انت منقدي💔 ( روايات ليبية )

حلقة 19🔥

رواية #انت_منقدي 💔
( خيال ممزوج بلواقع )
للكاتبة : #رورو_عاشور
الرواية بلهجة الليبية
حلقة. 19🔥
♥️"

***************   ***************

جي الليل واتصل بياا ايوب

انا : شكرا
ايوب : ع شنو
انا : ع الحاجات والشكلاطه
ايوب : ترتيل
انا : نعم
ايوب :  تقدري تحكي توا
انا : شن بنحكيلك
ايوب : ع حياتك كلها
انا : بس انا ماعندي شي نحكيه
ايوب : اوك خلي انا نحكيلك تمام
انا : سكتت ونسمع فيه شن بيحكي
ايوب : انا امس سمعتك لما كنتي تبكي وتقولي لامك انه بيتزوج وانه اخطب
انا انصدمت وخفت منه هلبااا 💔
ايوب : قصدك ع راجلك الاول
انا : تنهدت وسكتت 💔
ايوب : تقدري تفضفضي راه ومش تقولي ان بنعاود لخوك أو شيء أنا إنسان شاري الاخره وعارف عيشتكك مع خوتك كيف مش ح نسببلكك مشاكل معاهم اوتقي فيا بس
انا : نوتق💔 صدقني صعب هلباا الشيء هذا
ايوب : حاولي مش ح نخسروا شيء
انا : بس انت عاودت وسببتلي في ضرب من حميد
ايوب: بإستغراب : عاودت شن اللي عاودته
انا : يوم المقابلة الكلام كله عاودته لحميد كيف تبيني نوتق فيك يعني
ايوب : بإستغراب : قسمابالله ماطلع حرف من فمي انا
انا : اذكرت سميره تحسبت فيها بداخلي وسكتت
ايوب : بالك حد من النساوين قال لخوك بعدين انا راجل وماعنديش في العواد وجو هذا
انا سكتت وتنهدت من قلبيي 💔..
ايوب : يعني مش ح تحكيلي 💔
انا : نطلب منك طلب
ايوب : نعم
انا : نبي نرجع لكليتي ونبي نقرا
ايوب : علاش ماتقريش انتي
انا : حميد 💔
ايوب : اها اوك اقري وخلي خوك عليا
انا : مش ح يخليني
ايوب : مادخلاش هوا
انا : ابتسمت فرحتت هلبااااا ان ح نرجع نقراا ونشوف البنات ويمكن ان نلمح ادم او شيء💔..
ايوب : اي شن تقري انتي
انا : لغات
ايوب : اوووو
انا : ههههه
ايوب : علاش هربتي من الموضوع
انا : لان مش قادره نواجه حد ونحكيله قصتي
ايوب : اممم يعني سر كبير
انا : تنهدت وتكلمت بنبرة كلها حزن : هلباا سر كان ح يقتلني
ايوب : اووو
انا : بس انا تقتي في ربي قوية يعني واتقه انه ح يفرجها علياا
ايوب : حتى انا ♥️
انا : ممكن سؤال
ايوب : نعم
انا : انت شن جابرك علياا
ايوب : سكت
انا : بس لو تجاوبني
ايوب : شن رايك تخليها للوقت يجاوبك
انا : حسيت ان في حاجهه 💔: اوكك
ايوب : بما انك مش ح تحكيلي انا بنستاذنكك ناعس
انا : تمام تصبح ع خير
وسكرتت 💔
اذكرت لما كنت نفرح ب مكالمة ادم لما سجلتهه منقذي وهوا يضحكك وفرحان اذكرت لما نطلعوا انا وياه ونصوروا في سيلفيات بش نذكروا بعض 💔
اذكرت فرحتي لما عرفت روحي حامل 💔

تفاصيل مستحيل ننساها لما طلعت من الدوش بالفوطة نظراته لياا مش قادره نحولها من راسي
اخخخخخ يااااربيي وكالعاده ارقدت ودمعتي ع خدي 💔..

جي تانيي يومم
نضت زي الشغالة للمطبخ  وتيت الفطور وقعمزت نفطر مع ماما

حميد ايوب يتصل ان شاء الله تطلعي مدايره حاجه للولد بش نعدمك
انا خفت من اتصالهه وفرحت في نفس الوقت
حميد : ايوا صباح الخير
ايوب : صباح الورد  كيف حالك
حميد : الحمدلله وانت ، طمني ان شاء الله الامور تمام
ايوب : اي تمام لكن اختك تقرا ولا
حميد : والله الحق راني اني اللي امبطلها
ايوب : لالا مايصيرش هكي لازم ترجع للكليه
حميد : والله مانقدر الحق
ايوب : لالا تقدر كان ع توصيل انا نرفعها ونروح بها ولا ناجرلها مراة تسوق
حميد : بس بشرط
ايوب: نعم
حميد : تقرا الفاتحة عليها
ايوب : ابتسم : عادي اوك
حميد : خلاص معناها حدد يوم وبعدين هي تقدر تقرا وتبدا في ذمتكك