رواية #انت_منقدي 💔
( خيال ممزوج بلواقع )
للكاتبة : #رورو_عاشور
الرواية بلهجة الليبية
حلقة. 9🔥
-
-
-
جت عيني اللي معبية دموع في عيونهه اللي معبيين خوف علياا 💔
اهتمامه بيااا خلاااني نتعلق بيه هلباا من غير مانحس
بس اللي يقهر ان اهتمامه من جانب الواجب بس 💔
ادم : قعمز جنبنا : شن تهدرزو وشافلي
انا : شيء نهدرزو وخلاص
ابتهال : انا بننزل راجلي جاي ،، بسلامة توتو
انا : بسلامة حبيبتي
نزلوا ابتهال وريم ورنيم
قعدت انا مقعمزه ع الصالون وادم راقد ع الكنبة جنبي
انا : غدوه تبدا الكلية
ادم : اي عارف
انا : نحس روحي بنفشل
ادم : قعمز : معاش تقوليها الكلمة هادي
انا : نزلت راسي وتنهدت
ادم : ترتيل فيك حاجه ؟
انا : لالا
ادم : ترتيل انا مانتحكمش فيك راه انا خايف عليك نبيك قوية وتعتمدي ع روحك
انا : ابتسمت ع كلامه وتنهدت في قلبي 💔
ادم : شن رايك نطلعو وتغيري جوك
انا : اي عادي نحس في روحي تاعبه اصلا
ادم : هي نوضي ألبسي
انا : اوك ..
ناضت ترتيل وادم سرح يخمم في هببه
كان يعامل في ترتيل كويس وحارص ع راحتها بسبب تأنيب ضميره ع اللي صارلها بسببه
انا : انيي واتيية
ادم : ابتسم : هي اطلعي
انا : هههه مش ديما انا نطلع انت قبل
ادم : عييب السيدات اولاا والدرياات اولا
انا : عينك انت طويل هلبا
ادم : اي اي دفيها فيا يادرية 😂😂😒
انا : هههههه
******************** ******
في الطريقق :
ادم : وين خاطرك تمشي
انا : مانعرفش نبي مكان فيه انا وانت بس
ادم : شافلي بإستغراب
انا : ارتبكت : قصدي بش نهدرزو وهكي
ادم : ابتسملي وانا نلعن في نفسي الف مره ع الكلام اللي قولتهه
وصلنا وكان رافعني لمصيفف ♥️..
انا : توا الشتاء ولا الصيف
ادم : صيف شن تشوفي في مطر انتي 😂😂
انا : لا غر مش زحمة المصيف
ادم : نزل وهوا يضحك عليا حجز لينا وفتحلي الباب : انزلي
نزلت وحسيت بالرملة تشدلي في رجليا ومتعبتني
ادم : حتى رملة هكي ادير فيك
انا : نحس في روحي بنطيح جهد ماعنديش
ادم : تعالي هي وساندني وقعد يمشي فياا
خطموا من جنبنا بنات
البنت : محلاهم الحب واضح عليهم
البنت 2: بذات في وجه البنت تحبه هلبا شكلها
البنت 1: عينك في وجها هوا واضح اكثر
ادم : شافلي وابتسم وغمزلي وانا معاش تلقوني تمنيت نخش نغرق روحي في البحر اصلاا ماخلاني نغرق فيه وفي حبهه الا هالغمزة منه💔💔
ادم : هي ارتاحي
قعمزت ع الكرسي وهوا قعمز جنبي
خطمت مراة وشكلها دكتورة : لالا ماتشربيش قهوة
انا : نعم
الدكتورة : شكلك حامل والقهوة مش كويسه ليك بكل
انا شفت لادم اللي تغيروا ملامح وجها :لالا
الدكتورة : اما شهر انتي اكيده في البداية قاعده
انا : فهمتيني غلط يادكتورة انا مش حامل
الدكتورة : اه سامحيني نحسابك حامل لكن ننصحك تمشي وتتأكدي ديري تحليل
ادم شاف لدكتورة وشافلي :
انا : ان شاء الله صحيتي
ادم : ها غيرتي جوك
انا : قعدت مركزه في ملامحه نبي نعرف هل هوا بيفرح او بيضايق والله لو بيضايقك اني حامل ياادم مش ح نقولك والله 💔
ادم : ترتييل !
انا : ها ! قصديي نعمم
ادم : وين مشيتي
انا : لا شيء نفكر بسس
ادم : ماتقعديش غامضه هكي احكيلي عليك وخليني نشاركك تفكيركك خيره انا مش داس عليك شيء
انا : " بداخلي "اخخخ ياااقلبييي انت مشاركني حتى النفس انت الهواء اللي نتنفسهه اصلااا افف ترتيلل خلااصص : ولا شيء نفكر في نهاية هالقصة
ادم : ترتيل انا صح حالف ان مانمسك ولا نوجعك وتأنيب ضميري من ناحيتك مخليني لا ليلي ليل ولا نهاري نهار لو مش حابة تطلقي مني مانطلقكش وتقعدي عايشه عندي معززه مكرمة راه انا اخترت الطلاق لان نبيك تشوفي نصيبكك وتعيشي حياتك انتي مزال صغيره والفرص قدامك انا الغرض من كلامي ليك ان نساعدك بس واكيد ح نقعدو ع تواصل ولو تحتاجي اي شيء انا موجود
انا : كلااااممممهه حسيييته نااااار في قلبييي 💔💔
اااااه ياااربي انت عالم بحالي خودني وريحني ياااربي 💔.. : ابتسمت بالرغم ان من داخلي مقهوره من كلامهه
ادم : قوليلي ع عيلتك علاش يضربوا فيك
انا : تحشمت منه : لا مايضربوش فيا
ادم : اني ريتهم راه وقتلك احنى كلامنا مع بعض مش ح يطلع برا معاك راجل راه وغمزلي
انا : اححح
ادم : احكيلي وفضفضي ترتيل
انا : انا جيت معاك اهني بش نبي ننسى ادم ارجوك
ادم : ع راحتك ووقف
انا : وين ماشي
ادم : بندخن مش كويس الدخان جنبك
ومشي قدم لشط
سرحت وانا نفكر فيهه كان لابس كنتيره مبينة عضلاتهه وشورت اااخخخخ ياااربي ماتحرمنيش منهه 💔
أنت تقرأ
انت منقدي💔 ( روايات ليبية )
Romanceللكاتبة : #رورو_عاشور تدور الاحدات حول بنت تدعي ( ترتيل ) تعرضت الي مشاكل مع عائلتها و تعرضت الي الاغتصاب مما قلب حياتها فهل تجد منقد لها ام لا ؟
