الفصل الاول....
تبدأ قصتنا في فيلا أدم الشاذلي في الصباح الباكر حيث:
نوران:دادة إحسان قومي صحي حور علشان الفطار..
إحسان:حاضر يا هانم..
أدم:هي حور لسة مصحيتش ده الساعة 9 و قال إيه انا بحب الشغل يا بابا بتاعت كلام و خلاص..
نورات:ههههههه خلاص بقي دي لسة صغيرة..
أدم(بحب):أومال انتي تبقي ايه ده انتي اختها يا شيخة..
نوران:خلاص بقي.
في غرفة السنيوريتا حور..الدادة إحسان بتخبط علي الباب و لكن مفيش رد خبطت مرة اتنين تلاتة مفيش رد فدخلت الغرفة لقيت نور الأوضة شغال (لأن حور من النوع اللي بتخاف من الضلمة فبتفضل مشغلاه)
اول ما دخلت الدادة لقيت حور نايمة علي سريرها بطريقة مضحكة جدا كأنها طفلة
الدادة:حور يلا اصحي يا حور و بعدين معاكي.
حور:امممم شوية الله.
الدادة:بقي كدة.
الدادة إحسان مسكت كوباية الماية اللي علي الكمودينو و دلقتها كلها عليها..
حور:بغرق.
الدادة قعدت تضحك علي منظرها و تقولها تستاهلي قومي..
و سابتها و خرجت.
الدادة (و هي خارجة)قالت:قومي يلا علشان الفطار..
حور:ماشي خلاص قايمة اوف..
حور دخلت الحمام الخاص بها في غرفتها و خدت الدوش الخاص بها اللي بيساعدها علي النشاط و الحيوية و خرجت لبست بنطلون جينز و تيشيرت أبيض بنص كم و سرحت شعرها علي شكل كعكة مع تمرد بعض الخصلات علي وجها و لبست الكوتشي بتاعها و نزلت..
في غرفة الطعام...
حور:صباح النور علي أحلي عيون شافتها عيني..
أدم:كلي بعقلي حلاوة امشي يا بت من هنا.
حور:يرضيكي كدة يا ماما طب مش هأكل..
نوران:لا تصدقي ضحكتيني مين دي اللي مش هتأكل ده انتي مخلصة علي نص أكل البيت.
حور:احم احم برستيجي ضاع كدة -و كمان مين قال اني مش هأكل انا قولت كدة يا بابا..
ضحكوا كلهم..
و قعدت حور مع والدها و والدتها علشان يأكلوا..
و بعدين حور افتكرت حاجة..
حور:هو فين يوسف؟!
نوران:لسة نايم و مش عايز يصحي..
حور:أوك ماشي. انا بس اللي بتصحوني..
أدم:ناوية حضرتك تبدأي شغل إمتي؟
حور:اووف صح نسيت دول العيال مستنيني علشان اوصلهم شغلهم..
أدم:إنتي هتجنيني يا بت إنتي..
حور:خليك رويح يا أبو روجتي.. هههههههه
و كمان حضرتك عارف إني بحب الشغل بس طالما هشتغل يبقي ادلع نفسي يومين كدة قبل ما ادخل علي الجد..
أدم:ادلع نفسي غوري يا بت من وشي..
حور:ماشي يا عم بس افتكرها..
نوران:خلي بالك علي نفسك يا حور..
حور:قلبي انتي يا مامتي انا احبك انتي انتي.
أدم:يا سلام و انا مليش في الحب نصيب..
حور:يا دومي انت في الحتة الشمال..
يوسف( اخوها بعد ما صحي و سمعها)قال:بيئة اوي علفكرة..
حور:انا بيئة طب لما ارجع..
يوسف:لا و النبي وريني دلوقتي..
حور:ظريف😏
-انا ماشية باااي...احبكوا💜
في مكان تاني في شركة الفهد و اللي طبعا بيملكها بطلنا المغرور فهد..
في مكتب فهد:
فهد:جاسر عملت ايه في الصفقة الأخيرة؟!
جاسر:عيب عليك طبعا كسبناها..
فهد:تمام..يلا روح شوف شغلك و لو في جديد قولي..
جاسر:ماشي يا كبير..
فهد:بطل ألفاظك دي..
جاسر:ده انا برئ و كل البنات بتحبني..
فهد:إمشي يلا من هنا...
جاسر:اه صحيح في حفلة بليل بس ايه عسل اوي و فيها بنات مزز.هتيجي؟؟
فهد:هشوف يلا علي شغلك..
جاسر:أنت قفوش ليه فوفو..
فهد:بصله بصة تخليه يموت في مكانه..
جاسر جري علي بره علطول😂😂جبان..
حور وهي في عربيتها بتتصل ب صحابها في مكالمة جماعية(بحيث يتكلموا هما الأربعة مع بعض)
حور:ها يا بنات انتوا فين علشان اوصلكوا؟
حبيبة:انتي لسة فاكرة انا روحت علي الشغل ..انتي عيلة واطية اساسا..
ندي:يعني انتي متصلة بيا علشان كدة و مصحياني من نومي جتك القرف...
منة:سيبك منهم يا حور عدي عليا و وديني علي شغلي و النبي..
حور:ده الترحيب الجامد ده انا غلطانة اني عبرتكوا..
حبيبة و ندي:غوري.
حور:بتقولي حاجة يا منة...
منة:ههههههههه.اكيد منظرك زبالة دلوقتي قدام نفسك 😂😂😂
حور:يا جذمة هوريكي..طب اقولك مش جيالك روحي لوحدك بقي..
منة:عادي هروح مواصلات..
حور:طب اقفلي يا زبالة...
منة:عيوني..
حور راحت علي النادي اللي مشتركة فيه..وقعدت علي الكافتيريا اللي هناك.. و كانت بتقرأ رواية و منسجمة.. ثم..
علي(شخص رزل كدة حور مش بطيقه):إيه الجمال ده!! هو القمر بقي بيطلع بالنهار كمان..
حور:ياااا ربي! هو انت مش وراك غيري و لا ايه انت سئيل اوي و بارد و معندكش دم..
علي:في ايه يا حور احنا زملاء..
حور سابته و لمت حاجتها و مشيت..
علي(في نفسه):غصب عنك هتبقي ليا يا حور...
جيه واحد صديق علي..
علاء:هي حلقتلك و لا ايه😂😂😂
علي(بغيظ مكتوم):لا طبعا هي بس وراها مشوار. كداب اوي علي ده..
حور و هي ماشية و قاعدة عمال تتكلم بكلام مش مفهوم من عصبيتها بسبب علي,فخبطت في بنت
حور:انا آسفة.
البنت:إنتي غبية مش تحاسبي..
حور(أكيد مش هتسكت):انا غبية يا حيوانة و انا غلطانة إني اعتذرتلك اللي زيك مغرورة انتي شايفة نفسك علي الفاضي انتي مجرد كوم زبالة مكانك في الزبالة اساسا..
البنت(كانت في قمة غضبها و لسة هترد), حور سابتها و مشيت 😂😂شرسة حور دي
حور راحت علي مكان الملاكمة لأنها بتحب تدافع عن نفسها بنفسها و بتحب الكابتن كأب لأنه كبير شوية
الكابتن(محمد):ناوية تتمرني إنهاردة؟
حور:اه يا كابتن..
و بعدين نسيب حور تتمرن..
في شقة متوسطة بس جميلة و متزينة حلو تليق بشقة بنات.. دي بقي شقة حبيبة و منة و ندي و حور بيباتوا مع بعض فيها يعتبروا هما الأربعة أخوات مش صحاب..
تقوم ندي و تخش الحمام و تخرج تفطر وتلبس بنطلون جينز و تي شيرت باللون الأحمر و تسيب شعرها القصير الأسود و تتصل ب حور
فحور مسمعتش التليفون خالص..
ندي:هي مش عايزة ترد الحيوانة دي ليه؟!
بعد فترة قصيرة..
حور بتتصل بندي-اول ما الخط فتح
ندي:يا زبالة يا حيوانة يا معفنة يا بهيمة انا ندي تتصل بيكي و مترديش يا واطية..
حور:بس يا بيئة كنت بتمرن..
ندي:و لو.. مش كفاية إني في حياتك..
حور:إنتي مغرورة اوي يا بت إنتي اسكتي تعاليلي علي النادي..
ندي:انا اجيلك انتي يععع..
حور:تصدقي إني غلطانة إني عبرتك..
حور:خلاص أخر كلام اجيلك و لا إنتي تيجي..
ندي:هفكر..
حور:إخلصي يا حيوانة..
ندي:خلاص جيالك..
حور:باي.
ندي:باي.
حبيبة في شغلها و المدير طلبها..
المدير:حبيبة ازيك.
حبيبة(بغضب تحاول كتمه):حضرتك مناديني علشان كدة.
المدير:اه لا اقصد انتي عملتي ايه في اخر شغل ودتهولك.
حبيبة:خلصته يا أستاذ محمد
المدير(محمد):ممكن تقوليلي محمد بس..و لا اقولك بصي الصراحة كنت عايز اقولك حاجة ..انا معجب بيكي...
حبيبة(و قد تملك منها الغضب):انت حيوان و انا صبرت كتير بس لحد هنا و كفاية انا بقدم إستقالتي جتك نصيبة في شكلك.
و خدت شنطتها و خارجة متعصبة و هي ماشية في الشارع عربية خبطتها فأغمي عليها...
يتبع:💜
أنت تقرأ
للفهد عرين «قيد التعديل»
Romanceفتاة من مجتمع راقي تكره الرجال او بمعني اصح لا تري رجال في هذا الزمن تري ان من تبقي من الرجال اعداد بسيطة تكاد تعد علي الايدي عنيدة و قوية و لا تسكت عن حقها..... و بسبب لسانها و ردودها الغير متوقعة تقع في جحيمه بل ان كلمة الجحيم لا يوصف ما ستراه...
