام تأخد دش و تخرج تلبس جيبة قصيرة لحد الركبة باللون الكشميري و تي شيرت باللون الابيض و تفرد شعرها و بعدين تروح تصحي منة علشان شغلها
حور:منة قومي يلا علشان الشغل..
منة:ماشي هقوم...و تكمل نوم
حور:يا بت انتي قومي هتتأخري..
منة:مش هروح ارتاحي بقي....
حور:بقي كدة ماشي..
و تروح تصحي ندي..
حور:ندي..
ندي:اممم
حور:معلش لو تعرفي تأجلي شغلك علشان خاطر حبيبة و تقعدي معاها...تمام
ندي:تمام ماشي..
حور:باي انا راحة لبابا..
ندي:باي..
حور تخرج تفطر و بعدين تنزل...
تركب عربيتها و بتسوق و مشغلة اغاني و منسجمة اوي و بعدين تلاحظ عربية ماشية وراها..
فحور بذكائها و زي ما علمها اخوها عرفت ازاي تهرب و تفوت منهم و وصلت لشركة والدها..
طلعت و خبطت علي مكتب والدها و دخلت اول ما دخلت والداها فرح جدا..
ادم(والد حور):أخيرا السنيوريتا قررت تحن علينا و تيجي تزورنا..
حور:في ايه يا بابا محسسني اني كنت مسافرة..
ادم:ماشي ماشي مع اني محسبتكيش علي بياتك امبارح..
حور:و الله حبيبة عملت حادثة و اكيد مش هسيبها لوحدها...
ادم:ايه ده بجد طب انا لازم اطمن عليها..
-ادم والد حور بيعتبر حبيبة و منة و ندي بناته و -فبيخاف عليهم زي حور بنته....
حور:متقلقش هي بخير مجرد التواء..
ادم:طب سلميلي عليها.. مقولتليش بقي ايه سر المفأجاة دي؟؟
حور:انا حور بنت ادم الشاذلي قررت اشتغل في الشركة....
ادم:أخيرا يا قلبي تنوري الشركة وقت ما انتي عايزة...
حور:بس يا بابا تعاملني كإني موظفة عندك...
ادم:بس انتي ليكي نسبة في الشركة...
حور:مش لازم يا بابا المهم عايزة اشتغل براحتي بليز مترفضش 😘😘
ادم:خلاص ماشي علي شغلك يا انسة حور..
حور:اموت في الجميل لما يحن😉
ادم:مش هتتغيري..
حور:باي..
ادم:بااي..اه السكرتيرة هتوريكي تعملي ايه...
حور:ماشي يا حاج....
ادم:بردو مفيش فايدة...

في مكان تاني

في شركة فهد
بيدخلوا الناس اللي كانت بتراقب حور بس حور قدرت تهرب منهم ...
واحد من الرجالة:هربت مننا يا باشا..
فهد:انا مشغل حمير ازاي هربت يعني..
واحد تاني:منعرفش يا باشا قدرت تفلت مننا..
فهد:انا مشغل بهايم انتوا مطرودين...
جاسر و فارس دخلوا في اللحظة دي.
جاسر:في ايه حصل ايه..
فهد :اللي حصل اني مشغل ناس مبتفهمش..
فارس:خلاص روحوا انتوا يا رجالة..
واحد من الرجالة:يعني مش هنطرد يا بيه..
جاسر:لا خلاص متخافوش..
جاسر:في ايه يا فهد...
فهد:ابعتهم وراها تعرف تهرب منهم..
جاسر:وراها!!هي مين دي يا فهد؟
فارس:ما تفهمنا يا فهد..
فهد:دي البنت بتاعت امبارح...
فارس:اهاااااا افتكرت...
جاسر:ما تفهموني معاكوا..بنت مين و ايه اللي حصل امبارح؟؟
فارس حكي كل اللي حصل لجاسر و فهد عيونه جامدة كل ما بيفتكر...
اول ما فارس خلص جاسر انفجر من الضحك و قعد يضحك و مش قادر يجمع كلمة...
جاسر:يعني انت هههههههههه.
جاسر:لا مش قادر.هههههههههه.
فهد فتح درجه و طلع مسدسه و وجهه نحو جاسر و قال..
فهد:ده ممكن يسكتك..
جاسر سكت فورا و فارس هو اللي ضحك المرة دي
فارس:جبان هههههههههههه
جاسر:انا بضحك علي خيبتكوا انتوا الاتنين...
جاسر:واحد يتضرب بالقلم و التاني يتعامل بالشفقة...
جاسر:البت دي قادرة ازاي قدرت تضرب الفهد دي عندها شجاعة علي كدة..
فهد:قصدك غباوة هي اللي فتحت الجحيم على نفسها...
جاسر و فارس:قصدك ايه؟
فهد:قصدي اني هخليها تتمني الموت و مش هتلاقيه... (كان بيبتسم بخبث و سخرية )
جاسر و فارس فضلوا الصمت ... و فارس سرح في حبيبة....