روايةه لربما احتاجك🌸
حلقةه خامسة
......
...
عند جلنار🌸
خشيت من فتحه متهدمه ولقيت امي تبخ في دبشي بحاجه وتقول في كلام غريب مش مفهوم قعدت واقفه في مكاني ونرعش زعما خيرها قعدت نقرا في آيةه الكرسي ...
فاجئه قعدت امي تعيط وطاحت وحاجه تخنق فيها معاش عرفت ما ندير اول ما وقفت آية الكرسي امي شبحت فيا وتفنص وخرت للوراء خاايفةه شن العيشه هدي قعدت تشوف فيا ووجها منسود ودير في صوت غليظ ناضت وطلعت هي بسرعه تنهدت بجدد قعدت نرقد واني نرعش من خوف 💔💔جيت لي دولابي لقيت ورقه جيت بناخدها جت بسرعه امي فكت مني الورقه وقالتلي..
ناجيه:تعرفي تقولي حرف من لي شفتيه ندمرك اقسم بالله تكون عيشتك هدي لي في حوش بوك جنةةه واهون من لي تعيشيها يعني ياحنه هني عظامك خيرلكك فاهمهه ..
وطلعت ..
قعدت نرعش نبي اجابه نبي حد يسندني يواسيني بننفجر💔💔...
🌸🌸
عند ناجيه🌸
ناجيه:اسمعي اسميهان سقدي روحك بسرعهه غدوا غدوا نقرو فاتحه واليوم خطبه وبعد بكرة تاخدوها ياكبدي معاش نبيها معاااش نبي قعادها في الحوش بي اسرع وقت واصحك عينك تخليها تحس انك انتي من طرفي لان ح تكوني مطلقه وقتها
اسميهان:غر شن في خيرك رعشتيني
ناجيه:شافتني شافتني ياوخيتي شافتني
اسميهان: شن شافت ياخية
ناجيه:امس الليل مشيت المقبره قابلت دريخة وعطتني مايه قتلي بخيها ع دبشها لما بتحكي عليك هي ح يرتبط لسانها مشي اليوم بخيت دبشها لما بخيت التفتت لقيتها ورااي كيف جت غر من وين طلعت ماني عارفه
اسميهان:بلكي من الفتحه هديك لي مره لما رقدت خشينا منها خدينا شعرها
ناجيه: وباالك يابنت ايييه والله ماني عارفه هدي شيطانه المهم كيف ماقتلك اسرعي اني ح نقول للحاج انكم تبو عرس ع سكيتي وتبو تعجلو وانتي قولي لي راجلك ان احني نبوه ع سكيتي
اسميهان :وباه بلمره نفتك من سلفي لكن اسمعي اختي تبيه سلفي ره اختاري يا يطلقها يا تجيها ضرة وح يكون زواجها ع ورق
ناجيه:انتم خودوها وبعدين اقتلوها حتى قتل
اسميهان:وبااه ياحنه امشي طلعي بنتك يبي يشوفها سلفي
ناجيه:هي هي ياحنه هيا
....
عند جلنار:
جتني ناجيه قالت العرب يبو يشوفوني بس دغري طلعتني للمربوعه لما خشيت لقيت اسرار مقعمزه معاه ولابسه قفطان اسود وشعرها مفتوح استغربت وين بوي?
اسرار:ههه هي مع سلامه سليمان
سليمان:بسلامه
...
سليمان:هئحم ياسمحه قوليلي شن اسمك
جلنار شبحت فيه لقيتت نفس ولد لي لقيته في الوادي خديت وشاح غطيت بيه وجهي: ج جلنار
سليمان :امممم وعليش غطيتي وجهك يا جلنار
جلنار:حرة
سليمان جي قعمز جنبي وحول وشاح:خيررر تبيش نشوفك نبيش نتزوج ع المغطي ...
وجت عيني في عينه
سليمان:ههه ياااعينني جيتي بين يدايا
جلنار نضت من مكاني:حول ايدكك وتحشم
سليمان :اممم هدا بيش غطيتي وجهك
جلنار:اممم شن تبي بزبط اسمع كويس اني مغصوبه ع جيزه فلدالك فوووتني فوووتني فووتني تمام
سليمان:كيف راي هك انتي عجبتيني
جلنار خديت عصير وبزعته عليه:تحشم ع وجهك حقير تافه
...
وطلعت من مربوعه خشيت للدار دغري ....
بجد من وين نلقاها ترا من عيلتي ولا من لي بيتزوجني ياااااربي كوون معاي مش عارفه نقعد ف حوش هلي ف جحيم ولا نتزوج ونقعد في الاحرف منه صبرككك يااارب
....
عند سليمان:
اممم شكلها بنت رقاد ريح ياااسلام جمال وحلاوه وجت بين يديا ياحظظظي فيك وخلااص 😍اخخخ ليا ليا انتي مافيش كيف خلي نقول لي اسميهان انها مغصوبه ع جيزه باش توصل هلكلام لي هلها ويزيدو يضغطو عليها😋 خلي نتصل بي اسميهان ...
سليمان:ايوه هاني برا
اسميهان:هيا هيا جايه
...
ودقايق
اسميهان:ها بشر عجباتك
سليمان:ياااعليك سماحه وخلاص لكن قالت مغصوبه هي لاباس خيرها نبيش نتزوج مغطي شن في
اسميهان:واللهي هدا هو انت عارف دلع البنات نبي ونبيش وجو هدا
سليمان:اياااه صار دلوعه به باه والحق يعني نبي العرس توا اني
اسميهان:ههه حتى هما ااا قصدي اي والله خير البر عاجله
سليمان:اوباهي ماقلنا شي يالله انزلي هي
اسميهان :هيا هي ياسيدي بسلامه
....
سليمان:ايوه ياحبي
:.بيبي امتى بنتزوجو لينا سنتين مخطوبين
سليمان:قريب قريب غلاي قوليلي حبيبي شن دار اليوم
:. ههه بيبي مش توا عاد
سليمان:ياااعممري اخخ نتعب مع هلصوت
.....
عند ناجيه:
ناجيه:صالح ره بنتك دارت نظره شرعيه وقابلت راجل ويبو العرب عرس بعد بكره
صالح:اوباهي ليش لا غر وتي دبش بنتك وكل شي
ناجيه: خلاص راجل غدوا بيجيك بيتم في جلنار
صالح:ويتفضل هي نتوكل اني توا سلامات
....
عند جلنار:
قرو الفاتحه وبوي جاب تعليقه دهب وسلسله وخاتم ودارولي حنه لكن كل الحوسه ضميتها حتى في يوم فاتحتي
بعد يوم ...
يوم عرسي لا اغاني لا دربوكه ولبسوني الردي بودري ويصفقو البرا ناجيه دارت عرسي مش ف الحوش ف صاله البرا حتى يوم زفتي طلعتني من صاله لي برا اخخخ عليك قهر من دون البنات قالت الحوسه من بيها بعدين 💔وزفوني وجي بوي قصلي قصه من شعري ع السبر وحط الجرد بوي ع كتافي لين ركبني في سياره سبرنا هك واني نبكي نبكي وخايفه شعور مختلط خوف وتوتر وكيف بتكون حياتي ووين بنعيش ....
وقفت سياره ..
سليمان شبحلي من مرايا:انزلي
جلنار نزلت من سياره شفت حوش غررريببب شكله حلووو بس تفصيلته غريبه وقفت لعند باب نزل سليمان فتح باب وجت سياره ونزلت اسميهان تزغرط وخشينا ...
سليمان:احني دور تاني وعيت خوي دور اول فلدالك مانبيش نسمع صوت ...
قعدت نتبع في سليمان لين خش للحمام ..
سليمان:ههه تبي تخشي معاي حتى حمام
جلنار:مبردك انتحر بالله
...
قابلتني دار خشيتلها حولت الردي وقعدت ندور في مستور لقيت كله قفاطين قصار وبس لبست اطول قفطان احمر ورفعت شعري لفوق خش عليا سليمان قعد يشوفلي ..
ويقرب حاوطني بيديه ....
وووو.....
....
نضت تاني يوم ...
خشيت حمام درت دوش وطلعت لبست قفطان ووشاح ونزلت درت الفطور وكل شي طلعت للسور لقيت اسميهان معاها امي استغربت قربت باش نسلم ع امي جيت وراء شجره لان وجه امي لونه مخطوف وراعشه قعدت نسمع فيهم
اسميهان:اسمعي انتي امها ومادرتي فيها الخير ايواه بنتك وصلتنا خلااص لي بنديره فيها شويه يعني ماتقوليليش ليش وكيف ايواه واختي تبيه سلفي وكان تبي بنتك متهنيه تو تجيك غر هدا هو بس ماتقوليش خيرك بعدين
ناجيه:به باه كيف ماتبي ياحنه وبنتي عندكم وسلام عليكم هي ..
جلنار ..
قعدت واقفه ف مكاني معاش عرفت ماندير بس لحسن حظ قعدت اسميهان تسقي في زرع مشيت لفيت ع حوش لقيت سليمان معاه بنت حاضنها نصعقتت امسس كان معاي كيييف هك هدا راجلي كيييف خلااص حاجه غامه عليا قعدت شننن هدا مشيتله ودفيت البنت
جلنار:هيي هي تحشمي ع وجهك انتي هدا راجلي ياسوسه تحشمي ع وجهك
سهى:معليشي هدا خطيبي يااضرتي
جلنار قعدت يابسه في مكاني كييف يعني هلي لوحوني هك وخلااص كييف هك
جت اسميهان ...
اسميهان نعمم خيرر
سهى:ولا شي سوسو بيبي هيا
ومشي معاها سليمان ولا كأنه ....
اسميهان:اسمعي ياسمحه انتي اختي تقربيها معناها وقت هداك وقت جنازتك فاهمهه وامك لوحاتك يعني لي بنديروه فيك احني بيكون اهون ليش لان امك ولوحاتك شن تراجي منه احني ياحنه وهيا قدامي نبي حوش يلمعع فااهمه
....ومشت
جلنار ..
قعدت واقفه في مكاني ونرعش شننن هدا يااربي يااربي صبرني ياااربي خيرني هك قعدت نبكي واااجعتني روحي نبي نرجع لحوش هلي ع اقل اهوون واهوون بواجد من الذل هدا ...
قطع سرحاني صوت
اسميهان فتحت روشن:هيااا تحركي
...
نضت نمسح في دموعي ونرعش قعدت نضم ونبكي بشهقه وااجعتني وااجعتني كيف سليمان باعني حتى هو مش لاقيتها من حد وفاجئةه تجي حاجه تضربني من الوراء ونلقى ....يتبع
توقعاتكم ❤
أنت تقرأ
لربما احتاجك 💔 ( روايات ليبية )
Romanceفراق دخل فيه الكبرياء و هذه كارتة فا الطرفين كبريائهم لا يسمح لهم التنازل رغم حبهم الشديد رواية تشويقية و تحمل احدات رهيبة ؟ للكاتبة : فاطمة سالم
