روايةه :لربما احتاجك
المقدمه و حلقة 1
🌸🌸🌸🌸
عام1972
ناجية:سلم بنيتي ديري بالك ع خوتك هاني بنمشي مشوار وجايه
جلنار:حاضر ❤ ماما بس بديريلنا خبزة الفرن
ناجية:حاضر حاضر بنيتي وكان جي بوك قوليله مشت توا توا لي حوش خالتي
جلنار :حاضر
.....
مشيت درت الغداء وبرمت ع حوش وقعمزت في فراندا نخدم في شاهي درت خمس طواسي ووقفت شوي فتحت ع راديو نسمع في اغاني محمد حسن 💕 اغنيه وعيوني سهاري هايم بيك😍
وقعدت ندندن ع اغنيه ونخدم في شاهي شوي نسمع في صوت رجلين وكلام مفترش طفيت راديو وصبيت قعدت نشوف من شبابيك فراندا نصدمت قعدت نوخر خطوه خطوه لين عثرت في دروج وطاحت العالة شاهي سمعت رجلين يتقدمو بسرعه معاش عرفت كيف ندير نضت واني نعرج خشيت لي دار الخزين قدرتش نصكر باب عشان بيدير صوت خشيت وراء ستار ونشبح من روشن في رجلين شخصين واني نرعش .....
:.من هدا منو لي كان هنا !!
:.اسمعي متأكده عيون بني ادم بلكي قطوسه
:.تي شن قطوسه يابنت تي صوت مشي وجهامه كبيره
:.بلكي بنتي هذي
جلنار:هييي هذي صوت امي ياكبدي زعما امي تسحر 🙊😨
قعدت نرعش وخرت شوي طاح سكفاري طاح دار صوت وصوت مشي يتقرب من دار خزين وخشو تلاته أشخاص نشوف فيهم ويتقربو يتقربو نقزت من روشن قطوستي سكرة وطلعت .....
.:هييي هدي قطوسه عطك الهني رعشتينا
:.بسم الله شكله قعدت نتخيل
:.حمرووش ههههه
:.خزي انتلفو من قدامي
......
بعد ربع ساعه من تفكير ومحاوله استعابي قصدي معقوله امي تسحر ياااربي من منو بنلقاها بس من منو يااااربي ...
طلعت من دار خزين وخشيت حوش سمعت امي تخرخش في وراق مابيتش نقدم خشيت لي دار خوتي لقيتهم راقدين خشيت درت روحي راقده ....
جت امي ...
ناجيه:اي اي راقدين صغار
...
ناجيه: أي قطوسه جلنار هذيك اي اي ههه
...
ناجيه:اي والله ربي يطول في عمره سلمك سلمك لا ياكبدي ماني شاكه فيكم غر هدا هو لخبطه صارت اي اي سلمك سلمك ياغاليه 😘
...
ناجيه:بسلامه زينة زينه سلمك بسلامه
......
جلنار ..
يااااربي شن هدا ياااربي يعني امي مش ح نشوفها في الجنة ياااربي صبركك ...
طلعت البرا طلعت وراي امي
جلنار:هيييي بسم الله شن هدا
ناجيه:ياااكبدي خيرك يا بنتي شن هدا
جلنار :هفففف والله خديت غفوة حسني تاعبه لكن ما نحساب بيصير هالشي
ناجيه :هممم به به يا بنتي ضمي وسيقيه ره في نساوين بيجو العشيه ماسي
جلنار:أن شاء الله ..
سيقت الفراندا وجنان ودار خزين وطلعت البرا ولقيت وراق وصوره بابا وكلام بي احمر وشعر نصععقتت.......
...
ناجيه:اسمعي توا هي بتضم الحوش ونشوفو كان ضمت دار خزين معناها هي
....
ناجيه :اي اي والله لو كانت هي الليله نسقدها ياكبدي ايواااه ما نعرفش حد لا بنتي لا سو هي هي بسلامه نمشي تشوفها ...
...
ناجيه :جلنار يابنيتي جلنار وين اختفت هلبنت ياجلنار
...
جلنار..
هيييي شن وسخ هدا ياربي ياربي هدي صوره بابا وهدا شعر بابا شعر بابا اشقر ايييي 😳ياااربي يامصيبتي سوده شن هدا شن بنراجي من ناس مدام امي هك ...
قعدت نحول ف شعر من ع صور بابا بس يديا تعبو دم قعدت نسمع ف صوت مشي..
قعدت نجري مشيت لحوش القديم وايديا من دم دارو جرة ف طريقي لبدت بين رشاد ونشبح في امي شافت نقط دم وشعر وصور كيف متشرتعات ف كل مكان اني خفت تحس بيا فاجئه وجها انسود مع بعضه وقعدت تمشي بسرعه وتتكلم بصوت عالي وعروقها باينات ..
هدي مش امي شن هدا خيره وجها هك وقعدت تتخبط وكأنها تحكي مع حد جتها مراءه لابسه ردي موف تمشي بسرعه ورجليها مش باينات وجهامتها كبيره وملامح غريبه معاش قدرت نتمالك نفسي من منظر مش فاهمه شي مش عارفه ولا شي لي نعرفه نبي بوي وبس بس بس نبي نقوله نبي نبكي مش عارفه كيف نعبر ..
قصدي لحظه امي امي اقرب ناس ليا شن نراجي من باقي اني بسسس شنن بعد امي خلاص عندهم الف حق ان يديرو فيا كل شي ...
مشيت للوادي قعدت نحدر ف وادي ونلقط في زيتون مشيت لي شجرة قرطوميه بحدا السد نسمع في حد يغني في اغنيه لي نحبها (وعيووني سهاري هااايم بيك ❤)...
قعدت داايبةه في صوت وخلاص وشوي شوي ندندن معاه واني سارحه ونغني فاجئه نلقى واحد طويل عريض قدامي قعدت واحله وخلاص شن هلجمااال شنن بشرة قمحاويه العيون تقول مكحله حواجب مرسومات رسم وفم كيف خويتم يدووب يدووب ياناس قعدت نشبح فيه من فوق للوطا وهو مستغرب شن مخلوقه هذي ...
:..هووو ياا وين وين لاباس تعالي كوليني وخلاص
جلنار:هاا اا هئحم اسفه بس ماهو كنت ندور ف خوي
:..ادوري ف خوك في وجهي?
جلنار:شن تحساب روحك انت طلعتلي كيف جن
خديت العرجون وضربته بيه ونجري خط واحد😅😂😂
قعد يحدف فيا برشاد ويتحلف ..
لما وصلت للصعدا وادي فشلت من جري ودهشت وقفت وقعدت نمشي مع اخضر وادي وتنهدت تنهيدةه💔..
موعررها لما تبين روحك رايق وجوك مليح وانت من داخل متهدم...
لما وصلت لحوش قديم ذكرت وقعدت نفكر زعما ليش امي دارت هكي زعما جداي غصبتها ع جيزة?! ولا شن به ليش وجها انسود وشن علاقتها المراءه هديكا وليش تبي تسحر بابا ?....
فاجئةه ...
قعدت نسمع في صوت ...
:.لازم لازم تزوجي بنتك ومدابيك اليوم خير وخير مايجي الحاج من شركه وتفضحك
هدا نفس صوت لي مبكري منو هي بنتها بتفضحها ?
خلي نشوف ...
لقيت زوز اشخاص نفس كندره امي!!
.......يتبع
زعما من هي لي بتزوج بنتها ?!
زعما تكون جلنار?
والولد شن بيدير لي جلنار?
هدا كله ح تعرفوه بعدين ❤ بس برضو سمعونا توقعاتكم🌸
....
أنت تقرأ
لربما احتاجك 💔 ( روايات ليبية )
Romanceفراق دخل فيه الكبرياء و هذه كارتة فا الطرفين كبريائهم لا يسمح لهم التنازل رغم حبهم الشديد رواية تشويقية و تحمل احدات رهيبة ؟ للكاتبة : فاطمة سالم
