حلم مريم 👑 ( روايات ليبية )

حلقة 16🔥

👑رؤاية : حلم مريم👑

حلقة : 16

.
.
.
_____________________
ف تركيـا
فاطمة : اتصل بي خوك ولا حناك
امير : تو نتصل بي حناي
مريم : باه واني نبي شفره بروحي
امير : اعلاش
مريم : هكي
فاطمة : اهم شئ الفايبر مفتوح بي شفرتك مش لازم شفرة تركيـا
مريم : ايوا ضرؤري منها الحرمة
امير: خلالاص اسكتي تو نشريلك
فاطمة : ماتزيدش دلعهـا
امير : عـادي هي قولو وين نمشو توا
مريم : نمشو للمحلات قبل
امير : لالا مسرع
فاطمة : وين ماتبي انت
امير : اوكي هي
.
.

.
.
.
.
حوش حاجة مباركة (كانو مقعمزين يهدرزو لين تصل بيهم مصطفئ )
سومة :وااك هادا مصطفئ شن يبي
مباركة : فوتيه
سومة : هادا لي بيصير
هناء : متصلتش خالتي
مباركة : لالا ( المهم كثر اتصالات مصطفئ لئن ردت سومة )
.

.
.
سومة : ها يامصطفئ
مصطفئ : نبيك انتي ولا هناء يمشو لي الحوش متاعنا يسكرو لينا طلعت وخليته مفتوح
سومة : واعلاش مسكرتاش وراك
مصطفئ : لئنـا سالمين ف المستشفئ
سومة : للطف مزال موعدهـا
مصطفئ : سالمين طاحت من دروج هيا ف العناية ديري لي قوتلك عليه
سومة : اه امتا صار هادا
مصطفئ : اليوم صبح
سومة : اه باهي حمد الله ع سلامتهـا تو نمشي ندير دورا ع الحوش
مصطفئ : صحيتي ابتسام تعبتك معاي
سومة : لالا عادي
.
..
.
.
مباركة : خيرا شن يبي
سومة : سالمين قال طاحت من دروج
مباركة : شني امتا
سومة : اليوم قال ف العناية
مباركة : لاحول والا قوة الا بالله
سومة : اني خلي نمشي نسكر باب حوشهم لينا طلع وخلاه مفتوح
مباركة : باه
هناء : نجي معاك
سومة : هيا البسي عبايتك نستنا فيك
هناء : باه
.
.
.
ف تركيـا
فاطمة : اتصل بي حناك
امير : باهي دقيقة
فاطمة : عطيني نكلمهـا
امير : باه ( تصل امير بي حناه )
.
.
.
مباركة : الو مني
امير : حناي شخبارك
مباركة : امير ووصلتو
امير : ااايه وصلنـا شخبارك انتي
مباركة : الحمد الله
امير : شديري
مباركة : شئ مقعمزة بروحي
امير : اعلاش وين سومة وهناء
مباركة : مشو يسكرو ف باب حوشكم
امير : اعلاش سكرنـا حنى قبل مانطلعو
مباركة : حوش خوك فوق وباب جنان مفتوح
امير : اعلاش وين مصطفئ مسكراشي
مباركة : معا مرته ف المستشفئ
امير : اعلاش خيرهـا مرته
مباركة : طاحت من دروج اليوم  وف العناية هيـا
امير : شني
مباركة : والله
فاطمة : خيرك شن ف
امير : باهي حناي تو شوية وتتصل بيك امي
مباركة : باه هي بسلامة
.

.
.
.
.
فاطمة : خيرك
امير : سالمين
فاطمة . مريم : خيرهـا
امير : ف المستشفئ
فاطمة : للطف مزال موعد جيابهـا
امير  : طاحت من دروج وقالت انهـا ف العناية توا
فاطمة : شني
مريم : كدااب
امير : والله
فاطمة : اسمع ياولد نوض احجز اني نبي نروح
امير : شن تروحي يام استني هاليومين
فاطمة : شن بيصبرني هاليومين
.
.
.
..
.
.
احمد & حنان
احمد : سلام عليكم
حنان : وعلكم سلام مني
احمد : حنان
حنان : مني معاي
احمد : غير انتي حنان
حنان : ايه مني
احمد : امممم اني احمد
حنان: ها ا اه اهلين
احمد : اهلين بيك شخبارك
حنان : الحمد الله ؤانت
احمد : بيك حلو انشاء الله مضايقتكش بي اتصالتي ولا ازعجتك
حنان : ههه لالا عادي
احمد : امممم والله شن تبيني نقولك
حنان : تفضل
احمد : اني حاب نتعرف عليكـ اكثر
حنان : زي شني
احمد : كل شئ عليكـ
حننان : هـا شوف اني انسانة عادية لا غنية ولا فقيرة ياعني عيلة بسيطة
احمد : ايه
حنان : اني بنت وحدة وولد واحد اسمه محمد طبعـا مسافر لي بريطانيا يقراء غادي م 89 امي دكتورة  ووبوي مدير اعمال
احمد : مشاء الله ربي يحفظكم
حنان : تسلم ويحفظك
احمد : ومن وين تعرفي مريم
حنان : مريم كانت تقراء معاي من اولا اعدادي لحد الان
احمد : ربي يخليكم لي بعض
حنان : انشاء الله عرفني بيك انت توا
احمد : اني عمري 23 ف كليه الهندسة عندي راس بنية اسمهـا هناء يعني اني وهيـا بس لكن هناء مش معانا ف الحوش ساكنة تقعد معا حناي بوي مدير شركة امي ممصمة ازياء معروفة يعني فيك تقولي حتى حنى عيلة بسيطة
حنان : هـا كؤيس ربي يخليكم لي بعض انشاء الله
احمد انشاء الله
(وقعدو يهدرزو )
.
.
.
.
.
.
.
.
...
.
.
ف تركيـا
(محمد & مريم ع الؤاتس اب )
محمد ( حبي استحشتك )
مريم ( اني اكثر تو انشاء الله يوومين ونروحو)
محمد ( طبعـا ماتنسيش بش تتعرفي ع خوتي ومروة )
مريم ( حاضر )
محمد ( شديري )
مريم ( شئ مكسده )
.
.
(وقعدو يهدرزو )
.
.
.
.
.
.
ف المستشفئ
منصور : يام بري روحي انتي وخولة وارتاحي
خديجة : نرتاح ترا قولي كيف نرتاح وبنتي لاعارفة عليهـا حيه ولا ميته ترا قولي
منصور : خلالاص يام تو انشاء الله تنوض  غير بري ارتاحي انتي بس وانيت خولة خودي مفاتيح سيارة وحطي امي ف الحوش وماتجوش
خولة : انشاء الله هي نوضي ياامي
خديجة : قوتلكم مانبيش نروح
خولة : هيوراس ماما شن الفايدةة كان قعدتي هنئ بتنوض مثلا حاتقعد ف العناية هيـا نمشو وغدوة نجو
خديجة : انتي بري روحي اني خلوني نقعد عند بنتي
منصور : باهي كان قعدتي شن بتستافيدي اهو قاعد اني ومصطفئ هنئ نوضي روحي هي
خديجة : لكن صبح بنجي هنئ
منصور : خلاص بري يام هي
خولة : هي تعالي
منصور : سوقي بشوية
خولة : باهي
.
.
.
.
.
.
.
.
.
.
.
.
___________________________________
الهم قعدو سبوع ف تركيـا وروحو وجابهم احمد من المطار  ساعة 11 ف ليل ووصلهم لي حوشهم مريم دارت دووش وخشت رقدت وامير نفس شئ دار دوش ورقد وفاطمة قعدت ضم ف لحوش
المهم ناضو تاني يوم
.
.
.
حوش مريم
مريم : الله اسحشت حوشنـا
فاطمة : اكيدة هي انت كمل فطورك وخلي نمشو لي خوك
امير : باه
مريم : اني مش ماشيا بيجوني البنات
فاطمة : مريم بتمشي شوفي خوك وروحي مش لازم تقعدي غادي
مريم  : واك واك واك بهي
فاطمة : معش تووكي نوضي البسي
مريم : باه خليني نفطر قبل
امير : خلي نوض اني نلبس ونستناكم ف سيارة
مريم : باه
.
.
.
.
.
.
ف الجامعة
سهئ : يابنات مريم روحت را
حنان : ايه عارفة
حنين : امم باه
سهئ : شن رايكم نمشولهـا اليوم
حنين : عادي لكن بعد العصر
حنان : اكيدة بعد العصر
حنين : خلالاص معناها اتصلو بيهـا قولولهـا
حنان : باه تعالو نخشوو للمحاضرة بعتالي نتصلو بيهـأ
سهئ : هيا
.
.
.
.
..
امير & احمد
احمد : ها يامصلحي
امير : مصح وجهك
احمد : هههه شن تبي
امير : اني نمشي للمستشفئ توا وقول لي معتز نبي نشوفه
احمد : فكرت
امير : ايه لكن خلي نتفاهم معا معتز قبل
احمد : باه خلالاص تو نكلمه وين نتلاقو
امير : ف طريق شط تقعيمزتنا غادي
احمد : خلالاص تو نكلمه
امير : ماشئ نتلاقو
احمد : ماشئ
.
.
.
.
.
.
.
______________________________________________
حوش محمد