رواية #انت_منقدي 💔
( خيال ممزوج بلواقع )
للكاتبة : #رورو_عاشور
الرواية بلهجة الليبية
حلقة. 21🔥
:
اما عندي انا فكان قلبي يوجع فياا هلباا ومش عارفه شن فياا نحس في قلبي بيطلع من ضلوعي وبنموت 💔
بديت نبكي وانا مش عارفه خيرني حتى
ربيعه : بسم الله عليك خيرك ترتيل
انا : اخخخ قلبي ياماما قلبي بنموت اقسم بالله ماعارفه خيرني
ربيعه : هي نوضي نعاينك البسي
انا : لالا مادوريش عادي
ربيعه : ياسرك يابنيتي بكي راك قتلتي روحك
انا : شن ندير ياماما كان كنت فرحانه بروحي وع اساس معاش بنبكي والهم يجي لعندي
ربيعه : خيرك شن فيك شن صاير
انا : والله العظيم مانعرف هكي ياماما نبكي بس
ربيعه : ربي يهديك يابنيتي
نزل جهاد يجري بخوه وسميه تبكي وتندب في حظ ولدها اللي راح منها ..
هبه : تبكي : كله منها هديكا الافعى حسبي الله فيها
ريم : شافت لهبه بنظره تقتل : مش هي الافعى طلعوا عندنا افاعي احرف
هبه خافت من كلام ريم وسكتت ..
****** *******
انا مقعمزه نبكي وندعي لربي يهدي الشعور اللي في داخلي 💔..
ربيعه : اخخخ عليك وع حظك يابنيتي
رن نقالي وكان ايوب رديت واني نبكي
ايوب
ايوب : نعم خيرك
انا : مش عارفه نبكي ومش عارفه خيرني
ايوب تنهد : ترتيل
انا : نعم
ايوب : نبي نهدرز معاك شويه نجيك توا
انا : شن تقول انت تبي خوتي يقتلوني
ايوب : تربحي انا مش واعي ع روحي راه انا شارب ونبي نفضفضلك
انا : بالرغم من الخوف اللي في داخلي وافقت انه يجي
طلعت نطمن ع الوضع لقيت حميد في داره وعبدو راقد
فتحت الباب وخش ايوب مشينا ورا الحوش
ايوب كان شاارب هلباا وواضح انه مش واعي ع روحه
انا : خيرك شن فيك ايوب
ايوب قعمز تحت الشجره : ترتيل انا مش كويس
انا: بلعكس انت احسن حد عرفته في حياتي
ايوب : باه علاش هكي صارلي
انا : بإرتباك : ش شن شن صارلك
ايوب : اني حياتي عمرها ماكانت مقومه عمري ماعشت يوم كويس اني اخديتك ع خاطر امي ياترتيل
انا بإستغراب : اها
ايوب : انا انا مش كويس ترتيل انا عمري ماكنت كويس مش ح تعيشي معاي صدقيني مش ح ترتاحي
انا : بلعت ريقي : وضحلي ايوب
ايوب : اني مريض ترتيل
انا : بخوف : ش شن
ايوب : في يومي التحليل كان عرسي بيبدا وبندير التحليل الدم كنت ماشي وواتق ان خلاص ح ناخد اللي نحبها وبنوفي بوعدي ليها عمري وحياتي ماقصرت معاها عيشتها اميرة ع عيلتها وصاحباتها كنت نخدم ليل نهار ع خاطرها واخر الليل بالرغم من التعب نكلم فيها واول مانسمع صوتها كل تعبي يهون 💔 في ليلة التحليل طلع عندي كانسر وواصل مراحل
انا اهني انصــدمـــتت 💔:
ايوب : تتحسبي عليا في داخلك وله
انا ساكته ونسمع
ايوب : لما عرفت ان عندي كانسر تخلت علياا 💔 سيبتني في عز ضيقتي ولا قالت نسأل عليا💔
تعرفي شن صار فياا وقتها تعرفي شن اللي عشته انا وقتها 💔.. تمنيت نموت وقتها
ولما العيلة كلها سمعت كلها تشمتت فياا كلهم تشمتوا في اللي تعبته ع خاطرها 💔 وقهرتني لما تزوجت بعدها واخداها ولد عمها البنت اللي ربيتها ع ايديا اخدوها من بين ايديا 💔
انا ساكته وجعنيي ايوووب هلبااا : باه عالجت
ايوب : لا
انا : بصدمه : ك ك كيفف
ايوب : لما صارلي هكي حلفت معاد معاينها ولا حتى واخد جرعة
انا : بس هذا امتحان من ربي ليك ولازم تكون قوي وتقاوم
ايوب : انا راضي بالموت عادي
انا: بس غلط الشيء هذا ياايوب
ايوب : بلعكس القرار الوحيد اللي اخديته صح
انا : بس انت علاش جيت و
ايوب : وخطبتك صح
انا هزيت راسي ب اي 💔
ايوب : نعترف إن كنت أناني قولت البنت مطلقه ومش ح يأثر فيها موتي ..
انا : كييف !
ايوب : امي تنق عليا تبيني نتزوج لان هي تحساب ان نعالج وتبي تفرح بيا ودوة من اهني دوة من غادي خوي قال عليك وانا طول وافقت بس انا بعد عرفتك تغيرت نظرتي ليك وقررت نحكيلك لان ضميري يأنب فياا
انا ساكتته ونسمع اصلاا ماتأترتش هلباا لان تعودت 💔ايوب : سامحيني 💔
انا: ربي يسامحك دنيا واخره
ايوب شافلي بإستغراب : يعني انتي عندك عادي ان كذبت عليك ودسيت عليك
انا : عادي
ايوب : متأكده ؟
انا : تعودت ايوب عادي
ايوب : .......
انا : بس خوتي يعرفوا
ايوب هز راسه ب اي
انا غمضت عيوني وحاااسه بووجع في قلبي بيقتلني 💔
ايوب : اسفف
انا : ماتتأسفش ايوب انت ماليكش ذنب انا عيلتي لوحوني ليك 💔
ايوب : انا من لما عرفتك اعطيتني امل في الدنياا وقررت نمشي نعالج
انا : لازم ايوب لازم تعالج
ايوب : كلمت اوليد وبنسافر الايامات الجاية للاردن
انا : ان شاء الله خير
ايوب : سكتت 💔
أنت تقرأ
انت منقدي💔 ( روايات ليبية )
Romansaللكاتبة : #رورو_عاشور تدور الاحدات حول بنت تدعي ( ترتيل ) تعرضت الي مشاكل مع عائلتها و تعرضت الي الاغتصاب مما قلب حياتها فهل تجد منقد لها ام لا ؟
